السلام عليكم ورحمه الله وبركاته
ازيكم يااحلى منيكانات فالشرق الاوسط كله
(عاااااااااااادى بقنع نفسى)
هههههههههههههههههههههههههه
المهم
فى ناس كدة منهم ليه مخلينى اعمل دايت بالعافيه
بالرغم ان انا فراااااااااشه
![تلات طرق للقرنبيط دايت](https://im30.gulfup.com/FqD71.jpg)
والله حتى صوره الفراشه ظالمانى
يلااااااا مش مشكله
ههههههههههههههههههههههههههههههه
المهم بقا لاقيت ان ناس كتير بتحب القرنبيط ونفسها تاكله وهما عامليين دايت قلت اجيبلكم كذا طريقه كدة دايت وخفيفه باذن الله
اول واحدة
القرنبيط المقلى
اة والله مش بهزر على فكرة
هاكلكم قرنبيط مقلى وانتو عامليين دايت
هنعمل ايه بقا؟
هنجيب القرنبيطه بتاعتنا وتكون فريش وامورة كدة
![تلات طرق للقرنبيط دايت](https://im18.gulfup.com/b8AP1.jpg)
ونقطعها وردات صغيرة بس تكون كل وردايه ماسكه نفسها مش هتموت كدة ومتفككه بالتفصيل اهوة
ههههههههههههههههه
مش لاقيه صورة
مش مشكله اتخيلوا انتو ههههههههههه
بصوا هيا زى الوردايه اللى فالصورة اللى فوق دى
المهم
هنجيب حله ونحط فيها ميه وكمون (علشان يشيل اى ريحه فالقرنبيط)
ونسيب الميه تغلى على النار ولما تغلى نحط القرنبيط فيها مجرد تلات دقايق بالكتير وشيليه على طول علشان ميتهراش
هيبقا كدة
![تلات طرق للقرنبيط دايت](https://im24.gulfup.com/DJtM1.jpg)
وبعد كدة ياحلويين هنجيب الخلاط ونحط فيه بيضتين وشبت ومعلقتين دقيق وملح وفلفل وبهاراتك اللى تحبيها وشويه بيكنج باودر ونص كوبايه لبن واضربى الخليط فالخلاط وتنزليه بعدها فطبق غويط وهيبقا شكله كدة
![تلات طرق للقرنبيط دايت](https://im18.gulfup.com/ucLc1.jpg)
وبعدين هتحطى القرنبيط فالخليط دة وتغمسيه كويس بس اوعىىىى تقلبيه بمعلقه ولا حاجه علشان ميتهرييش
فين بقا التكه الدايت بتاعتنا؟.
هنحطه بعد مانطلعه من التتبيله فصينيه تيفال ونرش عليه معلقه زيت وهوووب على الفرن تحت الشوايه وتقلبيه على الجنبين علشان ياخد لون
وبكدة تاكلى احلى قرنبيط دايت
![تلات طرق للقرنبيط دايت](https://im21.gulfup.com/bDmn1.jpg)
![تلات طرق للقرنبيط دايت](https://im25.gulfup.com/QZ6E1.jpg)
الطريقه التانيه بقا
صينيه القرنبيط فى الفرن
هنقطع القرنبيط زى ماعملنا فالاول وردات صغيرة وبعدين نحطه فصينيه تيفال ونفردة بعيد عن بعض ونرش عليه شويه زيت صغيرين وندخله برضه تحت الشوايه ياخد لون بسسسس
لاحظوا هنا القرنبيط مش مسلوق هيبقا كدة
![تلات طرق للقرنبيط دايت](https://im30.gulfup.com/M3PI1.jpg)
دلوقتى بقا هنجيب بصلايه صغيرة ونحطها مع نص معلقه زيت فحله على النار لحد ماتبقا دهبى بس
![تلات طرق للقرنبيط دايت](https://im30.gulfup.com/LqZV1.jpg)
وبعدين نكون عاصريين تلات اربع طماطمات فى الخلاط (وممكن تستغنى عنهم بمعلقه واحدة صلصه)
ونسيب الطماطم لما ميتها تروح كدة
