ازيكم ياقمرات
انا قولت اجي اقولكم على الطريقه
اللي عملت بيها فتة الفراخ النهارده
بجد حلوه جدا وكمان سهله جدا
المكونات:
فراخه مسلوقه
رز ابيض بدون شعريه اطبخيه عادي زي كل يوم
عيش والاحسن يكون عيش لبناني عشان يكون مقرمش
2 فص ثوم
خل
شوربة فراخ
صنوبر
لوز مقشر
ولسلطة الزبادي
3كوب زبادي كبير
2فص ثوم مسلوق ومهروس
معلقه كبيره طحينه
تحطي كل دول على بعض وتقلبي كويس وممكن تستخدمي مضرب يدوي عشان تضمني ان المكونات امتزجت كويس
تقلية الفته طبعا معروفه
تحمري التوم وتحطي عليه الخل والشوربه وتسبيهم ياخدو غلوه بسيطه
طريقه التحضير:
1- هتخدي العيش وتقصقصيه بالمقص شرايط بالطول بعدين تقصي كل شريط لمربعات صغيره تسخني معلقة سمنه كبيره فطاسه وتحطي العيش فيها وتفضلي تقلبي لحد ما العيش يبقى لونه دهبي ومقرمش
2- هتخدي الفرخه وتشيلي العضم منها وتقطعي الفصوص صغيره وبرده تحمريها فمعلقتين سمنه كباربعدين تحطي عليها شويه من الخل والتوم اللي عملتيه
3- الصنوبر واللوز المقشر تحمريهم فسمنه لحد مالونهم يبقى دهبي
طريقة التقديم:
تجيبي طبق تحطي فيه العيش المحمص و تحطي عليه نص كمية الخل والثوم اللي عملتيه
بعدين تحطي الرز وبعدين الفراخ وفوق الوش تحطي سلطة الزبادي وفوقيها اللوز والصنوبر
انا لو كنت اعرف انها هتبقى حلوه كده كنت صورتهالكم بس دي اول مره اعملها
ومكنتش عارفه ادوقها عشان الصيام
بس الحمدلله طلعت حلوه جدااااااااااااااااا
مواضيع هذا القسم برعاية
بسبوسه مامة عموره بسبوسه مامة عموره فتكات ست الكل Fatakat 416286 المنصوره – مصر
بس هو مش بيبين حاجه لانه اصلا بيحب البيض والفول بس الواحد لازم يغير بردو