بسم الله الرحمن الرحيم
السلام عليكم ورحمة الله وبركاته
( الشرح المفصل لمعرفة موعد ايام التبويض )
اللهم صلي على محمد وعلى اله وصحبه اجمعين
كنت كتبت موضوع قبل كده وهو تجربتي لانجاب مولود ذكر بإذن الله وكان لازم يتم تحديد موعد التبويض بالضبط فيه وكتير فتوكات مش فهموا الموضوع وهنا الشرح المفصل وياريت متبخلوش عليا بالرد والتقييم لانه كله من مجهودي وتجربتي ومطالعتي على الانترنت وحصري ليكم يا فتوكاتي
كتير ستات وخاصه اللي لسه ربنا مش رزقهم بالحمل لسه بيحاولوا معرفة ايام التبويض وبيتعمدوا انه يحصل جماع بالايام دي ومع كده مش بيحصل حمل
في اسباب كتير لعدم حصول الحمل ومنها مشاكل عند الزوج او عند الزوجه
بس لو كان الزوج سليم والزوجة سليمه ومش بيحصل حمل فأكيد دي ارادة ربنا سبحانه وكل حاجة لها وقت محدد لا انا ولا انتي ولا الف موضوع متل دا ممكن يقدم حاجه او يأخرها إلا اذا ربنا اراد واستجاب لدعائنا وقال له كن فيكون سبحانه وتعالى
وردا على ناس كتير مش عجبها موضوعي السابق … يا ناس احنا بناخد بالاسباب بس مش بنعمل حاجه غلط!!
صحيح ربنا لما يكون عايز يرزقني او يرزقك بالذريه مفيش أي حاجه ممكن تمنع ذلك حتى لو كنتي بتاخدي وسيله منع! بس اهوه بناخد الوسيله وهي اخد بالاسباب مش اعتراض على حكم ربنا
وكذلك لما نحدد موعد التبويض علشان ربنا يرزقنا بمولود ذكر هوه مجرد اخذ بالاسباب وتوقيت الجماع وشويه اجراءات مش بنعمل حاجه بتعارض ارادة ربنا وكتير ناس حاولوا ينجبوا ذكر وبالاخير جابوا بنت مع انهم عملوا فصل حيوانات منويه في المستشفيات ودفعوا دم قلبهم!!
معلش انا رغيت كتير خلاص حقكم عليا
خلينا نبدء بسم الله
في البدايه في جدول ناس كتير مش فهمته علشان كده حكتبه تاني بس المره دي مع الشرح المفصل:
الجدول:::::
طول الدورة 21 يوم
النتيجة:
اليوم1- أول يوم للطمث
اليوم5 – خصوبة منخفضة
اليوم6 – خصوبة عالية
اليوم7 – خصوبة عالية جدا
اليوم8 – يوم الإباضة
اليوم9 و 10-استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 22 يوم
النتيجة:
اليوم1 – أول يوم للطمث
اليوم6 – درجة الخصوبة منخفضة
اليوم7 – درجة خصوبة عالية
اليوم8 – درجة الخصوبة عالية جدا
اليوم9 – يوم الإباضة
اليوم 10 و 11- استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 23 يوم
النتيجة:
اليوم1 – أول يوم للطمث
اليوم7 – خصوبة منخفضة
اليوم8 – خصوبة عالية
اليوم9 – خصوبة عالية جدا
اليوم10 – يوم الإباضة
اليوم 11 و 12- استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 24 يوم
النتيجة:
اليوم1 – أول يوم للطمث
اليوم8 – خصوبة منخفضة
اليوم9 – خصوبة عالية
اليوم10 – خصوبة عالية جدا
اليوم11 – يوم الإباضة
اليوم 12 و 13 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 25 يوم
النتيجة:
اليوم1 – أول يوم للطمث
اليوم9 – خصوبة منخفضة
اليوم10 – خصوبة عالية
اليوم11 -خصوبة عالية جدا
اليوم12 – يوم الإباضة
اليوم 13 و14 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 26 يوم
