الوسم: السعودي

منقوووووووووووووووووووووووووووووووووووووول
مواضيع هذا القسم برعاية

عطر ايامك بالذكر عطر ايامك بالذكر 186011_17.gif سوبر فتكات Fatakat 186011 الشرقيه – مصر

السلام عليكم ورحمة الله وبركاته

أسعد الله صباحكم بكل خير ومسرة ..يسعدني اني أقدملكم وصفة النهاردة " الفراخ بالخلطة الرهيبة والكبسة السعودي " ..وماأقولكمش عن الطعم الرهيييب ..والتطبيق خير برهان
مش عايزة أطول عليكم ، ندخل في الموضوع علطول :-
بسم الله نبــــــدأ :
المقاديــــــــــــر :
فرخة مغسولة بالدقيق والملح ، (طماطماية وفلفلاية وبصلاية) مقطعين مكعبات صغيرة ، 3 فصوص توم مفرومين ، ملعقة صغيرة من كل من ( ملح، كمون، بهارات، كاري، قرفة ) ، ونصف ملعقة صغيرة ( فلفل أسود وبابريكا) ، 2 عود ( هيل "حبهان" ، قرنفل )

2- نقطع الفرخة أربعة أرباع

3- نضع كل المقادير على بعضها ماعدا الفراخ ونقلبهم جيدا ليمتزجوا ببعض

4- نغزغز الفراخ بالسكينة ونتبلها بالتتبيلة اللي فاتت ونضعها على البوتاجاز علطول بس على نار هادية أعلى من نار الرز بشوية صغيرين

وكل ربع ساعة نقلبها ومابنضيفش ماية خالص لأنها بترخي ماية ، ولو حسيتي انها هتلزق ممكن تضيفي نصف كوب ماء بس ..وبتستوي بإذن الله بعد ساعة ،
نروح مخرجينها من الحلة بالخلطة اللي عليها ونحطها في صينية وتحت الشواية علطول عشان تاخد لون التحمير من غير سمنة ولا زيت
ونكون محضرين فحمة ، نحطها في الصينية نفسها وعليها ملعقة زيت ونغطي الصينية بحاجة محكمة عشان تاخد نفس الشواء عالفحم
وبالهناء والعافية ..يمييييييي ..ودا شكلها النهائي :

والطعم حكاااااااااااااااااية .."مين يشهد للعروس"
ثانيـــــــا : الكبسة السعودي :-
2 كوب رز بسمتي مغسول جيدا ومنقوع نص ساعة

طماطماية مبشورة

جزراية مبشورة ،بصلاية وفلفلاية مقطعة مكعبات ، و3 فصوص توم مفرومين

بهارات وملح وفلفل وكمون وعودين قرنفل وحبهان وواحد أو اتنين مرقة دجاج

الطريـــــــــــــــقة :
نحضر إناء ونضع به 2ملعقة سمن و 2 ملعقة زيت وننزل عليها بالبصل

2- نترك البصل يدبل فقط ونروح ضايفين التوم المفروم

3- أول ماريحة التوم تطلع نروح ضايفين البهارات والملح والفلفل والمرقة ونقلبهم مع بعض لحد ماتشمي ريحة البهارات طالعة

4- نروح ضايفين الجزر المبشور والفلفل المقطع

5- وبعدين نضيف الطماطم المبشورة

6- نضيف الشوربة اللي طلعت معانا من الفراخ اللي عملناها أو نضيف أي شوربة عندك أو حتى ماية وفي الحالة دي زودي مكعب مرق تاني بس قللي الملح

7- نتركهم يغلوا ونروح ضايفين الرز ونضبط الملح والمية وكله يبقى تمام

8- نسيبهم يغلو كويس وقبل مالماية تنشف نهدي النار عالآخر (طبعا الماية بتبقى موجودة بس الرز باين منها )

9- لما يستوي بقى (بياخد نص ساعة بإذن الله عالنار الهادية) نكون محضرين فحمة مولعة ونجيب طبق صغير أو حتة قصدير (فويل) ونحطها عالرز وعليها الفحمة وملعقة زيت
وغطي علطول هياخد نفس الفحم وهتاكلي كبسة محصلتش ولا هتحصل ودا الشكل النهائي

وكنت عاملة سلطة خضراء

وكمان هوت صوص عالبارد بس نسيت أصوره وهوا عبارة عن ( بصلاية صغيرة وفص توم واحد وملح وفلفل وليمونة معصورة وملعقة خل ) دا كله في الخلاط
بس كده ويقدم مع الأكل
وبالهناء والعافية .. تم بحمد الله
لو عجبتكم الأكلة قيموها لأني فعلا تعبت فيها جدا من حيث التصوير وتصغير الصور وتنزيلها ..بجد الموضوع مرهق بس لذييييذ ويستاهل
جربوا الفراخ بالطريقة دي وكذلك الرز والطعم على ضمانتي أنا وابقوا تعالوا قولولي تعليقكم ..
أترككم في رعاية الله وحفظه
مواضيع هذا القسم برعاية

ry7anh ry7anh 31437_3.gif سوبر فتكات Fatakat 31437 الشرقية – مصر

البسبوسة السعودى

المقادير :

1 كوب زبادي
1 كوب سميد ( سيمولينا )
1 كوب جوز هند مبشور
1 كوب سكر ( لم أضيف السكر و كان الشربات كفاية )
نصف كوب سمن سايح
ربع كوب كريمة
1 ملعقة بيكنج بودر
رشة فانيليا
2 كوب شربات ثقيل ساخن

الطريقة :

1- تضاف السمن مع الكريمة مع السكر مع الزبادي و يخلطوا جيدا
2- ثم تضاف الفانيليا للخليط
3- يضاف جوز الهند ثم السميد و البيكينج بودر و يقلب الخليط تقليب خفيف بالملعقة و لا ُتعجن حتى تكون البسبوسة طرية ولا تنشف
4- ثم يوضع الخليط فى صينية مدهونة مادة دهنية و مفروش فيها ورقة زبدة و تدهن الورقة سمن ثم يفرد الخليط فى الصينية و يمكن وضع لوز على الوجه
5- تدخل الفرن حتى تحمر و لما تخرج من الفرن تسقى بالشربات الساخن و تترك لتبرد ثم تقطع و تقدم .. و بالهنا و العافية

مواضيع هذا القسم برعاية

أم العلاء أم العلاء 93117_9.gif فتكات رائعة Fatakat 93117 الأسكندرية – مصر

طريقة عمل الكبسة السعودي مواضيع هذا القسم برعاية

vb2all vb2all images/avatars/oddfellowsm.gif ممنوعة من المشاركة Fatakat 371774 طنطا – مصر

ايه رايكم
مواضيع هذا القسم برعاية

ام مؤمن ومحمود احمد ام مؤمن ومحمود احمد 202413_6.gif فتكات غالية قوي Fatakat 202413 السعوديه الرياض – مصر – الجيزة