الوسم: الفراخ
ايوه فعلا العنوان صح سمك بطعم الفراخ بصى بقى يافتوكة انتى وهى هتجيبى السمك بلطى ويكون طازة كيلو اتنين براحتك زى ما بتجيبى وافتحى بطنة ونظفيها واغسليها كويس واغسليها باليمون كويس البطن بس متشليش القشر اللى على ظهر السمكة عشان هنشويها بالردة وبعدين سيبى السمك على جمب وتعالى بقى نجهز الخلطة اللى هتخلية زى طعم الفراخ هتجيبى بصل وتبشريه ناعم وطماطم وتقطعيها زى السلطة كدة وفلفل اخضر متقطع قطع صغيرة وبعدين تحطى البهارات بقى فلفل اسمر وكمون وملح وشطة[مستكة وحبهان وورق لورا مطحونين ناعم مع بعض بيعملوا فرق جامد ] ومعلقة خل وعصير ليمونه وقلبى محتويات الخلطة كويس واحشى بطن السمك ورصيه فى صنية وروحى لاقرب فرن سمك وخلية يشوية عادى زى ما بتشوية السمك بالرده واعملى جمبة بقى شوية رز ابيض وسلطة وطحينة وادعيلى طعمة زى الفراخ بالظبط جربى ويبقى تغير طريقة جديدة بس اوعى تكلى وتنسى تدعيلى اصل اعيط مواضيع هذا القسم برعاية
سلطة الفراخ بالمايونيز بس تحفة على طريقة ام رهف 2024.
السلام عليكم ورحمة الله وبركاتةالمقدير : فراخ مستوية / مايونيز / زيتون اسود / عصير لمون / خس كبوتشى / ملح /كمون
الطريقة : يوضع المايونيز +عصير الليمون + زيتون مقطع +ملح +كمون
ثم تقطع الفراخ والخس ويوضع على خلطة المايونيز وتقلب وتوضع فى الثلاجة وبالهنا والشفا جربوها وقلولى وانشاء الله تعجبكو
ام رهف مواضيع هذا القسم برعاية
شيرى ورهف شيرى ورهف فتكات نشيطة Fatakat 647396 فى حضن زوجى – فى بيتى
سبحان الله و بحمده
طريقة سلق الفراخ وعمل محشى ورق الكرنب مباشرة ومن مطبخ ام عبدالله 2024.
كيف حالكن يااجمل اخوات فى الله ربنا يجمعنا على طاعتة انا هقول على طريقة تركيب الفراخ للمبتدئات وكمان عمل محشى الكرنب ولان الموضوع طويل فبدا بسم الله فى الشرح علطول اتفضلوا اولا الفراخ
بنجيب الفراخ ونغسلها كويس جدا ونيبها نصف ساعة فى الملح والليمون
هنحضر الحلة ونحط فيها معلقة سمنة وكام حبة مستكة صغيريين تمام
ونشوحهم فى السمنة ونقلب
واحنا بقلب هنح التوابل(كباب صينى_فلفل اسود_حبهان_اكليل الجبل_ورق لورو_قرفة)دية التوابل انا طحناها مع بعض وبستخدمها فى كل حاجة
وهنحط على الفراف وهية بتتشوح ورق لوروا بحالة وبصلتين مقطعين 4تربعونسيبهم على نار هادية تتطلع الفراخ ميتها ودة سر الشوربة الحلوة وب ربع ساعة هبدا اضيف الماء المغلى على الفراخ وايبها ساعة الا ربع طبعا الفراخ بيضة وانا بحبها مستوية جدا تمام
والتوفير والمفاجئة انى شيلت السفينة اللى هية الظهر عشان اعملها مرة تانية جنب مكرونة هتتعمل بانية تعالوا نشوف ازاى
ونسيبها تغلى كدة على نار هادية مش عالى
وبسكينة حامية بدات اعملها بانية بس انا مصورتهاش عشان مش هعرف امسك الكامير واقطع
اهية كيستها وعلى الفريزر وعملتها بانية لمرة تانية وعلى فكرة احنا 5 افراد
وكمان عشان استفيد من الفرخ لابنى اللى عندة 11شهر ضربت الكبدة فقط مع البصل اللى فى الشوربة واكلتة معانا
وطبعا الفراخ بعد ما استوت انا مش بحبها مسلوقة خالص مالص ضربت بيضة وعليها ملح وتوابل وعملت الفراخ فى البيض والبقسماط وقلتها واتفضلوا
وكدة خلصنا من الفرخ فضلت شوية من الشوربة خزنتها لاكلة تانية عشان التوفير
متنسوش انى عملت من الشوربة برضة محشى الكرنب وهنبد بتحضيرة ياقمرات بجيب كل المكوانت قدامى عشان متهش هننزل باالمكونات انا عملت كرنبة كبيرة وعملت حلة كبيرة ما شاء الله
عشان ارز التموين وبيكون مكسر انا بنخلة هنا الاول وبعدين بغسلة بتتطلع الحبة بحبتها
وهنكمل باذن الله المشاركة اللى جاية
مواضيع هذا القسم برعاية
نسائم الرحمة نسائم الرحمة 267578_5.gif فتكات ست الكل Fatakat 267578 شمال سيناء – جمهورية مصر العربية
سبحان الله و بحمده
شاورما الفراخ*** شيف حسن ( الحياة ) 2024.
