الوسم: التاسع؟

طبعا انا ماليش غيركم

امبارح كتبت موضوع هنا وقولت ان انا عاندي مغص بيروح و بيجي وساعات بيبقى مش قادرة استحمله خالص و كان عاندي امتحان امبارح

والبنات ردوا عليا و قالوا انه احتمالي كبير يبقى طلق و لسا بدري على الولاده عشان انا لسا اول مرة اخلف

انا في الاسبوع التاني من الشهر التاسع

و طبعا بروحت للدكتور بعد الامتحان و كان عاندي مغص رهيب و معرفش احل حاجه في الامتحان الحمدلله على كل الحال

كشف عليا نسا و قالي دي مش ولاده دا طلق وهمي و قالي باللغه الشعبيه دي تفاسيح طبعا انا مافهمتش اي حاجه

اهم حاجه بقى اني اطمنت ان البيبي الحمدلله مكتمل الحمدلله و الشكر طبعا لله كنت عايزة اولد قيصري امبارح بس مناما ماوفقتش غصب عني والله يا نبات انا ماكنتش قادرة استحمل الوجع رهيب بجد ربنا يارب يهون علينا جميعا

دلوقتي انا حاسه ان دهري من تحت بيوجعني و رجلي واقفه خالص مش عارفه امشي عليها و المغص خف بس بيروح و يجي

انا مش فاهمه اي حاجه خالص يعني دا بدايه طلق و انا هولد خلال ايام ولا ايه بظبط

ولا لسا قدامي بدري ؟

والولاده القيصري احسن من الطبيعي ولا العكس

انا عارفه اني طولت عليكم بس انا قلقانه اوي خصوصا ان دي اول ولاده ليا و كمان لسا ورايا امتحانات لحد يوم 19 الي جاي ان شاء الله انا مش مهم عاندي الامتحانات بصراحه قد ما مهم اطمن على البيبي عشان دي اول فرحتي بعد 3 سنين جواز

طمنوني يا بنات الي مرت بالتجربة دي تقولي بالله عليكم

انا فى اول يومين فى التاسع وان شاء الله معادى مع الدكتورة اخر الاسبوع ده هكون خلصت اول اسبوع كامل فى االتاسع فا كنت عايزة اسال الخبيرات منكم هل الزيارة الجايه هتكشف عليا نسا ولا لاء؟ عشان اعمل حسابي انتوا فاهمين قصدي . وهل الكشف ده بيوجع فعلا زى ما قريت فى مواضيع الفتوكاات ؟ لانى مرعوووبه منه

مع العلم ان الجنين ولله الحمد نزل الحوض خلاص … ولا امتى بتبقى كشف النسا لما الرحم يتوسع ياترى ولا هتكشف عشان تشوف الحوض ينفع للولاده الطبيعي ولا ضيق؟ وتولدني قيصري؟ قولولى الله يخليكم انا اول حمل ليا وبتحرج اسال ماما جدااااا