الوسم: المسقعه
السلام عليكم
المسقعه باللحمه المفرومه+طاجن الباميه 2024.
ممكن اعرف يا قمرات المسقعه باللحمه المفرومه ممكن اعمل جنبها ايه تتاكل بايه يعني؟؟؟؟طيب تنفع في رمضان ولا تبقى تقيله؟؟؟؟
انا ماعملتهاش قبل كده خااااااالص بس جوزي بيعشق البتنجان و قلت اعملهاله
طيب كمان سؤال يا قمرات طاجن الباميه باللحمه في الفرن احلى ولا الباميه المطبوخه مع لحمه بردو بس على البتوجاز و ياريت اللي تعرف تقولي طريقه لذيذه لطاجن الباميه ده ؟؟؟؟؟انا بردو ماعملتوش قبل كده مواضيع هذا القسم برعاية
زهره حلوه زهره حلوه 725203_1.gif سوبر فتكات Fatakat 725203 القاهره – مصر
سبحان الله و بحمده
صينية المسقعه بالزبيب والنعناع " من مطبخ أم أحمد " 2024.
دي طريقه ماحدش بيعملها كتير
الاغلبيه بيعملوا المسقعه باللحمه المفرومه ..
يارب طبقي ينال رضاكوا ويعجبكوا
نبتدي 00 بسم الله
– نجيب الباذنجان الاسود الرومي .
– نقطعه طرنشات متوسطة الحجم .
– ونرش عليه شوية دقيق " طحين " علشان ما يشربش زيت كتير " .
– وبعدين نقليه في زيت غزير ونحطه علي مناديل تشرب الزيت .
– في الصينيه نحط شوية زيت ذره ومعاها فصين ثوم مفروم ونحمره لحد ما يصفر لونه .
– وعليها معلقتين كبار صلصة طماطم " وممكن تحطي عصير طماطم بس سيبيها تتسبك شويه " وعليها شوية ماء ومكعب مرقه وملح وفلفل اسود .
– وبعد ما تاخد غلوه حطي شوية زبيب حلوين كده وملعقتين سكر وملعقة نعناع ناشف مفروم " هيخلي ريحتها تحفـه 00 وعلي ضمانتي " .
– وبعدين نرص الباذنجان ونحط عليه شويه من الصوص .
– نغطيه بصينيه تانيه ونديله غلوه " يعني حوالي 5 دقائق " .
– وبعدين نحطه في الشوايه علشان ياخد لون .
– شوفوا ماشالله شكله يجنن ومش عايزة اقولكوا علي الريحه .
– ويقــــــــــــــــــــدم بألف هنا 000
أممممممممممممم
يارب يكون عجبكوا واتمني تجربوه وتقولولي رايكوا ايه 
احترامي وتقديري لكل بنات المنتدي الكرام
أم أحمــــــد
مواضيع هذا القسم برعاية
om ahmed2016 om ahmed2016 415942_1.gif فتكات نشيطة Fatakat 415942 الهرم – مصر
