النهاردة بقدملكم البيتزا بطريقة دايت وصحية كمان
بالنسبة للعجينة وهي اساس البيتزا وسر نجاحها
مقادير العجينة(علي حسب الكمية المطلوبة) هنذكر مقادير تكفي صينيتين فرن كبار تكفي 4اشخاص علي الاقل
4 كوب دقيق اسمر ناعم(يحتوي علي نسبة من دقيق ابيض) وممكن استبداله بخلط ردة ناعمة مع دقيق زيرو
1 معلقة صغيرة ملح و1 معلقة صغيرة سكر
كيس خميرة فورية او قطعة صغيرة خميرة بيرة
2 معلقة كبيرة زيت زيتون اواي زيت نباتي
ميه دافية علي حسب احتياج العجينة
رشة دقيق عند فرد العجينة بالنشابة
ودي صورة المقادير
نخلط الدقيق والملح والسكر والخميرة في وعاء عميق
ونضيف الزيت والميه الدافية ونعجن
ودي صورة الخليط
ودي صورة العجينة
هنغطيها ونسيبها ترتاح لمدة نص ساعة اقل شئ علشان تخمر
في اثناء مدة التخمير نحضر الحشو بتاعنا وده بيختلف علي حسب الذوق والرغبة
بس هنراعي انها تكون حشوات صحية ومش دسمة
اساسها الجبنة ولايمكن الاستغناء عنها لاني بدونها مافيش بيتزا