النتيجة:
اليوم1 – أول يوم للطمث
اليوم10 -خصوبة منخفضة
اليوم11 – خصوبة عالية
اليوم12 – خصوبة عالية جدا
اليوم13 – يوم الإباضة
اليوم 14 و15 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 27 يوم
النتيجة:
اليوم1 – أول يوم للطمث
اليوم11 – خصوبة منخفضة
اليوم12 – خصوبة عالية
اليوم13 -خصوبة عالية جدا
اليوم14- يوم الإباضة
اليوم 15و16 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 28 يوم
النتيجة:
اليوم1 – أول يوم للطمث
اليوم12 – خصوبة منخفضة
اليوم13 -خصوبة عالية
اليوم14 – خصوبة عالية جدا
اليوم15 – يوم الإباضة
اليوم 16و17 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 29 يوم
النتيجة:
اليوم1 – أول يوم للطمث
اليوم 13 -خصوبة منخفضة
اليوم14 -خصوبة عالية
اليوم15 -خصوبة عالية جدا
اليوم16 – يوم الإباضة
اليوم 17و18 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 30 يوم
النتيجة:
اليوم1 – أول يوم للطمث
اليوم14 – خصوبة منخفضة
اليوم15 -خصوبة عالية
اليوم16 -خصوبة عالية جدا
اليوم17 – يوم الإباضة
اليوم 18و19 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 31 يوم
النتيجة:
اليوم1 – أول يوم للطمث
اليوم15 -خصوبة منخفضة
اليوم16 -خصوبة عالية
اليوم17 -خصوبة عالية جدا
اليوم18 – يوم الإباضة
اليوم 19و20 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 32 يوم
النتيجة:
اليوم1 – أول يوم للطمث
اليوم16 -خصوبة منخفضة
اليوم17 -خصوبة عالية
اليوم18 – خصوبة عالية جدا
اليوم19 – يوم الإباضة
اليوم 20و21 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة 33 يوم
النتيجة:
اليوم1 – أول يوم للطمث
اليوم17 -خصوبة منخفضة
اليوم18 -خصوبة عالية
اليوم19 -خصوبة عالية جدا
اليوم20 – يوم الإباضة
اليوم 21و22 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة الشهرية 34 يوم
النتيجة:
اليوم1 – أول يوم للطمث
اليوم18 – خصوبة منخفضة
اليوم19 -خصوبة عالية
اليوم20 – لخصوبة عالية جدا
اليوم21 – يوم الإباضة
اليوم 22و23 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
طول الدورة الشهرية 35 يوم
النتيجة:
اليوم1 – أول يوم للطمث
اليوم19 – خصوبة منخفضة
اليوم20 – خصوبة عالية
اليوم21 – درجة الخصوبة عالية جدا
اليوم22 – يوم الإباضة
اليوم 23و24 – استمرار الجماع لحصر البويضة بالحيوانات المنوية ( وهى ايضا الايام التى يتم فيها الجماع من اجل الحمل فى ذكر )
الشرح::::::
يعني ايه طول الدورة وازاي احسبه؟؟
ماشي ياستي
خلينا نفترض ان الدوره جت يوم 2 ابريل ونزلت وخلصت وجت الدوره اللي بعدها في 27 ابريل يبقى كام طول الدورة الشهريه؟؟؟
نحسبها .. عدي معايا من 2 ابريل لغايه 27 ابريل كام يوم؟؟
صح 25 يوم
يبقى طول الدورة 25 يوم ارجعي وبصي على الجدول هتلاقي يوم التبويض هوه اليوم الـ 12 من اول يوم الدوره لو كانت طول الدوره 25
تعالي نعد على التقويم من شهر ابريل:
2 3 4 5 6 7 8 9 10 11 12 13 14 15 16 17 18 19 ….
