الوسم: الشامى
كل سنة وانتو طيبين يا فتوكات
العيش الشامى من مطبخ أم محمد . هتاكلى صوابعك وراه 2024.
العيش الشامى من مطبخ أم محمد . هتاكلى صوابعك وراه
ازيكم يا فتوكات
النهرده جايبالكم طريقه احلى عيش شامى
زى اللى بتستريه من المطاعم و الاطفال كلهم بيحبوه
خصوصا مع سندوتشات الشاورما … ملوش حل
المقادير:
3 كوب دقيق
4 معالق كبيرة زيت
1 معلقه كبيرة خميره
1 معلقه صغيرة سكر
ذرة ملح
نصف كوب لبن
1 بيضه
[COLOR="rgb(255, 0, 255)"]الطريقة:
فى البدايه هتخلطى 3 كوبايات دقيق مع معلقة الخميره و السكر و الملح
يعنى المكونات الجافه كلها اخطليها مع بعض
و بعدين هتحطى على الخليط ده الزيت و اللبن و البيض
و تقلبى كويس يا فتوكه لحد ما العجينه تبقى لينه
مش عاوزه العجينه تبقى ناشفه متكسفونيش
و بعين سيبى العجينه تخمر ربع ساعه
مش كتير علشان مش تنشف
بعد كده تقطعى العجينه دواير صغيره و تحطيها على لوح عليه دقيق
طبعا علشان متلزقش
و تمسكى كل دايره منهم و تفرديها بالنشابه كويس تخليها رقيقه
و تولعى النار هاديه على الطاسه فاضيه
(يعنى من غير زيت فااضيه)
و تبداى تحطى العيش اللى فردتيه على الطاسه
و باين فى الصور المراحل على الطاسه
هتلاقيه بيتنفخ و يحمر
كل رغيف مش هياخد دقيقتين
و لما تطلعيه غطيه علشان مش ينشف
و بالف هنا و شفا
كولى و ادعيلى
و اى استفسار انا معاكم باذن الله
يلا هسيبكم مع الصور بالخطوات على النار لحد مااستوى
[/color] مواضيع هذا القسم برعاية
الفتوكه أم محمد الفتوكه أم محمد فتكات متميزة Fatakat 748531 مصر – مصر
سبحان الله و بحمده
َََالكبيبة الشامى على اصولها من مطبخى رووووعةِِِ 2024.
صليتوا على النبى النهاردة
اللهم صلى وبارك عليك ياسيدى يارسول الله
اهلا بيكم حبيباتى اليوم جايبة لكم طبق لذيذذذذذذذذذذذذ جدااااااااااااااااااا
ومن الشام اليكم مباشرة الطريقة( السورية) بحزافرهاوسر صنعتها اللى هانعرفة فى الطريقة ان شاء الله وطعم خرافة
ومش عايزة اقولكم على لونها الذهبى الجميييييل بعد التحمير تحفة
وعملت معاها شوربة خضار بلحمة بتلو وكلو سلو وشيبسى
وااااااااااووووووووووووووو
نييجى بقى للمقادير
كيلو ونص لحمة مفرومة
نص كيلو برغل( الضحى) نضيف جداااااا
بهارات مخصوصة للكبيبة الشامى(2 ملعقة كبيرة)
ملح وفلفل اسود
2 بصلة كبيرة
2 ملعقة زيت زيتون
شوية عين جمل مقشر طبعا او صنوبر
ملعقة نشا+ربع كوب ماء
ورق زبدة
زيت للتحمير
وممكن تقللى الكميه دى حسب عدد افراد الاسرة وممكن تعينى منها فى الفريزر بعد ماتحشيها وتبقى على التحمير مباشرة .
