السلام عليكن يا قمرات
النهارده موعدنا مع الطاجن الخامس
وده عندنا بيكون ملك طواجين العيد
عشان مينفعش نعمله في ايام السنة
لازم في العيد وهو حلو وحادق
ومبيتقدمش كطبق رئيسي
واسمه التحلية
وفي مناطق في المغرب بيسموه
المروزية
بس مش بنفس الطريقة
ده بناكله على الفطار او في المغربية قبل العشا
وبيفضل مدة طويلة ميحصلوش حاجة
بنحطه في علبة ونحطه في الفريزر
يا رب ينال رضاكم
المقادير
رقبة الخروف
زبيب سكر
بهارات راس حانوت
كركم قرفة فلفل زعفران حر
سمنة بلدي وزيت
لوز مقشر ومحمر في الزيت
دبس الرمان او العنب
الطريقة
نشوف صورة بهارات راس حانوت
وهي عبارة عن
جوزة الطيب هيل ورد ناشف زنجبيل ناشف
شمر ينسون وكركم ناشف واعواد قرفة
الخلنجل والباقي مش عارفة اسمه بالمصري
البهارت دي تدق في الهون ثم تطحن جيدا
الزبيب كمان يدق في الهون لغاية ما يبقى عجين
ثم يضاف للبهارات ونضيف عليهم بصف ملعقة من
كركم قرفة فلفل ملح
وعفران حر سمنة بلدي والزيت
تخلط كل المكونات حتى نحصل على خليط كثيف
بعدين ناخذ قطع اللحمة ونغمسها في الخلطة
كويس اوي
نشوف صورة اللحمة
بعدين نحطها في الطاجين ونضيف الماية الكافية
بعدين ناخذ اللية وندقها في الهون ونحطها في
الطاجين واللية ضروري فيه عشان هي الي
بتشمع اللحمة وتديها طبقة دسمة وبتخليها تفضل
اطول فترة
حتقولوا دي دسمة جدا بس والله والله مش بتحسي
بطعم اللية من كتر البهارات
ونسيبها على الفحم لغاية ما تستوي
بعدين نضيف السكر ودبس الرمان او العنب
وكمية السكر حسب ذوق كل واحد
انا عاملة كمية كبيرة عشان لازم تكون مسكرة
هنا لما ضفت دبس العنب
وهنا لما ضفت السكر
ونسيبه على النار لغاية ما يذوب السكر
وتشوفي ان الطاجن فيه زيت بس
مفيهوش ولا نقطة ماية عشان لو فضلت الماية
اللحمة حتفسد
وبعدين نضيف اللوز المحمر ونرفعه من على النار
وبعدين نسيبها لغاية ما تبرد مش لازم تتاكل
بعد ما تستوي عشان البهارات بتكون سخنة اوي
وكل ما نحب ناكل نغرف ونسخن وناكل بالف هنا
يا رب تنال رضاكن وتقيموني حسب ذوقكن
نشوف صور التقديم
يا رب اكون افادتكو ولو بمعلومة صغيرة
عن المطبخ المغربي
استودعكن الله
والى موضوع اخر ان شاء الله
وحيكون الشواء بطريقتين
وحدة على الفحم والتانية
في الطاجين
ودي صورة الطواجين وهي بتستوي على الفحم
مواضيع هذا القسم برعاية
soso sanae soso sanae 1104489_22.gif سوبر فتكات Fatakat 1104489 تطوان – المغرب
