الوسم: المكرونة

السلام عليكم يا حبيباتي
وعدتكم بموضوع التشيكن رول
ودة كنت عملته مع المكرونة بالبشاميل وهتشوفوه بالصور
نبدأ بسم الله بالمقادير

نص كيلو بانيه تكون رفيعة مش تخينة
انا الراجل عملها تخينة ضربتها شوية بالنشابة (الشوبك)
عشان تبقى رقيقة وماتبقاش نية من جوة

دقيق بقسماط مطحون ومتتبل بملح وفلفل وكمون وشطة وتوابل
فلفل رومي مقطع زيتون شرايح
موزاريللا
بيضة
لانشون فراخ مدخن وممكن سوسيس متحمر
بصلة مبشورة ناعم
نيجي للطريقة

نتبل البصلة بالملح والفلفل والتوابل وكبابة صيني وليمون
ونضيف الفراخ ونتركها في التلاجة اقل حاجة ساعتين ممكن اكتر

نخرجها من التلاجة ونحط قطعة قطعة في الدقيق من الوجهين (اختاري القطع العريضة )

نضع فوق القطعة بطولها اللانشون والجبنة الموزاريللا والزيتون
ونبدأ نلفها رول مع محاولة قفلها

ونقفلها بخلة مؤقتا عشان لو ساحت الحبنة ماتخرجش برة

نحطها في البيض المخفوق مع ملح وفلفل
وبعدين في البقسماط

ودة شكلها بعد ما جهزناها للقلي وقفلناها

نقليها في زيت سخن وغزييير واهم حاجة لازم نوطي النار خااااالص عشان تستوي براحتها
يعني ممكن نسيبها كل جهة ربع ساعة او عشرين دقيقة
لغاية ما تستوي تماما وتحمر

ودة شكلها يا حلوين مع المكرونة

اول طبق لاحلى فتوكاااات في الدنيا
اسفة ماصورتوش من جوة اتاكل قبل ما يخرج من المطبخ
يا رب يكون طريقته عجبتكم
واستنوني مع التشييز كيييك
بحبكم

ازيكم يا فتوكات
طبعا كلكم سقعانين
وعايزين حاجة سريعة تتعمل فى المطبخ

ولا بتاخد وقت 10 دقايق بالضبط
وتبقى مخلصة وطعمها رائع

الطبق
هو
بيتزا المكرونة

او مكرونة البيتزا
مش مهم الاسم
المهم الطريقة

وده شكل الطبق

زى الصور ما هى موضحه

المقادير

مكرونة اى نوع تحبيه

بسطرمة

زيتون

فلفل اخضر او الوان

جبنة رومى او شيدر او موتزريلا او خليط منهم

صلصة طماطم

ممكن تحطى مشروم

او لحمة معصجة

البدائل كتير انتى تختارى اللى متوفر عندك

الطريقة
بنسلق المكرونة ونصفيها.

فى نفس الحلة
(وفرت لكم المواعين علشان البرد )

تحطى زيت وتنزلى بصلصة الطماطم تتسبك

وتضيفى ملح قليل لان المكونات التانية فيها ملح

وفلفل اسود
وتشوحى البسطرمة خفيف

وتنزلى بالفلفل برضة يتشوح

مش يستوى
عايزين يفضل يقرمش

وبعدين تنزلى بالمكرونة والزيتون
واخر حاجة ضيفى الجبنة

تسيح واطفى النار

وكلى احلى طبق

بيتزا المكرونة

والطبق اهو
ينفع غدا سريع ينفع عشا
اى حاجة
مش حيقول لأ

اية رأيكم فى شكل الطبق

يارب الموضوع يكون عجبكم

والوصفة تبقى سهلة وتجربوها