نغسل البرغل كويس جدا وننقعة لمده ربع ساعة ثم نصفيه من الماء كويس جدا ونعصره كمان بايدينا ونفرمة فى المفرمة او فى الكبة مع بصلة واقل من( نصف كيلو لحمة) لان احنا اهم حاجة عندناالحشو يكون كتير(وده سر الكبيبة الشامى الناجحة)عشان كده هاناخد جزء صغير من اللحمة للعجينة والباقى هانعصجة للحشو
ونرجع نفرمهم كمان مرةونضيف الملح والفلفل والتوابل ونعجنها كويس قوى
وهانلاحظ انها عجينة حلوة ومتماسكة
ثم نعصج اللحمة الباقية نشوح البصلة فى 2 م زيت زيتون ثم نضع اللحمة وملح وفلفل وشوية من البهارات وتترك حتى السوى وتنشف بعد ماأطفى عليها اكسر العين الجمل بايدى واضعه عليها والخبطه عليها وابتدى الحشو
أجهز طبق فيه النشاوادوبه بالماء
وابل ايدى فيها عشان اقدر اشكل العجينة واخدها على صباعى والفها كانى باقور بدنجانه بالشكل ده
ثم احشيها باللحمة المعصجة واقفلها بحيث تكون بالشكل ده
وافرد ورقة زبده فى صينية واضع فيها الكبيبة
وبعد ماتخلص كل الكمية بالشكل ده اتركها شوية فى التلاجة
ثم احمرها فى زيت غزير واطلعه على مناديل مطبخ حتى يمتص الزيت
وده الشكل النهائى قولولى رأيكم ياأجمل فتوكات
دى بقى الوجبة بعد ماكتملت اتفضلى معانا
مواضيع هذا القسم برعاية
بناتى وجوزى كل حياتى بناتى وجوزى كل حياتى 482905_22.gif سوبر فتكات Fatakat 482905 مدينة احن زوج فى العالم – مصر
سبحان الله و بحمده
يا جماعه عايزه طريقه العيش الشامى 2024.
كان فى حد عمل العيش الشامى يا ترى مييييين وشوفته بالصور تحفه لو سمحتم اللى عملته تتفضل تبعتلى الطريقه
مواضيع هذا القسم برعاية
منتقبة حديثا منتقبة حديثا images/avatars/sunset.jpg ملكة فتكات Fatakat 559472 السويس – مصر
سبحان الله و بحمده
عاوزة طريقة الكبيبة الشامى 2024.
السلام عليكم ورحمه الله وبركاته
ازيكم يااحلى فتوكات فى الدنيا
يارب تكونو كلكم بخير
بصو بقى
انا نفسى اعمل الكببيبة الشامى اللى هيا لونها بنى
معلش انا باكلها بس معرفش اعملها
المهم انا جبت طمن كيلو برغل قولت الاول اجرب
فى حبة صغيرين
وعاوزة اعرف اعمل اية بقى الباقى
معلش ياجماعة اختكلم جاهلة فى الحاجات دى
ونفسى اكلها اوى
بالله عليكم ماتكسفونيش مواضيع هذا القسم برعاية
ايمى الروشة ايمى الروشة 128762_1.gif سوبر فتكات Fatakat 128762 الاسكندرية – مصر
سبحان الله و بحمده
العيش الشامى والفينو لعيونكم 2024.
طريقة عمل العيش الشامى
المقادير: 1_ كيلو دقيق
2_ 2كوب ماء + نص كوب ماء دائ مذاب فيه 2م ك خميرة
3_ كوب لبن بودرة
4_ م ص ملح
5_ نصف كوب دقيق درة التحضير: تذاب الخميرة + معلقه صغيرة سكر + نصف كوب الماء
وتحضر باقى المكونات الطبخ: 1_ تضلف الخميرة الى الدقيق ةتعجن جيدا وتترك تخمر لمدة ساعه
2_بعد التخمير يكور العيش الى 20 كورة متوسطه حجمةكورة البنج بونج
3_ يفرد قرص العجين حجم الرغيف العادى
4_ يدخل الفرن الحامى لمدة دقيقه الى ان ينتفخ ويقلب على الوجه التانى
5_ يترك العيش لتهويه ثم يعبأ بالاكياس ملاحظات: اهم شئ عجن العجينه جيدا وتكون طريه
يقفل الفرن فور وضع الرغيف لمدة لاتقا عن دقيقه
عدم ترك العيش بعد الخبز فترة طويله دون التغطيه
العيش ده سماكته اكثر من العيش اللبنانى المعالجة: لتجنب طراوة العجينه اكتر من اللازم وضع المياة بكميات ضئيله حتى تحصلى على الليونه المطلوبه .gif)
طريقة عمل العيشو الفينو
المقادير: 1_ كيلو ونص دقيق
2_فنجان ونص زيت
3_2 م ك خميرة فوريه + ربع كوب سكر
+ م ص ملح
4_ ماء للعجن
التحضير: تعجن المقادير جيدا
تترك تخمر لمدة ساعه
بعد الخمير تكور وتترك ترتاح 5 دقائق
تفرد قرص العجين على شكل دائرة ثم تلف الدائرة على شكل الفينو الطبخ: تخبز فى فرن 180 درجه لمدة عشر دقائق
فور خروج الفينو يغطى بفوطه نظيفه
ملاحظات: يجب عند تشغيل الفرن يكون على نار عاليه لمدة عشر دقائق ثم تهدى النار الى 180 مواضيع هذا القسم برعاية
نـــوال نـــوال 168662_1.gif فتكات رائعة Fatakat 168662 المنصورة – مصر
