أرشيف smile - مدونة فتكات

اين انتم ياعشاق الرنجـــــــــــــــــــه ادخلى ومش هتندمى مع angel smile 2024.

سلطـــــــــه الرنجه الوهميه
مفيش حد مبيحبش الرنجه الا انا مش باكلها غير بالطريقه اللى هقولكم عليها دى
ناخد الاول طبق لزوم التعذيب

_المكونات
-رنجه متنضفه ومتقطعه مكعبات صغيره
–بصل اخضر
-فلفل حار اخضر
-زيتون
(طماطم ويا حبذا نزع البذر من جواها)
-لوييمون
-رشه خفيفه جداااافلفل اسمر وملح
الطريقـــــــــــه
نقلب كل المكونات دى مع بعضها بعد تقطيعها طبعا لـ قطع صغيره وتعصرى عليها نص ليمونه
واتحداكى تلاقى فى طعاماتها واعملى احلى ساندوتشات

والحمدلله الطبق ده اتنسف
ولو عجبتكم الطريقه كالعاده مش طالبه منكم غير دعوه حلوه بظهر الغيب ان ربنا يقر عينى بما اتمنى ويريح قلبى ويسعدنى ويبعد عنى وعن اهلى اى ضرر او حزن وميشمتش فينا حد ابدااا

والطبق ده للفتوكه اللى هتدعيلى دعوه حلوه بظهر الغيب

اما بقا الطبق ده للفتوكه اللى هتقدر نى وتاخد فى ايدها التقيييييييييييييييم

فى رعايه الله يافتوكات مواضيع هذا القسم برعاية

angelsmile2311 angelsmile2311 963758_5.gif فتكات رائعة Fatakat 963758 my home – egypt

سبحان الله و بحمده

قالب اللحم المفروم شيك اووى فى العزومات تقوليش عرق فلتو مع angel smile 2024.

قالب اللحم المفروم تجديد فى شكل اللحمه المفروم التقليدى وكمان الطعم ماشـاء الله جميييل لاننا بنحط مجرد نكهات بسيطه عشان يبقى الطعم مميز عن اى لحمه مفرومه بنعلمها وكمان تحسى انها مستهبله وعامله نفسها عرق فلتو
طبعا الفتوكات هنا ماشاء الله عليهم اكيد عارفينها بس انا قولت اقولها للى ميعرفهاش
قبل ماندخل ع الطريقه
تعالو نشوف الصوره النهائيه

المقادير
لحمه مفرومه (ونفرمها كمان مره فى الكبه عشان تبقى ناعمه)
بصله مبشوره ناعم
معلقه بقدونس
معلقتين كاتشب
ربع كوب لبن
4معالق بقسماط ناعم
ملح وفلفل ورشه توم بودر بسيطه جدا +بابريكا
ربع قرن فلفل (اختيارى) مقطع ناعم يدوب يدينا نكهه بسيطه

اول حاجه هنحط اللبن ع البقسماط ونشيله حوالى 3 دقايق على جنب لغايه مايتشرب اللبن

هنا بعد مالبقسماط اتشرب اللبن اعتقد واضح من الصوره الفرق فى اول ماحطينا اللبن وبعد ماسيبناه 3 دقايق بقا عامل زى العجينه كده
هنحط البقسماط بتاعنا المنقوع فى لبن على باقى المكوانت كلها ونخلطهم كويس اووى مع بعض بحيث تمتزج كل المكونات مع بعضها

ده بعد ماخلطنا المكونات مع بعضها كويس انا كنت نسيت احط الفلفل فحطيته فى الخطوه دى

نجيب قالب الانجلش كيك ونبتدى نحط فيه اللحمه ونضغط كويس ونساويها بقدر الامكان وفى الاخر بندهن على الوش كاتشب وبعدين نغطيها بفويل وتدخل فرن ساخن على درجه حراره 180 وبتقعد حوالى ساعه او ع حسب فرنك
المهم قبل اخر ربع ساعه من الوقت نشيل الفويل من على الصينيه ونخرجها ونفضى كل الدهون والسوايل الى هتنزل منها وندخلها الفرن تانى تكمل سوا وبعدين تاخد لون
#تكايه مهمه
اول ماتستوى تطلعيها من القالب وتحطيها فى طبق ومتقلقيش هتلطع معاكى بسهوله لانها بتنزل دهون هتساعد انها تطلع معاكى بسهوله ان شاء الله اوعى تقطعيها تسيبيها تبرد خالص لانك لو قطعتيها سخنه هتبوظ منك وهتفرول اوك