شاورما فراخ
طريقة العمل :-
1- توضع الفراج جوليان*شرائح* فى طبق للتبيل ويوضع عليها بشر البرتقال وبشر الليمون والقرفه بودره وملح والفلفل ووبهارات الفراخ
2- توضع مقلاه على النار ثم يوضع فيها الزيت ثم الزبد ثم توضع شرائح البصل حتى تذبل وبعدها توضع الفراخ المتبله
3-يوضع الفلفل الملون شرائح
4- توضع الطماطم شرائح
5- تترك حتى النضج على النار
6- تقدم مع خبز التورتيلا او الخبز اللبنانى
7- توضع فوق الخبز ثم تقدم
بالهنا والشفا
ان شاء الله الطبق يعجبكم مواضيع هذا القسم برعاية
elmon_eyes elmon_eyes فتكات نشيطة Fatakat 72179 جدة – المملكه العربيه السعوديه
سبحان الله و بحمده
الفراخ المشوية فى الفرن…… 2024.
نضفى الفرخة واقطعيها اربع وضعى عليها خل وليمون واعملى التتبيلة دى …..ملعقة زبادى وعصرة ليمون وخل وملح وفلفل اسود وبابريكا واى بهارات تحبيها وفصين توم مهروسين وكزبرة خضرا وفلفل حامى حسب الرغبة …وتبلى بيها الفراخ وممكن تفرزيها لحين الاستخدام متبلة وجاهزة …وتطلعيها من الصبح مثلا على ماترجعى من الشغل او على ماتنضفى البيت …تكون فككت من التلج رصيها فى الصينية وحطيها فى الشواية بتاعة الفر ن على اعلى درجة 500 البرويل يعنى .واتركيها تلت ساعة واقلبيها على الناحية التانية تلت ساعة كمان وطلعيها ممكن تكون الجلدة اتحروقت بس موش مهم بتكون استوت ممتازة وممكن تكونى مجهزة فحمة مستوية على النار وهاتى قشرة بصلة وحطي الفراخ فى حلة غويطة وحطى قشرة البصلة وضعى فيها ملعقة زيت زيتون وطشى الفحمة جوة قشرة البصلة وغطى الحلة تكون محكمة جدااا علشان البخار يدخل فى الفراخ … ملحوظة مهمة ……الفراخ تتاكل مستوية فى يوم ماتستوى انما ممكن تتبل وتفرز بدون تسوية … وساعات بيطلع من الفراخ بعد الشوى شوية صوص شوربة متبلة ممكن تاخديهم وتكملى عليهم ماء وتغلى الشوربة دى وتحطى عليها قرفة صحيحة وحبهان مفروم واى نوع بهارات عندك وشوية زيت قيمة ربع كوب ….واعملى فية شوية رز الكمية اللى المعتادة بالنسبة لك وفلفلى الرز عادى بكمية الشوربة على الرز اللى متعودة تتبخيها ووطى النار لما يستوى …وبس وشوية سلطة وبالهنا والشفاااااااااا مواضيع هذا القسم برعاية
far7aanaa far7aanaa 158278_16.gif فتكات غالية قوي Fatakat 158278 فى قلب الدنياااااا..الواسعة – ياحبيبتى ياااااااااااامصر
سبحان الله و بحمده
كفتة الفراخ المحشية بالجبنة 2024.
المقادير:
4 صدور فراخ
ملعقة صغيرة زعتر
ملعقة صغيرة كزبرة
ملعقة صغيرة حبهان مطحون
ثمرة بطاطس متوسّطة
ملح وفلفل أسود
للحشو:
10 مكعبات جبنة كريمي (ممكن تستخدمي جبنة نستو أو شيدر)
2 ملعقة كبيرة بقدونس مفروم
½ كوب مشروم مفروم
للتغطية:
2 بيضة
2 كوب بقسماط ناعم
½ ملعقة صغيرة ملح
رشة فلفل أسود
زيت ذرة للقلي
الطريقة:
1- اسلقي البطاطس نصف سوى وقطّعيها شرائح، وسيبيها لحد ما تبرد تماما.
2- افرمي صدور الفراخ وشرائح البطاطس مع بعض في المفرمة، وبعد كده تبّليها بالملح والفلفل والكزبرة والزعتر والحبهان، واعجني الخليط كله بإيدك كويس.
3- لتحضير الحشو؛ اخلطي المشروم مع الجبنة والبقدونس، وقلّبيهم مع بعض كويس.
4- خدي كمية مناسبة من الكفتة وافرديها على إيدك، واحشيها بكمية مناسبة من الحشو، ولفّيها على شكل صوابع، وكرّري الخطوة دي لغاية ما كل الكمية تخلص.
5- اخفقي البيض في طبق وحطي عليه الملح والفلفل، وحطّي أصابع الكفتة في البيض وبعد كده في البقسماط.
6- حمّري الكفتة في زيت ساخن وغزير، وبعد كده طلّعيها على مناديل ورقية علشان تتشرّب الزيت، وعند التقديم زيّنيها بالبقدونس.. وبالهنا والشفا.
مواضيع هذا القسم برعاية
dead love dead love 284544_8.gif سوبر فتكات Fatakat 284544 الاسكندرية – مصر
