المقادير:
صدور فراخ مقطعه شرايح – فلفل الوان مقطع شرايح – وكريمه لبانى – بصل مقطع صغير – فص ثوم كبير مفروم او اتنين صغيرين مفرومين – جنزبيل فرش مبشور (شويه صغيرين ) – ملح وفلفل وبابركا وبهارات فراخ – زيت او سمنه ومعلقتين كبار دقيق مشروم الكميه اللى تحبيها
الطريقه :
نتبل الفراخ بملح وفلفل وبهارات فراخ وبابركا ونسيبهم اقل حاجه ساعه
نجيب طاسه ونحط فيها زيت وسمنه ونحمر الفراخ تاخد لون من كل الجهات نحمرها شويه ب شويه عشان متنزلش مايه
بعد تحمير الفراخ نحطها على جمب
ونحط شويه زيت وننزل بالبصل يدبل وننزل عليه بالتوم والجنزبيل ونقلب وبعدين ننزل بالفلفل الالوان نسيبه شويه يدبل وتتمزج كل الروائح ونقوم نزلين بالمشروم ونقلبه معاهم ونسيبه يدبل وبعدين ننزل بالدجاج اللى ادناله لون ف الاول نقلب ونسيبهم شويه مع بعض وبعدين ننزل بمعلقتين الدقيق نقلبهم في بعض وبعدين ننزل عليهم بالكريمه وشويه صغيره مايه لعمل الصوص ونظبط الملح والفلفل تانى للكريمه
ونقلبهم هيتقلو ونسيهم غلوه واحده سوا ونطفى
وبالهنا والشفا
ممكن ناكلها مع رز ابيض او رز بالكارى او تتعمل سندوتشات تحفه والله مواضيع هذا القسم برعاية
fayrouzah fayrouzah فتكات نشيطة Fatakat 1086902 alexandria – alexandria