وده شكل قالب اللحمه بعد ماخرج من الفرن بجد ماشاء الله جمييييييييل وممكن تدلعى الاكله وتدخنيها بفحمه او تاكليها كده بتبقى حلوه ان شاء الله
وكمان فى اى عزومه بتبقى شيك اووى جنب الاكل

وكالعاده لو عجبتكم الاكله مش عايزه منكم غير دعوه حلوه بظهر الغيب ان ربنا يقر عينى بما اتمنى ويريح قلبى ويسعدنى ويبعد عنى وعن عيلتى اى هم واى حزن واى ضرر

فى رعايه الله يافتوكات مواضيع هذا القسم برعاية

angelsmile2311 angelsmile2311 963758_5.gif فتكات رائعة Fatakat 963758 my home – egypt

سبحان الله و بحمده

Smile كيف تكون علاقتك مميزة مع الآخرين ؟؟ 2024.

Smile كيف تكون علاقتك مميزة مع الآخرين ؟؟
من منا لا يرغب بأن تكون له علاقة مميزة مع الآخرين.. من هنا هنالك عدّة أمور يجب أخذها بعين الإعتبار في هذا المجال وهي كالآتي
***
1-
تعلم كيف تشكر الناس
فقد ورد في الحديث الشريف: من لم يشكر المنعم من المخلوقين لم يشكر الله عزّ وجل
*
2-
كن صريحاً في لباقة
يقول الله تعالى: قول معروف ومغفرة خير من صدقة يتبعها أذى
صدق الله العلي العظيم
*
3-
تعلم فن المحادثة
فالمحادثة الجيدة بحاجة إلى اللباقة، والإلتزام باحترام الرأي الآخر، وتعلم أسلوب الكر والفر، وحسن التوقيت، وبراعة قولبة الجملة.. والإبتعاد عن الإهانة والشتم، وعدم رفع الصوت بلا سبب وتجنب تحقير الآخرين.. كما إنها بحاجة ألى معرفة نقاط الإتفاق للإنطلاق منها إلى حلّ نقاط الخلاف
*
4-
تعلم فن المجاملة او كما يُقال المداراة
عن رسول الرحمة عليه وآله أفضل الصلاة والسلام أنه قال : أمرني ربي بمداراة الناس كما أمرني بأداء الفرائض
*
5-
إستخدم سلاح الإصغاء
فعن أمير المؤمنين عليه السلام انه قال: الصمت يُكسبك الوقار، ويكفيك مؤونة الإعتذار
*
6-
إستخدم جوارحك
كما علمنا الرسول الأكرم صلى الله عليه وآله وسلّم: انكم لن تسعوا الناس بأموالكم فسعوهم ببسط الوجه وحسن الخلق
*
7-
واجه الآخرين في موقعك
من هنا فإن علماء النفس ينصحونك بأن تكون أنت المُضيف كلما كان عليك إجراء مفاوضات جادة مع الطرف الآخر
*
8-
أعرض عن الجاهلين
يقول الله تعالى في وصف المؤمنين: واذا سمعوا اللغو اعرضوا عنه وقالوا لنا اعمالكم ولكم اعمالكم سلام عليكم لا نبتغي الجاهلين
صدق الله العلي العظيم
*
9-
لا تُعط الآخرين عذراً جاهزاً
فلا يجب أن تقول لإبنك مثلاً: أنا أعرف أنك تعبان جداً ولكن لا بدّ أن تؤدي ما عليك
و يجب أن تتوقف عن استعمال العبارات التي تكون بمثابة دعوة للأخرين لكي يهضموا حقك مثل: أنا لست مهتماً.. أو لست بارعاً.. فهي بمثابة رخصة للآخرين حتى يستغلوك
و عندما تواجه شخصاً متبرماً أو كثير النقاش أو ثقيل الظل أو من يماثلونهم من هاضمي حقوق الآخرين فعليك بوصف تصرفاتهم بعبارات مثل: لقد قاطعتني لتوك.. او: أنك تتذمر من أمور لن تتغير اطلاقاً
فمثل هذا الأسلوب وسيلة ممتازة تجعل الناس يدركون اسلوبهم المجافي. وكلما ازداد هدوؤك وصراحتك في توجيه ملاحظاتك وآرائك الى صلب الموضوع، تضائل الوقت الذي تقضييه في مقعد الضحية
***

MariamAhmed MariamAhmed 979574_2.gif فتكات متميزة Fatakat 979574 الجيزه – مصر

سبحان الله و بحمده

كفته داووود باشا ولا اجمل من كده وطريقه تقديم تجنن مع Angel smile 2024.