![تلات طرق للقرنبيط دايت](https://im27.gulfup.com/ZTUq1.jpg)
بعد كدة هيكون عندك شوربه فراخ مثلا واظن بعد التنضيف الرهيب اللى بنعمله للفراخ وكميه الدهون اللى بنطلعها منها واحنا بنغسلها الشوربه اكيد هتبقا خفيفه ومفيشش فيها كالوريز كتير خالص وممكن تستغنى عن الشوربه بميه مفيش اى مشاكل
هتحطى الشوربه على الصلصه بتاعتك وتسيبيها تاخد غلوة
وبعد كدة هتنزلى القرنبيط فيها وتنقليهم كلهم فصينيه وتغطى الصينيه بالامونيوم فويل او بغطا حله عادى يعنى
وعلى الفرن عدللللل هتشغلى الفرن فوق وتحت وتحطى الصينيه على الرف اللى فالنص وتنسيها شويه بتاع ساعه كدة علشان القرنبيط يستوى وبعد مايستوى هتشيلى الغطا وتحطيه تحت الشوايه ياخد لون وبالف هنا ياسكر
![تلات طرق للقرنبيط دايت](https://im18.gulfup.com/qFKH1.jpg)
تالت طريقه
مقلوبه القرنبيط
ايييييييوة برضه دايت
عادى جداااااااا
هنعمل ايه؟
هنقطه القرنبيط بتاعنا كالعادة
وبعدين نرشه زيت خفيف ونحطه فصينيه متفرد عن بعضه وعلى الفرن عدل طبعا تحت الشوايه
بعد كدة هنجيب باذنجان ونقطعه مدور كدة ونرشه برضه زيت خفيف وفصينيه متفرد عن بعضه وعلى الفرن تحت الشوايه
![تلات طرق للقرنبيط دايت](https://im15.gulfup.com/q2Ix1.jpg)
وطبعا نقلب الاتنين القرنبيط والباذنجان علشان بتحمروا من كل ناحيه
بعد كدة ياقمرات هتكون جايبه نص او كوبايه رز على حسب رغبتك والكميه المحددة ليكى هتغسيليه كويس اوى وتنقعيه فميه فترة طويله علشان يتخلص من النشا اللى فيه وهتجيبى الحله بتاعتك وترصى الاول القرنبيط علشان اقوى من الباذنجان ويستحمل النار وبعد كدة الباذنجان ولو حابه بقا تزودى قيمه غذائيه ممكن تزودى بسله بتبقا تحفه وتحطى فلفل اخضر فريش مع الباذنجان كدى بيخلى الريحه واو
وبعد كدة هتنزلى فالاخر خالص بالفراخ بتاعتك او اللحمه (الاتنين بحطهم مسلوقيين)
ورشى شويه بهارات عليهم وشويه ملح
![تلات طرق للقرنبيط دايت](https://im29.gulfup.com/UD6J1.jpg)
وبعدين الرز وحطى بقا الميه زى مابتحطيها عادى للرز وبهاراتك معاها والله لو تحطى شويه قرفه بجد بيخلوها واااااو وطعم مختلف تماما واللى مش بيحب القرفه يطلع بره
ههههههههههههههههههههه
وسيبيها تغلى على النار لحد ماتنشف بس متعليش عليها النار اوى علشان متفكش
اول ماتنشف وطى عليها خالص ونص ساعه وهيبقى عندك احلى مقلوبه دايت
اة واوعى تنسى الملح انا قلت اهوة
![تلات طرق للقرنبيط دايت](https://im23.gulfup.com/pGpx1.jpg)
انا كدة خلصت موضوعى ياقمامير ويارب اكون عرفت افيد حد بيه
ولا يسعنى فى اخر موضوعى الا ان اتقدم بخالص شكرى لاخ العزيز جوووووووووووجل الذى امدى بكل الصور
ههههههههههههههه
مواضيع هذا القسم برعاية
تمار وامنون تمار وامنون 252288_1.gif فتكات رائعة Fatakat 252288 المنصورة – مصر
سبحان الله و بحمده