عدي 12 يوم من اول يوم للدوره حتلاقي انه التبويض بيصادف 13 ابريل وينصح بالجماع في 13 و 14 و 15 ابريل … ازاي يعني ؟؟
يااااا لهوي مش عارفه ازاي؟؟؟ يعني يا ستي الاموره اول يوم بتنزل فيه الدوره اسمه اليوم رقم واحد واليوم التاني اسمه اليوم رقم 2 والتالت اسمه 3 وهكذااااااااا حتى توصلي لليوم رقم 12 وتشوفي بقى يومها ايه التاريخ
يعني مش تبدئي تعدي بعد ما الدوره تخلص وتغتسلي لا لا لا … تبدئي تعدي من اول يوم نزلت فيه الدوره وجت وشرفت
تمام كده ؟؟؟
طيب يا قمووووره عامله نفسك فهمتي تعالي احسبي المسأله دي .. ايوه درس رياضيات ههههههههه
س سؤال: وحده اسمها ( ام منير) ونفسها تحمل تاني وتعرف امتى لازم يحصل جماع مع العلم ان الدوره كانت الشهر اللي فات يوم 26-1 والشهر دا جت الدوره يوم 29-2 ؟؟؟
الحل:
نبدء نعد من 26-1 لغايه 29-2 كام يوم
اهو التقويم (الرزنامه)
27 28 29 30 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29
= 33يوم
يبقى يوم الاباضه في اليوم ال 20 من الدورة
يعني في 16-2
يبقى ام منير لازم تحرص ان يكون في جماع في 16 و 17 و18 من شهر 2
مين ام منير؟؟
يارب تكون المعلومه وصلت وقدرت اشرحها كويس
طيب هنا حصرنا احتمال وجود البويضه في ثلاث ايام صح
طيب لو وحد عملت كده ومع ذلك مش حملت او متلا لو وحده الدوره عندها مش منتظمه ومره تلاقي طول دورتها 20 ومره 25 ومره 30 ومتلخبطه ولا عارفه تحسب طول الدورة ولو حسبتها مش بيحصل حمل
نيجي للطريقه التانيه واللي هيه اسهل ومضمونه اكتر لان الجدول ممكن يكون يناسب جسمي وجسمك بس مش يناسب جسم ام منير وام سمير متلا !! هههههه
الطريقه هي مراقبة الافرازات:
اغلب الستات بعد ما تخلص الدوره بتنزل منها افرازات وهي الافرازات اليوميه ومنها ما يكون طبيعي ومنها ما يكون مرضي بسبب بكتيريا او فطريات او التهابات
الطبيعيه تكون شفافه او مائله الى اللون الاصفر ورائحتها عاديه جدا يعني لما تشميها مش حتلاقيها ريحة وحشه أما لو كان لها رائحه قويه او وحشه او لونها اخضر او يختلط معها دم فأكيد عندك التهابات لها سبب معين الدكتورة هيه اللي هتفيدك بيه والافضل انك تعالجي الالتهابات لانها ممكن تقلل نسبة حدوث الحمل بس مش حتمنعه طبعا
احنا هنا مش حنقول عن الالتهابات واعراضها وعلاجها احنا بس مهتمين بحاجه واحده واللي هيه ازاي اعرف موعد البويضه من الافرازات؟؟
متل ما قلنا ان بعد ما الدوره تخلص تبدء الافرازات اليوميه بالظهور وحتحسي انها خفيفه جدا في الايام الاولى بعد انتهاء الدوره ويمكن تستمر خفيفه جدا 5 او ايام 7 او اكتر حسب طبيعه جسمك وبعد كده هتلاحظي انها بدئت تزيد بشكل تدريجي
انا عايزاكِ تميزي أي يوم خلال الشهر حتكون عندك اعلى كميه افرازات ؟ يعني أي يوم حتكون الافرازات عندك في ذروتها؟
حتيجي ام منير ولا ام سمير تاني وتسال : وانا اش عرفني امتى ؟!!
طيب بلاش تتعصبي بس اصبري واديني ودنك … اقصد انتباهك
اكيد يعني كل ما تخشي دورة الميه هتشوفي الافرازات وكميتها … حتى في ستات تلاقيها سابت الشغل اللي بين ايديها وجريت على دورة الميه لانها حست بنزول شديد للافرازات!
