مغلق لعدم الافاده
الادارة مواضيع هذا القسم برعاية
احلى مافى الدنيا احلى مافى الدنيا 709084_1.gif فتكات نشيطة Fatakat 709084 القاهره – مصر
ازيكم ياأحلي فتوكات يارب تكونوا بخير يارب
النهارده جايبه لكم الكفته المشويه بتاعتي بطريقه سهله وبسيطه والطعم حكايه يارب تعجبكم
ندخل في المكونات علي طول
نص كيلو لحم مفروم ويكون فيه نسبه ده ده لازم ياحلوين بتخلي طعمها تحفه وياسلام بقه لو ليه اممم
2 بصله مفرومه ناعم ونصفي البصل من مايته وده ضروري عشان الكفته ماتفكش مني بس اوعي ترمي المايه هنحتاجها بعد شويه
بقدونس مفروم ناعم والتوابل بتاعتي ( ملح فلفل اسود وتوابل لحم )
وبس كده نضيف المكونات كلها مع بعضها
هنا خلاص قلبت كله مع بعضه اهو اقوم احطها بقه شويه في التلاجه علي الاقل نص ساعه بس عشان تتشرب التوابل اللي فيها كويس
نبتدي نشكل الكفته بتاعتي انا استخدمت الاسياخ اللي عندي بتاعة شوايه الفحم مش عندك ممكن تشكليها بالمعلقه الخشب بتاعتك وبمايه البصل فاكرينها نزودها برشه فلفل اسود وشويه توابل ونبل بيها ايدينا ونشكل الكفته
ده كده حجم مناسب
هنا خلصت الكميه بتاعتي كلها اهي
نيجي بقه للتسويه
انا سويتها علي شوايتي الكهربا مش عندك ممكن تسويها في الفرن بأكتر من طريقه 1ــ ترصيها في صينيه وتغطيها بالفويل وتسيبيها تستوي براحتها ولما تستوي تشيلي الفويل وتسيبها تاخد لون
2 ـ او ترصيها علي شبكه الفرن لو كهربا وتولعي من فوق وتحطي صينيه تحتها تنزل الدهون اللي فيها وكل شويه تقلبيها لحد ما تستوي
وكله بيكون نفس النتيجه في الاخر
هنا رصيتها علي الشوايه
تابعوا بالصور
بدأت تاخد لون اهي ومن غير ما تفك مني شايفين
استمر في التقليب من جنب للتاني بدأت اهي تستوي
هنا خلاص استويت اهي اكون مجهز فحمه علي النار لحد ما تاخد اللون الاحمر واحطها مع الكفته بعد ما اشيلها واحط عليها نقطه زيت واغطي وشمي الريحه بقه تححححححححفه
هنا وقت التقديم
ورشه بقدونس علي الوش اممم تحفففه
وكمان
وهنا كماااااان ياسلالالالالالام
زووووووووووم
من جوه شوفوا امممممم
لزوم التعذيب بقه هههههه
والرابط دا فى سلطة الطحينه اللى هنقدمها مع الكفته
♫♫ من مطبخي سلطه الطحينه السهله اووي البسيطه اوووي بالصور ياحلوين لتفضلوا ♫♫
وبس كده يافتوكاتي شوفتو سهل ازاي
يارب تكون عجبتكم
يلا بقه ياحلوين دلوقتي دوركم في الردود الحلوه والتقييم لو الموضوع يستاهل
واعزروني حملت الصور من مركز تحميل تاني مش عارفه بتاع فتكات ماله بس
وفيه مواضيع كتير تانيه في توقيعي ان شاء الله تعجبكم
في امان الله ياحلوين
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه
