ناصيحه لوجه الله تعالى عن الدكتور سيد الاخرس ربنا ينتقم منه 2024.

ناصيحه لوجه الله تعالى عن الدكتور سيد الاخرس ربنا ينتقم منه

عايزه اقول لكل واحده اوعى وايكى تفكرى فى يوم من الايام انك تروحى لدكتور سيد الاخرس اقسم بالله العظيم انا ماليه اى مصلحه غير النصحية لوجه الله بصو انا عندى تكيس على المبايض من وانا بنت وبعد ماتجوزت لفيت على دكاتره كتير محصلش ناتيجه المهم بعد سنه من جوزاى روحت للدكتور سيد الاخرس دا ربنا ينتقم منه اشد انتقام وحسبيا الله ونعمة الوكيل فيه روحتله اول ما دخلت الكشف عنده كان 100 جنيه من سنين ونص دخلتله سمع بس انى عندى تكيسات اقسملكو بالله ما اداننيش فرصه اكمل بقيت اللى عندى كان كاتبلى على تحليل واشعه 600 جنيه روحت عملتها ورجعتله اول ما دخلتله تانى قالى اسمعى انتى محتاجه عمليه كى للمبايض وبسرعه لحسن التكيسات دى بتجيب والسكر والضغط وليها اضرار كتير مش بس تأخير الحمل مشيت من عنده الساعه 11ونص بالليل قالى تجيلى بكره الساعه 8 الصبح علشان نعمل العمليه ضرورى كان جوزى ساعتها فى الامارات اول ما راوحت البيت كلمت جوزى وقولتله جوزى اتخض عليا قالى روحى طبعاً اعمليها وانا بصراحه كلامه خوفنى المهم دخلت على النت قرأت شوية معلومات عن العمليه دى لاقيتها ان التكيسات بترجع تانى المهم روحتله الساعه 8 الصبح ومعايا 3 الاف جنيه تمن العمليه اول ماروحت دخلت على غرفه العمليات عملت العمليه فى تقريباً ساعه وخرجت على مافوقت كانت الساعه تقريباً 5 المغرب اول مافوقت هو جانى قالى عامله ايه وكده ومشى فا ماما بتقوله احنا قرينا على النت ان التكيسات دى بترجع تانى قالها ماتسمعيش كلام حد التكيسات مش هاترجع تانى خلاص وهى كان عندها انسداد فى الانبيب وانا سلكتها المهم راوحت البيت الساعه حوالى 1 بالليل كتبلى على العلاج ورحتله بعد اسبوع اول ما دخلت عنده كتبلى على تحاليل واشعه تانى ب 1000 جنيه كده الحساب كله تقريباً 5000 جنيه مش مهم الفلوس الهم الناتيجه اسمعو بقا الباقى عملت التحاليل والاشعات ورجعتله تانى هو كله عنده فى نفس المستشفى مستشفى الامم فى غمره المهم رجعتله تانى قالى كده انتى بقيتى زى الفل قولتله يعنى مش هاتدينى علاج ولا حاجه قالى علاج ليه واحنا كنا عاملنا العمليه علشان ناخد علاج ماما قالتله طيب المفروض جوزها يجى علشان يحصل الحمل قالها لاء لاء يجى براحته هى خفت وبقت زى الفل وبعدين لما يجى مخصوص علشان الموضوع دا وهايبقو حاطينه فى دماغهم الحمل مش هايحصل مشيت من عنده ولا خت علاج ولا حاجه لحد ما رجع جوزى بعد اربع شهور من العمليه روحنا لدكتور بس دكتور غيره اول ما دخلنا للدكتور وعرف ان العمليه فات عليها 4 شهور ومخدتش اى منشطاط للمبايض ولا حاجه صوت فى وشى قالى حرم عليكى تمشى ورا دكتور حمار زى دا المهم رجعت التكيسات بعد 6 شهور ولحد النهارده بجرى على علاج ولا اى حاجه جايبه معايا ناتيجه ومن بعد ما رجعتلى التكيسات وانا البريوت مش بتيجى خااااااااااالص غير بالعلاج ممكن تتأخر بالست شهور ومن بعدها وانا كل ماروح لدكتور ويعرف انى عملت العمليه عند سيد الاخرس يحكيلى قصص عن حالات زى حلاتى ربنا ينتقم منه يارب معليش طولت عليكو بس حبيت اعرفكو حكايتى بالتفصيل لوجه الله علشان انا بحبكو والله ومش عايزه اى واحده يحصلها اللى حصل معايا انا دلوقتى متجوزه بقالى 4 سنين ومحصلش حمل دا غير ان العمليه عملت عندى التهابات فى الرحم وبعالجها دلوقتى ودا برضو سبب من اسباب تأخر الحمل انا حالياً فى الامارات لما ارجع انشاءالله اشوف دكتور كويس واتابع معاه ويارب يجعلى الشفا على ايديه
ربنا يارب يعوض عليا عوض الصابرين ويرزقنى ويرزق كل مشتاقه الخلف الصالح عاجلاً ليس اجلاً امين يارب العالمين