كفته داوود باشا طبعا كل الفتوكات يعرفوها واكيد كل واحده بتعملها بطريقه مميزه وجميله ماشاء الله عليهم انا حبيت النهرده اقدم طريقتى البسيطه فى عمل كفته داووود باشا نشوف الصوره النهائيه بقا

مقادير الكفته:
1/2 كيلو لحمه مفرومه+بصله مبشوره+بقدونس(معلقتين كده)
ملح وفلفل وكمون وبهارات لحمه وبابريكا ونخلطهم كويس فى بعض ويفضل انك تفرميهم فرمه تانيه فى الكبه
بيديكى شكل ونتيجه احلى (بس انا المره دى الكبه كانت بايظه)
ويفضل انك تشيليها فى التلاجه ربع ساعه بعد فرمها فى الكبه

وبعد ماخلطنا كل المكونات مع بعضها نشكلها على شكل كور الحجم اللى تحبيه

نجيب طاسه فى قطعه زبده ومعلقه زيت ونسخنها كويس وبعدين ننزل بكورات الكفته على نار عاليه عشان الكفته متجبش ميتها احنا عايزينها تتشوح مش تتسلق ونشوحها لغايه ماتتحمر شويه وبعدين نشيلها من الطاسه فى طبق ونشيلها على جنب لغايه مانجهز الصوص بتاع الكفته

مقادير صوص الكفته:
ربع كوب طماطم صغير +كيس صلصه+ملح وفلفل+فص توم+رشه سكر

نجيب قطعه زبده وحبه زيت ونشوح فيهم البصل مع رشه ملح لغايه مايدبل

وبعد مالبصل يدبل انزل بالطماطم ورشه السكر وبعدين كيس الصلصه ندوبه فى نص كوبايه ميه ونحطه على البصل والطماطم
فايده السكر هنا (انه بيعادل الحموضه اللى فى طعم الطماطم بيظبط طعمها من الاخر وبيرفق فى الطعم جداا
ومتخافوش مش هتبقى مسكره ولو مش حابه خطوه السكر يبقى بلااش

وبعدين ننزل بالكفته وفص التوم مفروم ونسيبها بقا تتسبك مع بعضها والكفته تاخد من طعم الصوص

وبعدين نقدمها بقا مع رز ابيض والصوص بتاعها ماشــــاء الله طعمه يجنن

فى رعايه الله يافتوكاتى
مش محتاجه منكم غير دعوه حلوه بظهر الغيب ان ربنا يقر عينى بما اتمنى ويريح قلبى ويسعدنى مواضيع هذا القسم برعاية

angelsmile2311 angelsmile2311 963758_5.gif فتكات رائعة Fatakat 963758 my home – egypt

سبحان الله و بحمده

كرات البطاطس الشهيه تشرفك على الفطار او العشا معangel smile 2024.

كرات البطاطس الشهيه بجد الاكله دى ماشاء الله طعمها لذيذ وكمان بتتقدم فى الفطار او العشا او ممكن تبقى مقبلات جنب اكلات رئيسيه او مع سندوتشات بتبقى جميله ماشاء الله
نشوف الصوره النهائيه وندخل على التفاصل الممله

المقادير
بطاطس كورات صغيره مسلوقه مع فص توم وملح ومحتفظه بشكلها
(لو مش متوافره يبقى بطاطس مكعبات مسلوقه)
طماطم مبشوره
فصين توم
معلقتين بقدونس
معلقتين خل
ملح وفلفل اسود وكمون

-اول حاجه بنشوح التوم فى شويه زيت يدوب يطلع نكهته مش يتحمر اوك وبعدين نحط فيه معلقتين خل
-بعد ماحطيت الخل ابتدى انزل بالطماطم واسيبها تاخد غلوتين كده
#وانا عن نفسى بحط رشه بسيطه سكر عشان تعادل حموضه الطماطم ومش بتبان فى الطعم خالص
لو مش حبااها يبقى خلااص كنسليها
-وبعد مالطماطم اخدت الغلوتين بنزل عليها بمعلقتين بقدونس واقلب
-وبعد ماحطيت البقدونس احط كورات البطاطس واقلب واسيبها ع النار تاخد من الطعم كام دقيقه كده مع التقليب بحذر عشان البطاطس متتهريش وبقى شكلها مش حلو
والصور الجايه هتوضح اكتر ان شاء الله

