الوسم: الكتيره

دى بعد ماطلعت
هكتبلكم دلوقتى الخطوات والمقادير وبعدين هنزل الصور بعد الطريقه اوكى ؟ اوكى

ده مقدار من عجينة العشر دقايق طبعا كلنا اساتذه فيها دلوقتى
معاها دجاج مقطع مكعبات وبصل مقطع وطماطم وفلفل اخضر وجزر مبشور وجبنه رومى وزيتون
الاول عملت الحشوه شوحت البصل والفلفل والفراخ وبعدين الجزر مع طبعا التوابل والملح والفلفل
والعجينه كانت عندى جاهزه بعمل المقدار كله وبستخدمه واللى بيتبقى بشيله فى الفريزر
ولما بحتاجها بطلعها من الفريزر على ماتفك تكون خمرت وبقت زى الفل
لما العجينه خمرت قسمتها نصين وفردت النص الاول فى الصينيه وبعدين حطيت الحشوه وبعدين حطيت النص التانى ودهنت الوش شوية زيت ورشيت عليه سمسم ودخلتها الفرن ولما استوت خرجتها وقطعتها واكلتها وبالهنا والشفا

دلوقتى نشوف الصور

اللى تعجبها فطيرتى تدعيلى دعوه حلوه زيها كده اوكى؟اوكى مواضيع هذا القسم برعاية

الدنبابخير الدنبابخير 515207_1.gif فتكات رائعة Fatakat 515207 فى الدنيا الواسعه – مصر

انا هنا فتوكه جديده لسه طازه
وسجلت فى المدونة مخصوص عشان واقعه فى كارثه كبيييييييييييييره ومحتاجه حد يساعدنى
انا بعانى من النحافه .. جسمى وحشششششششش اوووووووووووووى
مع انى زمان مكنتش كده .. بس لما دخلت الجامعه ومع الامتحانات والقرف بقيت اخس لحد ما وصلت انى بقيت 46 كيلو

والمشكله بقا انى خطوبتى هتكون بين العيدين … طبعا مش هينفع اتخطب وانا مومياء كده
متعرفوش احنا بنسمع تريقه وكلام من الناس بيجرح قد ايه .. انا بجد كرهت نفسى وكرهت الناس وحتى مبقتش عايزه اتخطب مع انى بحب خطيبى جداااا

كنت بدور على وسائل لزياده الوزن وقريت على النت عن حاجه اسمها كتيره وفى بنات هنا فى فتكات كانوا عاملين مواضيع عنها ،، بتتجاب من عند العطار وانها ليها مفعول جبار فى زياده الوزن وفى فتره قليله

سألت عند العطار فعلا ولقيتها .. بس لقيته بيقولى دى لزياده الشعر و زياده طوله وكثافته وبتستخدم للى بيعانو من امراض زى الصلع وكده

فانا مبقتش فاهمه حاجه … يعنى ياريت لو واحده جربت الكتيره دى او تعرفها تقولى هى فعلا بتزود الوزن ولا زى ما العطار قال

