السلام عليكم يا قمراتى بحبكم والله فالله وحشتونى وجمعه مباركه
طبعا كل الى قرا موضوعى عرف انى كنت عامله حادثه وانى تخنت ال4 كيلو الى كنت خستهم تانى وبقيت 114 وناو خسيت 2 كيلو بقيت 112 انا رحت للدكتوره امبارح وقالتلى هديكى ريجيم يكون حنين شوى عشان الحادثه وفنفس الوقت يخسسك تمام اناهقوكم نظام الريجيم عشان افيدكم وباذن الله يعجبكم يا حبابيبى
قبل الفطور كوبايه مايه +ملعقه كمون مع معصور عليها لمونه وتشربيه عالريق ……وقبل كل وجبه 2 كوبايه مايه واحنا فالصيف اهو فهنشرب كتير مايه غصب عننا عشان بتساعد فالحرق وبتنقى السموم من الجسم …
وجبه الفطور:_
_طبق بليله صغنن زى اطباق المهلبيه او الشوربه + لبن خالى الدسم +ملعقه شاى سكر .
او
_ نصف رغيف عيش + 2 ملعقه فول بدون زيت او سمنه مع كمون مثلا وملح
او
_نصف رغيف عيش+ قطعه جبن خاليه الدسم مقام ملعقه طعام كدا
او
_نصف رغيف + بيضه مسلوقه
الفطار ممكن تاكلى معاه خيار او جرجير او خس بدون ورقه؟
الغذاء:_
_طبق سلطه قليل الطماطم كفايه واحده بس يا حبابيبى عشان احتباس المايه فالجسم الطماطم فيها موالح
+
_2 ملعقه رز او مكرونه او نصف رغيف عيش.
+
_اى خضار نى فى نى
+
_ربع فرخه او 2 قطعه لحمه او 2 سمكه ……….(مسلوق او مشوى ) مقلى لا
العشاء:-
_زبادى+خيار.
او
_طبق سلطه+جبنه خاليه الدسم ملعقه واحده كفايه ملعقه طعام.
او_ فاكهه كفايه متزوديش عن 3 ثنمرات وابعدى عن البلح والتين والمانجو كلى تفاح مشمش بطيخ الحاجات دى
يارب اكون افدتكم يا حبابيبى …..باى باى بقى مووووووووووووووووواه
zekryate zekryate 817828_2.gif فتكات هايلة Fatakat 817828 القاهره – مصر