وده بقا شكلها النهائى بجد ماشاء الله طعمها جميل وطبعا تقدرى تتحكمى فى كميه الخلطه بتاعت البطاطس يعنى عيزاها كتير او قليل بس انا عن نفسى بحب اعلمها بكميه بسيطه يدوب تدى نكهه للبطاطس وطعم اتمنى تعجبكم

ولو عجبتكم الاكله مش عايزه منكم غير دعوه حلو بظهر الغيب ان ربنا يقر عينى بما اتمنى ويريح قلبى ويسعدنى ويبعد عنى وعن اهلى اى هم واى حزن وضرر
فى رعايه الله يافتوكات مواضيع هذا القسم برعاية

angelsmile2311 angelsmile2311 963758_5.gif فتكات رائعة Fatakat 963758 my home – egypt

سبحان الله و بحمده

كرات الفراخ الحااااااااره من الفراخ المسلوقه او المشويه مع angel smile 2024.

احلى ايام فى السنه خلااص راحت ربنا يعودها علينا بالخير والبركه وتقبل الله منى ومنكم صالح الاعمال

الاكله دى مفيهاش اى تعب او جهد نهائى سواء فى طريقه عمايلها او مكوناتها وبالرغم من سهولتها بجد طعمها ماشاء الله لذيـــــــــــــــــــــــذه جداااااااااااا
ندخل الاول على الصوره النهائيه

-المقادير
–فراخ مسلوقه او مشويه مقطعه قطع صغيره جدا (ويحبذ تكون صدور ) وطبعا مش هنشوى فراخ مخصوص او نسلقها علشان نعمل الاكله دى
الفكره من الاكله انها بتتعمل باى قطع فراخ باقيه عندك زى مابيقولوا كده بتعمليلها اعاده تصنيع ولو جربتيها وعجبتك ممكن تسلقى ليها صدور فراخ مخصوص وطبعا هتبقى مسلوقه ومتبله ومنكهه كمان علشان بتفرق اووى فى الطعم
ملحوظه: لازم الفراخ تتقطع قطع صغيره بالسكينه علشان تحسى بطعم الفراخ لكن لو ضربتيها فى الكبه الاطعمه كلها هتتوه فى بعضها ومش هتبقى حاسه بطعمها وطبعا ليكم حريه الاختيار
-فلفل حاااااااااااااااااااااااااااااااااااااااار
-كاتشب (معلقه واحده)
-ملح وفلفل اسود وبصل بودر ورشه بسيطه توم بودر
-بقسماط او فيجتار
-بيض
(طبعا انا مكتبتش كميات للمقادير لان دى هتبقى تقديريه بالنسبالك ع حسب الكميه اللى هتعمليها

اول حاجه هنجيب طبق ونضرب فيه البيض مع التوابل وبعدين هنضيف عليه البقسماط شويه بشويه لغايه مايبقى سمك الخليط متوسط يعنى لاهو تقيل ولا خفيف

وبعد مانوصل للقوام اللى احنا عايزينه نبتدى ننزل بباقى المكونات (الفراخ المقطعه-الفلفل الحار-الكاتشب) ونخلطهم كويس مع بعض

وده شكل الخليط بعد ماضفنا عليه كل المكونات (اعتق واضح انه القوام هيبقى سهل التشكيل معايا وده بيتحدد على حسب قوام الخليط لما بتضيفى عليه البقسماط

شكليها بقا زى ماتحبى ممكن صوابع او كرات زى ماانا هعملها او ممكن تعمليها زى البرجر دواير وبعدين تقليها فى زيت غزير
هى كده ده كل حاجه مستويه

وده بقا شكلها النهائى ماشاء الله طعمها يجننن بجد وياسلام بقا لو تاكليها جنب مايونيز وكاتشب وتظبطى الامور او جنب مكرونه برضه بتبقى تحفه او تاكليها لوحدها حاف برضه وده غالبا اللى هيحصل وانتى بتقليها ع البوتجاز

ولو عجبتكم الطريقه مش عايزه غير دعوه حلوه بظهر الغيب ان ربنا يقر عينى بما اتمنى ويريح قلبى ويسعدنى ويبعد عنى وعن اهلى اى اذى
فى رعايه الله يافتوكات مواضيع هذا القسم برعاية

angelsmile2311 angelsmile2311 963758_5.gif فتكات رائعة Fatakat 963758 my home – egypt

سبحان الله و بحمده