ياريت بالله عليكو ماتنسيوش التقيم علشان الموضوع يتثبت ويستفاد منه ناس كتير


ام احمد يارب ام احمد يارب 545520_2.gif فتكات رائعة Fatakat 545520 القاهرة – مصر

سبحان الله و بحمده

10 أفكار عن “ناصيحه لوجه الله تعالى عن الدكتور سيد الاخرس ربنا ينتقم منه 2024.”

  1. اولا المنشطات على الفاضى فعلا بتعمل تكيسات
    ثانيا الدكتور عمل اللى عليه رجوعها من عندربنا دى بتبقى حالات نادره واكيد انت وزنك كبير
    ثالثا دكتور كبير ومشهور وانت عارفه انه غالى وسعره كده روحتيله ليه من الاول
    رابعا الدكتور التانى لما قالك انه حمار معالجكيش ليه
    الشفاء من الله والدكتور مجرد سبب وممكن الدكتور يعمل نفس العمليه لكذا واحده وكلهم يجيبو نتيجه كويسه وواحده لا
    العيب مش فيه
    وبعدين هو فى دكاتره معروفين نمط علاجهم بيفضلو حاجات معينه ومنه سيد الاخرس دا دكتور مناظير يعنى بيفضل المنظار والجراحه اولا عن الدواء
    العيب منك انت معرفتيش تختارى صح لو كنت عايزه علاج كنت روحتى لحد تانى

  2. يالهوي، انا كنت ناوية اروح عنده اعمل العملية ، شكرا على التنبيه. ممكن ترشديني لدكتور اخر جراحة نساء وولادة؟

  3. حنان محمد عثمان

    واللة العظيم رجل خلوق ومحترم جدا ومتوضع قمة الادب والاحترام ربنا يحفظة علشان يفرح كل محروم

  4. انا من السعوديه واقسم بالله العلي العظيم نصب علينا في عمليات وكلفتنا 40 الف دولار
    والمفروض ماتتجاوز 10 الالف دولار
    حسبي الله ونعم الوكيل عليه انسان استغلالي خاصه للي يجون من خارج مصر

  5. الدكتور سيد الأخرس مفيش احسن منه ربنا يطول في عمره يارب وانتي شكلك اصلا متعرفيش عنه حاجه غير انك مزقوقه علي ده وهو مش محتاج حد يدافع عنه بصراحه بس للامانه مفيش دكتور زيه في العالم كله

  6. انتبهوا في الاسعار. المصريين سعرهم ربع السعر اللي احنا بندفعه. لمن يعرفوا انك خليجي يدفعوك ٣ اضعاف السعر. اقسم بالله.
    كشف الخليجي غير عن كشف بقية الجنسيات تماما. المنظار ضعفين السعر اللي تدفعه بقية الجنسيات والعمليات ايضا. رجاءا فاصلوهم في السعر او روحوا الهند او تايلند. على الاقل اسعارهم موحده للجميع والطب عندهم متقدم. انا جدا مستغربه من تفاوت الاسعار ما بين الخليجي وبقية الجنسيات. مع ان الجميع نفس الاجراءات بالضبط .

  7. الدكتور سيد الاخرس ممتاز يا جامعه ومعروف انو دكتور معروف بأخلاقه العاليه وما فيه احد اشتكى منه ابدا… صديقتي سوت عنده ٧ عمليات في وقت واحد وكانت حالتها خطيره جدا وما احد عرف لها الا هو، وهي كانت داخله كشف عادي ولما شاف الحاله خطيره فتح لها العمليات وخفض لها في رسوم العمليه وهذا الكلام منها شخصيا، يشهد الله انها تقول لي هذا الدكتور انسان خلوق محترم جدا..
    وانتي تعرفين انو غالي ورحتي عنده، وهذا طبيعي، صديقتي راحت وسوت اشعه بعد العمليه واكيد على حسابها مو على حساب الدكتور!!
    والدكتور الثاني مو دكتور لان ما فيه احد خلوق يتكلم على زميل مهنه بهذا الشكل … ثانيا ليش ما عالجك !!

    صدقيني فيه شي خطأ عندك..
    انا مريضه وعندي مشكله كبيره جدا تواصلت مع الدكتور شخصيا عن طريق الواتس وارسلت له كل تقاريري الطبيه والدكتور وضح لي الامور وما كان مادي ولا شي ولا قال ارسلي مبلغ ، وكان انسان بمعنى الكلمه…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.