الوسم: التشيكن

السلام عليكم يا حبيباتي
وعدتكم بموضوع التشيكن رول
ودة كنت عملته مع المكرونة بالبشاميل وهتشوفوه بالصور
نبدأ بسم الله بالمقادير

نص كيلو بانيه تكون رفيعة مش تخينة
انا الراجل عملها تخينة ضربتها شوية بالنشابة (الشوبك)
عشان تبقى رقيقة وماتبقاش نية من جوة

دقيق بقسماط مطحون ومتتبل بملح وفلفل وكمون وشطة وتوابل
فلفل رومي مقطع زيتون شرايح
موزاريللا
بيضة
لانشون فراخ مدخن وممكن سوسيس متحمر
بصلة مبشورة ناعم
نيجي للطريقة

نتبل البصلة بالملح والفلفل والتوابل وكبابة صيني وليمون
ونضيف الفراخ ونتركها في التلاجة اقل حاجة ساعتين ممكن اكتر

نخرجها من التلاجة ونحط قطعة قطعة في الدقيق من الوجهين (اختاري القطع العريضة )

نضع فوق القطعة بطولها اللانشون والجبنة الموزاريللا والزيتون
ونبدأ نلفها رول مع محاولة قفلها

ونقفلها بخلة مؤقتا عشان لو ساحت الحبنة ماتخرجش برة

نحطها في البيض المخفوق مع ملح وفلفل
وبعدين في البقسماط

ودة شكلها بعد ما جهزناها للقلي وقفلناها

نقليها في زيت سخن وغزييير واهم حاجة لازم نوطي النار خااااالص عشان تستوي براحتها
يعني ممكن نسيبها كل جهة ربع ساعة او عشرين دقيقة
لغاية ما تستوي تماما وتحمر

ودة شكلها يا حلوين مع المكرونة

اول طبق لاحلى فتوكاااات في الدنيا
اسفة ماصورتوش من جوة اتاكل قبل ما يخرج من المطبخ
يا رب يكون طريقته عجبتكم
واستنوني مع التشييز كيييك
بحبكم

مواضيع هذا القسم برعاية

أم ياسين حبيبي أم ياسين حبيبي 99604_4.gif فتكات هايلة Fatakat 99604 القاهرة – مصر

تقيمى بقى ان ربنا يخليلى يوسف ويبارك فيه دعوة منكم تسعدنى مواضيع هذا القسم برعاية

كيوت بيبى كيوت بيبى 297248_1.gif فتكات هايلة Fatakat 297248 المنصورة – مصر

مواضيع هذا القسم برعاية

فرفورة 2024 فرفورة 2024 441524_1.gif فتكات ست الكل Fatakat 441524 القاهرة – مصر

متعشمة فيكم خير يا فتوكات انكم تقولولى طريقة التشيكن رولز وياريت لو بالتفصيل الممل

مستنياكم مواضيع هذا القسم برعاية

hagar22 hagar22 فتكات حبوبة Fatakat 167828 القاهرة – مصر

تمت اضافة وصفة طبخ جديدة في موقع مطبخ فتكات ، و يمكنك مشاهدتها من هنا:

التشيكن الاجريك

اذا كان لديك تعليق او استفسار او ملاحظات فيمكنك كتابتها هنا في هذا الموضوع .

الجميع في انتظار مشاركاتك! مواضيع هذا القسم برعاية

ousha gamal ousha gamal 134125_11.gif فتكات ست الكل Fatakat 134125 مصر الجديدة – مصر

النهاردة جيبالكم طريقة عمل التشيكن زنجر بتاع كنتاكى واهو مضمون وانضف والطعم باذن الله هو هو يمكن احلى دى حاجة كنتاكى اتضربت وبقت كلها دهون كدة

هبطل لوك لوك وادخل فى الموضوع

نص كيلو فراخ بانيه
ملح – فلفل – توم باودر – بصل باودر – روز مارى – ورقة لورا – رشة حبهان مطحون – رشة بهارات فراخ
ربع كوب خل
لو عاوزاها سبايسى تحطى شطه او هريسه شطه وده اختيارى
باكو بيكنج باودر
طبق هنحط فيه مايه متلجه من التلاجه
وطبق دقيق



هنحط كل المقادير مع بعض ونسيبهم شويه يجى نص ساعه او اقل
وبعدين هنجيب الطبق الى فيه المايه الساقعه والطبق الى فيه الدقيق


نغطس الفراخ فى الدقيق وبعدين فى المايه الساقعه وبعدين فى الدقيق
وبعدين فى المايه الساقعه واخر مره فى الدقيق
وعلطول على زيت حامى
نطلعها على ورق مطبخ وبالف هنا نقدمها بقى مع البطاطس المحمرة والكاتشب والبيبسى وعيشى جو كنتاكى وبالف هنا وشفا مقدما. مواضيع هذا القسم برعاية

توووووتة توووووتة 133966_48.gif فتكات ست الكل Fatakat 133966 اسكندرية – مصر