الوسم: الفلفل
السلام عليكم ورحمة الله وبركاته
من مطبخي بالصور الذ لحمه مشويه في الفرن بالبصل والفلفل الاخضر .. 2024.
اللهم صل وسلم وبارك علي سيدنا محمد
ازيكم يافتوكاتي يارب تكونوا بخير
النهارده جايبه لكم اكله سريعه وخفيفه ولذيذه وتنفع في العزومات
وهي لحمه محمره بالبصل والفلفل الاخضر في الفرن
دي شكلها
المكونات
دي اللحمه بتاعتي قطعتها متوسطة الحجم
بصل شرايح
فلفل اخضر شرايح
ملح وفلفل اسود وتوابل لحمه وورق لورو وحبهان باخد اللي فيه
نضيف البصل مع الفلفل الاخضر واللحمه
نقلب كل المكونات مع بعض
انا استخدمت الكيس الحراري للشوي في الفرن
حطيت كل المكونات مع بعض
نعمل فيه فتحه من فوق عشان البخار ونرصه في صينه فرن من عندي
هنا بعد نص ساعه من دخولها الفرن شوفوا لونها اتغير اهو
وهنا شوفوا نزلت كل المايه اللي فيها ازاي
تقريبا ساعتين في الفرن استويت اهي
نعمل فتحه في الكيس عشان تاخد لون وتحمر معاكي
انا كنت مستعجله فضيتها في الصينه تحمر
وهنا وقت التقديم لذيذه وممكن تتاكل مع رز او خبز بيتكون جميله
وده الصوص اللي نزلته اللحمه طعمه رووووعه
انا ساعات بضيف معاها خضار زي بطاطس ان شاء الله هنزلها في موضوع لوحده
يارب موضوعي البسيط ده يكون عجبكم
وعاوزه بقه ردودكم الحلوه والتقييم لو شايفه الموضوع يستاهل
وفي مواضيع كتييييير في توقيعي ان شاء الله تعجبكم
وكل البنات اللي بتسأل عن لو الكيس مش موجود
دي طريقتي وبتكون نفس النتيجه بالظبط
شوفوا ياحبايب قلبي لما مش بيكون عندي الكيس بعملها كده وبتكون نفس النتيجه
تعملي البصل والفلفل واللحمه والتوابل مع بعض كله ونحطهم في حله علي النار ونهدي النار خاااالص كل حاجه هتنزل مايتها وهتستوي فيها ولو احتاجت نزود كوبايه مايه صغيره وهكذا لحد ما تستوي وبعد كده نفضيها في صينيه ونفتح الشوايه عليها عشان تحمر هتكون نفس النتيجه بالظبط
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه
سبحان الله و بحمده
فوائد الفلفل وانواعه 2024.
أكثر من 400 نوع من الفلفل في كافة أنحاء العالم،
وتختلف أنواع الفلفل من ناحية الحجم والشكل واللون والطعم وكذلك درجة الحرارة.
الكثير يتساءل عن الحرارة التي بالفلفل ومامصدرها
والحقيقة ان مصدرها مادة الكابسين
يعتقد البعض عندما يشعر بلذع حرارة الفلفل ان الماء سيقوم بالتخفيف منها
الا انه يزيد من الحرارة وذلك لان لماء يسبب انتشاره على نطاق اوسع
والافضل في هذه الحالة ان تتناول القليل من زيتا الزيتون أو كاس حليب
أو ملعقة عسل لتساهم في التخفيف من الحرقة
الفلفل وفوائده
يتضمن كميات كبيرة من فيتامين (أ)
الذي يساعد على الشفاء من القرحة المعدية، وكلما اشتد احمرار الفلفل زادت كمية فيتامين (أ) فيه.
ينظم ضغط الدم وتقوي نبضات القلب
ايضا بعض انواعه غنيه بفيتامين c
ومن فوائده
يخفض الكوليسترول وينظف جهاز الدورة الدموية ويعالج القرحة
ويخفف من الاحتقان،
يساعد على الهضم،
كما أنه يخفف من آلام التهاب المفاصل والروماتيزم
ويمنع انتشار الأوبئة
فاتح للشهية ولتعزيز إفرازات اللعاب التي تساعد على الهضم
وتخفيض الكوليسترول
تمييع الدم ومنع حدوث الجلطات،
ولذلك فإن سكان والهند لا يعانون من أمراض تجلط الدم
ومع اضافت لبعض النباتات يصبح مضادا حيويا طبيعيا
فعند إضافته للثوم، مثلاُ، فإنه يزيد من فعاليته كمضاد حيوي
كما أنه يقوي من تأثيره ليصبح شبيها بالبنسلين
ويعملان على تخفيض ضغط الدم بسرعة وبشكل آمن
بعض استخدامات الفلفل للمعالجة
لـلانتعاش والحيوية
يساعد تدليك الجلد بالشطة على زيادة ورود الدم وتنشيط الدورة الدموية السطحية
مما يشعر المدلك بالنشاط ويكسب الجلد نضارة وحيوية .
ويستخدم في تحضير هذا الدهان المكونات التالية :
– كمية مناسة من الشطة .
– خل تفاح ( او خل ابيض)…
– ماء ورد ( أو ماء مقطر ).. للتخفيف .
ويكون من الافضل استخدام هذا الدهان دافئاً ولذلك يفضل تدفئة الخل المستخدم
لتسكين ألم الأسنان
ينصح بوضع كمية قليلة من الشطة بمكان الضرس المؤلم.