حناخد مثال بسيط للتوضيح…
جت ام بشير …( دي اختها لام سمير ) .. ولاحظت ان الافرازات زادت يوم السبت ويوم الاحد زادت اكتر ويوم الاثنين زادت اكتر ويوم الثلاثاء قلت شويه واصبحت غليظه شويه (سميكه) ويوم الاربعاء قلت كمان وبقت غليظه اكتر …. هنا البويضه احتمال كبير جدا انها تكون جاهزة للاخصاب يوم الاربعاء او اللي بعده اللي هوه الخميس ولازم يحصل جماع في اليومين دول بالذات
يعني التبويض يمكن يكون في ثالث او رابع يوم من وصول الافرازات لذروتها
يارب يكون واضح المثال ووصلت الفكره
وكتير بنسمع ان في وضعيات للجماع بتساعد على حدوث الحمل باذن الله وهي الوضعيه اللي بتكون فيها الزوجه في شكل يشبه السجود أما الرجل يكون خلفها
وبمجرد انتهاء الجماع يفضل انك تنامي على ظهرك ربع ساعه
هتيجي ام منير وتعترض: ازااااااااي !! بعدين كده هينزل السائل مني ازاي اقلب على ظهري لا انا هفضل على الوضعيه كده ربع ساعه!
يا ستي انتي حره بس جوزك لو قعد يتريق على منظرك انا مليش دعوه !
مش مشكله لو نزل السائل لما تقلبي نفسك متخفيش دا اللي نزل بيكون قريب جدا أما اللي دخل لجوه مش هينزل بالسرعه دي وبعدين في ملايين الحيوانات المنويه احنا مش عايزين منهم الا واحد بس
طيب ….. جت ام غدير (بنت خالة ام سمير ) وقالت انا معنديش افرازات او مش بلاحظ الكلام اللي بتقولي عليه وخايفه يكون الجدول مش صح لان مش مقتنعه بيه وانا اصلي متوسوسه ومش بحب الا الحاجات العلميه اعمل ايه بقى؟؟
ماشي يا قمر انت تؤمر بس !
هتروحي للصيدليه وتطلبي اشرطه اسمها ( اشرطة فحص الاباضة)
دي هتحدد لك امتى يوم التبويض
العلبه بيجي فيها 3 اشرطه
هتستخدميها على حسب طول دورتك وتبدئي باول شريط قبل يوم التبويض بيومين .. يعني لو طول دورتك 29 يوم وحسب الجدول مكتوب انه الاباضه في اليوم 16 تبدئي تستخدمي الشريط الاول في اليوم 14 من اول يوم الدوره
تستخدميه بالليل قبل الجماع بنص ساعه او ساعه مش مشكله بس علشان الراجل مش يقعد يستنى كتير وانتي عمالك بتعملي اختباراتك العلميه في دورة الميه!!
تحطي 3 قطرات بول في المكان المخصص وتستني عشر دقايق او حسب مهو مكتوب في النشره بتاعته وتشوفي … هيطلعلك خطين لون احمر (يا نهاااااااار ابيض انا حامل !! ) لا ستي متستعجليش دا مش فحص حمل دا فحص اباضه … مستعجله على ايه
نرجع لموضوعنا خلاص بلاش مقاطعه انتي وهيه … هيطلعلك خطين لون احمر لو كانوا بنفس الغماقه هيكون النهرده يوم الاباضه ولازم يحدث جماع النهرده وبكره كمان
اما لو طلع خطين لون احمر وكان واحد منهم اقل غماقه من التاني يبقى مفيش اباضه وقولي لزوجك تصبح على خير ! وعيدي الفحص تاني ليله بنفس الطريقه وبشريط جديد وشوفي اللون لو غمق اكتر من مبارح بس لسه مش نفس غماقه الخط التاني مش تستعجلي واستني لبكره كمان وافحصي تاني أما لو لاحظتي انه الخط بقى افتح من مبارح يعني عماله بدل ما يغمق لونه بيخف . يبقى خلاص التبويض معاده فات من قبل ما تستعملي الاشرطه وانتي نايمه على ودانك وحظا اوفر في الشهر الجاي بس استخدمي الاشرطه بدري بكام يوم عن استعمالك الها الشهر ده
يمكن تقول ام غدير : وليه وجع القلب دا ؟ خليني اروح للدكتوره وهيه هتشوف البويضه على الالتراساوند وهتحكيلي لو البويضه جت ولا لا ! شوفتي المخ بقى !!