ازيكم ياحلويين وحشتونى كتير بقالى كتير لا دخلت ولا عملت مواضيع قلت ارجعلكم بحاجه حلوه انا عن نفسى بحبها جدا وعلطول بطلبها لما بروح اى مطعم لانى كنت فاكره انى مش هعرف اعملها زى بره بس الحمد لله عملتها وطلعت احلى من بره كمان بشهاده جوزى يلا بقى بلاش رغى كتير ونسمى الله ونبدا احلى شوربه مشروم بالكريمه ولا اروع من كده
المقادير بتاعتنا مشروم فريش حوالى 250 جرام
نص كوب كريمه طبخ
نص كوب دقيق ونص كوب سمن وزيت ذره
كوب لبن وبصله متوسطه وفصين توم ومعلقتين كبار كرفس اخضر متقطع صغير جدا ومكعب مرقه
اول حاجه قطعت المشروم قطع صغيره وبشرت البصله والتوم ناعم قوى
جبت حله وحطيت فيهامعلقه زيت وقلبت البصل والتوم بس لحد مايصفروا بلاش يحمروا عشان الشوربه متغمقش وننزل عليهم بالمشروم وبسرعه جدا نقلب برده عشان المشروم ميتحرقش والشوربه تغمق زى كده
ونضيف عليهم لتر مرقه ونغطى ونسيبهم يغلو وعلى مايغلى نجيب طاسه ونقلب فيها الدقيق والسمن بسرعه لجد مايبقى ليهم قوام متماسك لا تقيل ولا خفيف كده
واول ماالشوربه غليت نزلت واحده واحده على الشوربه بيهم وبمضرب سلك وبسرعه جدا جدا قلبت عشان متكلكعش وطبعا معرفتش اصور الخطوه دى عشان ايد كانت ماسكه الطاسه اللى فيها الدقيق والسمن والتانيه بتقلب بسرعه وقلبت بسرعه لحد مابقت كده
بعد كده نزلت عليهم بنص كوبايه الكريمه وكوب اللبن وظبطت الملح والفلفل بس خلى بالك فيه مكعب مرقه والكريمه بتكون فيها ملح يعنى متحطيش ملح كتير واخر خطوه بقى حطيت الكرفس اخد غلوه بسيطه هالص وطفيت وكده تبقى الشوربه خلصت وبقت تمام اهم حاجه تكون مضبوطه لا خفيفه ولا تقيله وعشان كده حطيت الدقيق يعلمها قوام حلو
وده احلى طبق شوربه مشروم بجد كان طعمها جميل ما شاء الله وعجبت جوزى جدا
ودلوقتى بقى ليا عندكم طلب بسيط جدا دعوه صغيره بصلاح الحال وسعه الرزق والهدايه لزوجى واولادى وان ربنا يباركلى فيهم ويجعلهم من حفظه القران الكريم ومن جنود الله على الارض
مواضيع هذا القسم برعاية
ام على 1 ام على 1 434149_3.gif سوبر فتكات Fatakat 434149 القاهره – مصر
ده مقدار من عجينة العشر دقايق طبعا كلنا اساتذه فيها دلوقتى
معاها دجاج مقطع مكعبات وبصل مقطع وطماطم وفلفل اخضر وجزر مبشور وجبنه رومى وزيتون
الاول عملت الحشوه شوحت البصل والفلفل والفراخ وبعدين الجزر مع طبعا التوابل والملح والفلفل
والعجينه كانت عندى جاهزه بعمل المقدار كله وبستخدمه واللى بيتبقى بشيله فى الفريزر
ولما بحتاجها بطلعها من الفريزر على ماتفك تكون خمرت وبقت زى الفل
لما العجينه خمرت قسمتها نصين وفردت النص الاول فى الصينيه وبعدين حطيت الحشوه وبعدين حطيت النص التانى ودهنت الوش شوية زيت ورشيت عليه سمسم ودخلتها الفرن ولما استوت خرجتها وقطعتها واكلتها وبالهنا والشفا
دلوقتى نشوف الصور
اللى تعجبها فطيرتى تدعيلى دعوه حلوه زيها كده اوكى؟اوكى مواضيع هذا القسم برعاية
الدنبابخير الدنبابخير 515207_1.gif فتكات رائعة Fatakat 515207 فى الدنيا الواسعه – مصر