للذين يشكون من برودة القدم
خلال فترات الشتاء الباردة يمكن التغلب على مشكلة برودة القدمين
بوضع كمية من الشطة داخل الحذاء ( أو الجوارب ) .
لعلاج التهاب الحلق أو اللوزتين
تستخدم الشطة كشراب ( بالطريقة السابقة )
أو تستخدم فى عمل غرغرة للفم ولتحضير الغرغرة،
يضاف حوالي 1/8 ملعقة صغيرة من الشطة لحوالى 1/2 لتر ماء مغلي
وللتغلب على طعم الشطة اللاذع اذا ما أخذت في صورة شراب،
يمكن تناولها بطريقة اخرى وذلك بوضع كمية قليلة من الشطة
داخل قطعة جبن وتؤخذ كأنها حبوب
صوفيا222 صوفيا222 فتكات حبوبة Fatakat 1137114 في ارض الله – في ارض الله
سبحان الله و بحمده
سلطة الفلفل المشوى 2024.
السلام عليكم و رحمة الله و بركاته
كيفكم ؟
ان شاء الله تكونو بألف خير
دي سلطة الفلفل الاحمر المشوى زى سلطة الباذنجان المشوى كدة
يلا بسم الله
المقادير:
3 حبة فلفل أحمر كبى
4 ملعقة كبيرة طحينة
ملح و فلفل
1 ملعقة صغيرة كمون
1 ملعقة كبيرة خل
2 ملعقة كبيرة زيت زيتون
الطريقة :
1. نقوم بشوى الفلفل على البوتجاز او فى الفرن
2. ثم نضعه فى كيس بلاستيك لمدة 5 دقائق
(معلش مصورتش الخطوتين اللى فاتو عشان ماما هى اللى عملتهم)
3. بعد ذلك نقوم بتقشير الفلفل و نقطعه
4. نضعه فى الخلاط الكهربائى
5. و نضع باقى المكونات مع الفلفل فى الخلاط و نخلطهم جيدا
6. ثم نضعه فى الثلاجة لمدة ربع ساعة على الاقل قبل التقديم
7. تقدم و تزين بأوراق الريحان
و بألف هنا
لا تنسوا التقييم
مواضيع هذا القسم برعاية
Saraevo Sarsora Saraevo Sarsora images/avatars/peppers.jpg فتكات متميزة Fatakat 1201776 الاسكندرية – مصر
سبحان الله و بحمده
لنجوينى بصوص الفلفل مع شيش كباب 2024.
ازيكو يا قمرات
النهاردة بقة المنيو 5 نجوم
عندنا لنجوينى بصوص الفلفل مع شيش كباب
ملحوظة اللنجوينى طبعا هى المكرونة الشرايط بس لازم نقول كدة لزوم الشياكة هههه….منيو بقة
نبتدى بالشيش
اللحمة تكون بتلو من وش الفخدة مقطعة قطع صغيرة زى كدة
نتبلها من بالليل ببصل طماطم خل ملح فلفل
تانى يوم ننظفها من التتبيلة ونسيبها تتصفى كويس
نحطها فى الاسياخ ومعاها فلفل وبصل وانا بشويها فى اى حاجة تيفال على البوتجاز مع زيت زيتون
والله بتستوى كويس جدا لانها منقوعة من بالليل وكمان قطعية كويسة
بالشكل دة
وكدةاستوت
نيجى لللنجوينى والعريضة اوى اسمها فيتوتشينى
بسلقها فى مية بتغلى مع ملح
ملحوظة انا مش باغسلها بصفيها كويس واحط شوية زيت واقلب ولا بتعجن ولا حاجة
هى دى
صوص الفلفل جهزته قبل السلق
2فلفل- 1شطة-2 فص ثوم بقشره بشويهم مع زيت
لازم تشقى الفلفل والثوم بالسكينة
اهم
واشيل القشرة الخارجية وبعدين اضربهم فى الخلاط مع نص كوب ماء وربع كوب زيت ومعلقة صغيرة صلصةو3 معالق كبيرة صويا صوص ومكعب مرقة لحم فاين فودز(خطيرة جربوها)
اهم
وارجعهم تانى ع النار يتسبكو شوية
ده منظر الصوص
طلع طعمه رووووعة
نضيفة على المكرونة ساعة التقديم مباشرة ونقلب
ومع الشيش كدة
ايه رأيكم
ودى عشان اجوعكم
ودى عشان تقيموا
يلا اكلتوا وشبعتوا قيموا بقة وماتنسوش
وادعولى ربنا يصلح لى حالى كله ولا يكلنى الى نفسى طرفة عين
سلام يا فتوكات
مواضيع هذا القسم برعاية
ام هاجر و عبد الرحمن ام هاجر و عبد الرحمن images/avatars/peppers.jpg سوبر فتكات Fatakat 423655 دمنهور – مصر
سبحان الله و بحمده
حساء الطماطم مع الفلفل الأخضر 2024.
المقادير:
عبوة حساء طماطم مكثف
ثلاثة أرباع كوب حليب
عبوة فلفل أخضر مقطع
نصف كوب جبن شيدر مبشور
طريقة التحضير:
امزجي الحساء مع الحليب والفلفل جيداً في وعاء صغير، ثم اطهي المزيج مع التقليب على نار متوسطة حتى تتخلله الحرارة، ثم انثري الجبن وقدميه في الحال.
م
ن
ق
و
ل
بحبكم فى الله يا فتوكاتى
مواضيع هذا القسم برعاية
امرأة لكل العصور امرأة لكل العصور 572289_24.gif فتكات ست الكل Fatakat 572289 جنة الله فى الارض – مصر