لا ياستي لا تروحي ولا تيجي
اولا الدكتوره لما تفحصك هتشوف البويضه اكيد بس مش حيبان معها امتى حتكون البويضه جاهزه للاخصاب
هيه بس حتقولك انه حجم البويضه كويس واهي نازله وخلاص بس صدقيني لو جيتي لها بعد يومين حتلاقي نفس الشكل للبويضه يعني الالتراساوند مش هيحدد موعد الاباضه بالظبط بس ممكن يقولك انه الموعد قرب او حيكون خلال الاسبوع الحالي متلا
واكيد انتي مش بتحبي كل شهر تروحي للدكاتره علشان تشوفي البويضه وتسمعي بقى كلام من حماتك انك كل شويه على الدكاتره وشكلها عندها مشاكل ومالك يا بنتي وفي ايه ويبدئ الضغط النفسي وفجأه تلاقي نفسك هرمون الحليب ارتفع وايه اللي ينزله !!
في موضوع تاني اللي هوه في ناس عند الجماع بتستخدم فازلين او زيت او كريم مطري ودي كلها حاجات بتعمل التهابات وبتمنع الحيونات المنويه من انها تمشي للبويضه فبلاش منها
واستعملي كريم خصوصي للحاجه دي هتلاقيه بالصيدليه بس انا معرفش اسمه بس سمعت عنه
وفي كمان حل تاني لو مش بتحبي الكريم الخاص دا
انك تسهلي العمليه بانك تحطي من ريقك شويه
وربنا يسهل ويوفق الجميع ويرزقنا الذريه الصالحه
بالنسبه لموضوعي اللي قلت عنه تجربتي لانجاب مولود ذكر باذن الله
اكيد اللي مكنوش فاهمينه دي الوقت اتوضحت الصورة اكتر بالنسبه لتحديد يوم التبويض بس مش هيبقى عليكي الا الدش المهبلي اللي قلت عنه في موضوعي وباقي الاجراءات من منع الانزال في الرحم قبل يوم التبويض ومن تغسيل للخصيتين للزوج بماء بارد قبل الجماع ومن عدم اثارة الزوجه كل دا مكتوب بالموضوع
في ناس استنكرت الموضوع دا لانه بتحدث عن تحديد الجنس وقالت انه عباره عن سخافات ومفيهوش حاجه علميه وان تحديد يوم التبويض والجماع في اليوم دا بالذات يمكن الوحده تحمله فيه ببنت او ولد
طبعا ايام التبويض دي لما يحصل فيها جماع بتكون نسبة نجاح الحمل كبيره … ايوه نعم ويمكن يكون بنت او ولد … بس لو انحصر الجماع بالايام دي بس حيكون نسبة انجاب ولد اكبر .. ليه؟ لان الحيونات المنويه الذكريه اسرع من الانثويه بس عمرها اقصر … بمعنى تاني لو ست عايزه تحمل ببنت لازم يحصل الجماع قبل يوم التبويض بيوم او يومين وميحصلش في يوم التبويض جماع خالص… ليه؟ علشان لو حصل جماع قبل التبويض بيوم متلا او بيومين فهنا الحيونات المنويه حتفضل عايشه بالرحم 72 ساعه وتيجي البويضه بيوم التبويض المحدد وتلاقي الحيونات اللي من 72 ساعه او اقل بتستنى ويتم التلقيح .. لكن هنا فرصه ان يكون الجنين انثى كبيره لان الحيونات اللي فضلت عايشه لاخر لحظه هي الانثويه .. اما الذكريه كانت اسرع صحيح بس ماتت اسرع والله اعلم
وفي ناس قالت انه حرام ودا تكبر على نعمة ربنا ومعانده
بس هي مجرد اخد بالاسباب
يعني لو واحد مرض هل يجوز يقول لو ربنا كاتب لي الشفاء حشفى .. وهوه ما بيخدش دواء
طبعا لا …
اعقل وتوكل
خد الدوا وقل يا رب اشفيني
وطالما العلم لا يتعارض مع الدين فإيه المانع
حديكم مثال بسيط