salma refa3y salma refa3y 848833_1.gif فتكات حبوبة Fatakat 848833 القاهره – مصر

مواضيع هذا القسم برعاية

sama hoba sama hoba 702486_2.gif فتكات نشيطة Fatakat 702486 سوهاج – مصر

نبتدي بقي نشرح المنيو
اولا الحمام الجميل محشي رز
بجيب الكبده والقوانص اقطعها حتت صغيره واجيب بصله واقطع صغير بالمكنه
واحمرها وبعد ما تتحمر يعني بعد ما تصفر شويه بحط عليها الكبد والقوانص تتحمر معاها واحط ملح وحبه فلفل واغطي الرز بميه يستوي نص تسويه……..بعد ما يبرد
نحشي الحمام بالرز الي بالكبد
ونكتفها ونخيط للي ميعرفش يكتف بنخيط بفابرهو وفتله و نجيب حله كبيره يعني علي قد الحمام االي انتي عاملاه ونحط فيه بصل وملح وفلفل وياريت لو حبهان ومستكه بقي بيبقي جنان بس ده حسب هتستخدمي الشوربه احنا عندنا بنعمل بالشوربه ملوخيه بس فيه ناس مبتعجبهمش عليها ملوخيه يعني حسب كده تحطي توابل غير الملح والفلفل والبصل
وبعد السلق بطلعه علي مصفي واسيبه ينزل ميته وقبل ما يتحط علي السفره بجيب فرشه وادهن بيها الحمام وش وضهر بالزبده واحطه في الفرن 5 دقاايق يدوب وتقلبيه بسرعه وعنيكي عليه لحسن يتحرق

وصوره بالزوم

كمان واحده اصل الحمام ده حبيبي

نيجي للبانيه طبعا بتجيبيه من الراجل جاهز والشاطره تعمله في البيت طبعا بيتغسل ويتنقع بميه وملح وشويه خل
فيه ناس بتتبله ببصل وعليه ليمون وزبادي……بس انا بنقعه ببصل عليه ملح وفلفل وبهارات جايباها من بره مصر رائعه
واسيبه بالتوابل في الفريزر ويوم العزومه او ليلتها طلعيه من البصل وتجيبي 3 اطباق طبق دقيق وطبق بقسماط وطبق بيض بحط علي الدقيق والبقسماط برضه ملح وفلفل وبهارات ونفس الحكايه في البيض
وتعمليه بال3 طبقات الي متعودين عليها دقيق الاول بعدين بيض بعدين بقسماط وياريت يتحط في التالاجه ساعه قبل التحمير عشان يمسك نفسه وتغطيه ببكيس عشان ميلقطش رواي من التلاجه ولا العكس
ادي البانيه حبيبي

الكفته بقي بجيب لكل نص كيلو لحمه مفروم جزء صغير ليه وبصله مضروبه في الخلاط بملح وفلفل وقطعه عيش فينو نص ربع رغيف(يعني قطعه ضئيله لو معنديش عيش فينو بحط معلقه ونص بقسماط الجيش بيقولك اتصرف)
وبيضه وحته زبده يعني بحط(عيش فينو +بصله متوسطه لكل نص كيلو +ليه او زبده او الاتنين+بيضه لكل نص كيلو +فتفوته من جوزه الطيب يعني يدوبك شعره لانها قويه)
فيه ناس بتضيف خضره انا مبضفش (لكل واحد طريقته) واقلبهم بايدي
بعدبن بجيب مغرفه خشب وامسك ايديها واصبع عليه اصلي مبحبش حكايه الي يصبع بقلم ديه
المهم بصبع وتراعي ان الصابع بيخس شويه لما يستوي عشان كده كبريه شويه وطبعا بحطه فوق صينيه فوقيها فويل فيه ناس بتدهن الفويل بزبده الاول بس انا مبعملش كده لان فيها دهون كفايه هتطلع منه ومش هتلزق اكيد وبعدين كفايه الدهون الي فيه خصوصا الليه تقيله
هنرص ونحط الفرن انا بحطه علي نار متوسطه واسيبه من ساعه لساعه ونص لو مستعجله بعلي الحراره بتستوي في ساعه بس انا بحب الكفته تستوي براحتها وتطلع طريه ممكن لو طلعه مش حمرا تديها وش من فوق دقيقتين علي الشوايه بس عينك عليها
وادي صور الكفته

ودي صور شامله شويه

وطبعا كان فيه سلطه ورز بالشعريه وكان فيه كمان بتنجان محشي
انا ارجوكم عايزه منكم التقييم رجاء متنسونيش يا حلوين مواضيع هذا القسم برعاية

sandra bolok sandra bolok فتكات متميزة Fatakat 922381 cairo – egypt