السلام عليكم
النهارده هاكولقمن ع شوربه حلوه اوى انا مره كلتها عند ناس صحابنا وعجبتنى اوى فخدت الطريقه وعملتها بس لازم اضيف كمان التاتش بتاعى وطلعت روعه بجد
بجد لو عملتوها هاتحبوها اوى وكمان بتتعمل ف العزومات بتشرف وبتتعمل جمب اى اكل
المهم ندخل ع المقادير
علبه مشروم متقطع او كامل وانتى قطعيه
كيس ذره مجمد ده 400 جم واستخدمت نصه وممكن تجيبي علبه دره معلبه
بس المجمد افضل عشان المعلب بيكون فيه مواد حافظه ومليان صوديوم
بصله وكام فص توم
معلقه زبده او سمنه او زيت زيتون
معلقتين دقيق
ملح وفلفل اسود بس
4 معالق حليب او 2 معلقه حليب بودر
معلقه قشطه ودى ممكن تستغنى عنها بس لو موجوده بتدي طعم حلو اوى
شوربه لحمه او فراخ لو مفيش ممكن تستخدمى شوربه مرقه
بس هاقولكم انا علطول بيكون عندى شوربه يعنى مثلا ممكن سلقت لحمه او فرخه وبعدين طبختهم ف الفرن باشيل الشوربه ف كيس ف الفريزر وبينفع ف مره تانيه
خلاص هانبتدى مع بعض الخطوات
بسم الله
1-هانغسل المشروم عشان نتخلص من الصوديوم اللى بيكون ف العلبه ونصفيه كويس
2-هانبشر البصل والتوم ونشوحهم ف الزبده
3- هانحط المشروم ع البصل والتوم ونقلبه معاهم دقيقه كده لغايه ما ينشف من مايته
4-نضيف الدره ونقلبها كويس
5-هانضيف معلقتين الدقيق ونقلب كويس فالاول هاتحسيها عجنت شويه ماتقلقيش قلبي جامد ولما نصب الشوربه الدنيا هاتزبط
6-هاضيف شوربه الفراخ او اللحمه للخليط وبعدين نضيف معلقتين اللبن(الحليب)
7-نضيف معلقه القشطه والملح والفلفل اسود
8- نغطى الحله ونوطى النار مش هاتخد ربع ساعه وهاتستوى ولما نقفل النار لو لاقينا الخليط بقي متماسك اوى نضيف شويه شوربه او مايه لان احنا بنعمل شوربه
ودى طبق الشوربه ف الاخر اتفضلو بالهنا
ولوعجبكم الموضوع قيموه وادعولى ربنا يدبرلى امرى محتاجه الدعوه دى اوى الايام دى
مواضيع هذا القسم برعاية
مامت نوسى مامت نوسى images/avatars/pinkflower.jpg سوبر فتكات Fatakat 408141 القاهره – مصر