انتي بتاخدي برشام منع الحمل ليه؟ جوزك بستعمل الواقي الذكري ليه ؟
حتجاوبي : علشان مش عاوزه احمل دي الوقت
طيب ممتاز … يعني انتي عقلتي وتوكلتي ؟ ولا عماله بتمنعي ارادة الله؟
حتجاوبي : لالا استغفر الله … انا بعقل وبتوكل طبعا لا اله الا الله
عرفتوا يا فتوكات … الموضوع كله اخد بالاسباب … احنا نعملها ونتكل عالله
يمكن اخد منع حمل ومع ذلك احمل لانه بايد ربنا … لكن مش معنى كده اني اترك وسائل المنع واقول خلاص
خلينا يا حبايبي نفهم العلاقة بين الاخذ بالاسباب والتوكل على الله
دي علاقه جميله ربنا بيحبها علشان يخلي المسلم يدرس ويفهم ويعرف ويعمل وبعد كده يتوكل
لو فضلنا مغمضين ومش فاهمين حاجه عمرنا ما حنطلع من ارحامنا خبراء ومخترعيين مسلمين
يا جماعه احنا عندنا العلم والدين والحضارة
والرسول عليه الصلاة والسلام سبق كل العلماء بهذا العلم عندما قال صلى الله عليه وسلم): ماء الرجل أبيض وماء المرأة أصفر، فإذا اجتمعا فعلا مني الرجل مني المرأة أذكرا بإذن الله، وإذا علا مني المرأة مني الرجل أنثا بإذن الله )
وفي ناس مكنتش مقتنعه إن الست ممكن تكون السبب في تحديد جنس المولود وعمالين يقولوا الراجل y والست X وان الراجل مسؤول مسوؤليه كامله عن تحديد الجنس
انا حوضح لهم حاجه وحده: ان المهبل ممكن يكون حمضي وممكن يكون قاعدي ودا بيأثر على حركة وحياة الحيوانات المنويه ..الوسط ألحامضي هو أكثر ملائمة للحيوان المنوي الأنثوي والوسط القاعدي يناسب الحيوان المنوي الذكري وعلشان كده الست بتعمل الدش بتاع البيكربونات علشان تساعد ان يكون الوسط عندها قاعدي
وكمان الحيوانات الذكريه اسرع من الانثويه لكنها بتموت اسرع بينما الحيوانات الانثويه بطيئه وبتعيش اكتر علشان كده قلنا اللي عايزه ذكر تخلي الجماع بنفس يوم التبويض وممنوع قبل كده
وطبعا كلنا عارفين ان الراجل هوه المسؤول بس الفكرة بالمعلومه اللي قلتها ان الغسول المهبلي دا بيعمل على ابطاء حركة الحيوانات الانثويه
وياريت لو وحده جربت الاشرطه او الدش المهبلي تقول لاخواتها في المدونة عن مكان بيعهم وسعرهم لاني انا في الاردن وكتير ستات هنا قالت انها مش لاقيه الدش المهبلي فياريت يا اخواتي تساعدوا بعضكم بالحاجه دي وجزاكم الله خيرا
وبالنهايه مش ننسى الطريقه الافضل والاضمن للحمل بالذريه لصالحه إن كان ذكر او انثى وهي طريقه الاستغفار في كل لحظه وكل ثانيه استغفري وحطمي الرقم القياسي للاستغفار
صدقوني انا اول ما تجوزت تاخرت بالحمل بس حملت بالشهر اللي واظبت فيه على الاستغفار وكمان لما عملت تجربه الحمل بمولود ذكر فضلت طول الشهر دا استغفر والحمدلله ربنا اكرمني
فلا تنسي الاستغفار فهو الطريقه الاضمن والاسهل والي هترضيكي باذن الله
وسامحوني على كترة الرغي بس حبيت اوضح كل حاجه واي سؤال من عيوني
في امان الله
الحاجه عائشه الحاجه عائشه ممنوعة من المشاركة Fatakat 839378 مصر – مصر
سبحان الله و بحمده
