لسلام عليكم ورحمة الله وبركاته
بسم الله الرحمن الرحيم
النهاردة عاملة صينية مكرونة بالبشاميل مش للفتوكات رباات البيوت ولكن للفتوكات المبتدئات او العرايس الجدد علشان ميعملوش زيي اول جوازي , واول صينية مكرونة كانت مصيرها الزبالة ههههههههههه
علي فكرة انا بتكلم جد معظم اكلي اول جوازي كان مصيرها الزبالة هههههههههه
فأنا علشان احترف اكلة لازم حد يعملها ادامي خطوة خطوة
فقولت اعمل مكرونة بالبشاميل بالصور علشان تحترفوها .
يلا بينا علي المقادير :
حوالي نص كيلو مكرونة فرن
حنحطها في مية بملح علي البوتاجاز علشان تتسلق
كدة خلصنا اول حاجة اللي هي المكرونة المسلوقة
مقادير العصاج
نص كيلو لحمة مفرومة
2 بصلة متوسطة مفرومة
2 عصير طماطم
ملح وفلفل
معلقة او 2 معلقة معجون طماطم
طريقة العصاج :
نحط مفروم البصل في معلقتين زيت ونسيبها لحد ما تتبل
لما البصل يتبل نحط اللحمة
نستني لحد ما لون اللحمة يتغير
بعد ما لون اللحمة اتغير حنحط عصير الطماطم
ونحط الملح والفلفل
وبعدين معلقة معجون الطماطم
ونسيبها لحد ما تستوي
مقادير البشاميل :
3 مج لبن
2 مج مية
7 معالق كبيرة دقيق
2 بيضة
ملح وفلفل
معلقة سمنة
طريقة البشاميل :
نحضر 6 ملاعق الدقيق علي 2 مج مية في اي حاجة غويطة ونضربهم كويس اوي بالمضرب السلك علشان ميكلكعش
نحضر حلة فيها ملعقة واحدة سمنة وملعقة واحدة دقيق لما الدقيق يصفر شوية نضيف خليط الدقيق بالمية مع الضرب كويس اوي بالمضرب السلك
يتبع
بعد ما الدقيق يصفر نضيف خليط الدقيق بالمية مع الضرب كويس اوي بالمضرب السلك
نحط ال 3 مج لبن ونقلب كويس اوي
وبعدين نحط ال بيضتين علشان البشاميل يغلظ
ونسيبه شوية مع التقليب المستمر لحد ما البشاميل يتقل شوية
نحط الملح والفلفل
ونسيبه يتقل زي الصورة
تحضير الصينية :
حناخد نص المكرونة نحطها في الصينية وعليها حوالي 4 ملاعق بشاميل
نفردها كويس في الصينية
نفرد عليها العصاج
وبعدين نحط باقي المكرونة
نفرد البشاميل علي المكرونة
ونكون محضرين جبنة رومي مطحون
نرش الوش بالجبنة
ندخل الصينية الفرن لحد ما وشها يحمر
انا بولع الشواية بس
دي الصينية لما وشها اتحرق اقصد احمر ههههههههههه
ودة الشكل النهائي
بألف هنا مواضيع هذا القسم برعاية
nada_rtv nada_rtv فتكات متميزة Fatakat 73651 طنطا – مصر
سبحان الله و بحمده
