الوسم: الجميله

شدني جدا موضوع كلمه وحده تقلب حياتك وتخليكي مشهوره في العالم كلو:وشدني اسالتها

نفسك تغيري نفسك ومش عارفه؟
عندك طاقة كبيره تغيري بيها حياتك ومش عارفه تبداي منين؟
نفسك تبداي حاجات كتير وخايفه تفشلي؟
انا نفسي؛انا احلامي:
برواز كبيييييييييييييييييير قوي معلقاه على جدران حياتك.
بتتفرجي عليه من بعيد قوي
وتقولي
لا مش انا ؟
مقدرش
مش بتاعتي
مش امكانياتي
انا قدراتي محدوده …………….لالالالا مش محدوده
انتي انسانه ربنا ميزك على جميع الخلق.سجد لادم الملائكه ربنا خلقك بايده وقالك مهمتك اعمار الارض .عمريها بافكارك جمليهااملايها ايمان ونور من شرقها لغربها…وهتقدري باذن الله.
مين ده؟؟؟؟؟؟؟؟؟؟
انا…؟
بتتكلمي عني؟ايوه انتي وهيه وانا قبل منكم
خساره بروزاز رائع بس حبيس قفص كئييييييييييييب قوي.انتي كده سعيده؟؟؟؟؟؟؟؟؟سعيده وانتي احلامك وطموحك وعمرك حبيس قفص سواء كان القفص بتاعك ده افكارك او مشاعرك او تصورك.
بصي لنفسك من الوقتي حياتك مسئوليتك.
حياتك مسئوليتك
الرسول قال من خاف ادلج .ومن ادلج بلغ المنزل الا ان سلعة الله غاليه الا ان سلعة الله الجنه)
الجنه جنة الدنيا او الاخره علشان تدخليها….لازم تبادري تبداي
قرري انك تخرجي احلامك من يروازها الجميل اكسري القفص وانطلقي على جناح احلامك للمكان اللي انتي شفتيه حلمتي بيه حسيتيه.
هتتعبي ……..طبعا…..بس هتستمتعي هتعيشي هتحسي بقيمتك.
متفهمنيش غلط مش شرط بس انك تخرجي تشتغلي خلي اولادك علماء وزراء اكبر دعاه انجحي واتعلمي وسمعي التاريخ اسمك.
ليه في ناس اتكتبوا في التاريخ وناس لا….ايه رايك تبقي منهم
متقوليش لا ….لله ابقي منهم رد جميل للرسول ابقي منهم .

واخر كلمه قالهالي الفقي الله يرحمه قبل موته ب3 ايام .
لما سالته احقق ذاتي ولا لما ربنا يشاء اكون زوجه وام ناجحه قاللي الاتنين.الانسان طاقته كبيره ويقدر ينجح في اكتر من شئ ولازم يكون في توازن.

ادعمي زوجك يكون اشرف وانجح راجل في مجاله.
كوني مصدر سعاده وقوه للجميع اسعدي نفسك لان اللي مش سعيد عمره ما هيسعد حد.
ويارب نكون من المصلحين يارب ومن السعداء.
ولو داعيه في مدونة
معلمة انجلش او كومبيوتر على النت ممتازه او او او…………لكي الخيار بس لازم التميز
الكلام ده لنفسي قبل منك
اما عرش او قبر كلمه قالها محمد الفاتح يانول الهدف اللي عاوزينه يانموت دونه شهداء .
مبنقولش نموت لا نبادر ونتحمل مسئولية حياه ناجحه باذن الله.
بقلمي واللي تاخده امانه باسمي

نور الهدى2016 نور الهدى2016 سوبر فتكات Fatakat 495762 المنصوره – مصر

ملاحظات: يمكن التغاضي عن زيت الزيتون
مواضيع هذا القسم برعاية

Fatoka Noure Fatoka Noure 569664_58.gif فتكات ست الكل Fatakat 569664 ♥في دنيا الله الواسعه♥ – ♥في قلب جوزي حبيبي نور عيوني♥

وبالهنا والشفا

صينيه البطاطس:

عاديه جدا بس عشان تدى اللون الحلو ده حطيت معلقه كبيره ونص صلصه واستخدمت طماطمايه واحده في الخلاط
عشان التوفير
وكمان سر قالتهولى خالتى انى احط التوم في اى طبخه بعملها في الخلاط مع الطماطم وبيطلع هايل
يعنى مش هتحطيه في الصينيه صحيح
وبالهنا والشفا

الجلاش باللحمه المفرومه :
وده جااااااااااااااااامد اخر حاجه
قبل ما ارصه في الطبق لسه خارج طااااااازه بينادى للاكيله

ولما حطيته بشكل حلو في الطبق عشان اقدمه

شربه الخضار:
طبعا بشربه لحمه كانت عندى والخضار كان من انبارح وفر عليا وقت طبعا

ودى لما اتعملت

السبانخ:

وبرده كانت بطماطمايه واحدهومعلقتين صلصه كبار طبعا مخدتش وقت في التسبيك وكان لونها غامق وطعمها خرافه
وكانت الكميه نص كيس لانها كانت كياس ماشي
الارز الابيض:

والحلو كان فاكهه والعصير لانى ملحقتش اعمل حاجه
من بنتى بقي الله يخليهالى

ان عجبتكم متنسوش التقييييييييييييييييم

بحبكم يا فتوكات مواضيع هذا القسم برعاية

شاعره مصريه شاعره مصريه 331740_6.gif سوبر فتكات Fatakat 331740 الاسماعيليه – الرياض ومصر

ودى صور التوابل والبصل والطماطم والتوم

والصورة دى بعد ماقطعت الطماطم زى السلطه وبشرت البصل
وخلطتهم ببعض مع التوابل لغايه ما نزلو ميتهم

وبعدين نحط الفراخ فى الخلطه ونقلبها كويس اوى فيها
ونزودها شويه ميا نص كبايه تقريبا ومعلقتين سمنه على وش الفراخ ونرفهعا شويه على البوتاجاز من فوق تغلى غلوه زى دى

وبعدين ندخلها الفرن وبعد ماتتحمر نقلبها على الوش التانى علشان يتحمر
ودى بعد ما طلعت

ودى صورة الاكل كله

والى يعجبها الطريقه تدينى رد كويس مواضيع هذا القسم برعاية

رنوشتى رنوشتى 653360_1.gif فتكات نشيطة Fatakat 653360 دمنهور – البحيرة

إزيكم / عساكم طيبين
انا اتفرجت على الموضوع ده فى قناه
بوليوود الهندية وقلت اكتبه عسى ان ينفعكوا ويا ريب
منكنش مقصرين

الممثلات الثلاثه الهنديات
كارينا كابور
بريانكا تشوبرا
بالاضافة الى الممثله الرائعه
كاترين

كارينا كابور تقول ان مصمم ازيائها يصعب عليه تفصيل ملابسها بسبب تجدد كل يوم فى رشاقتها

بريانكا تشوبرا تقول ان رشاقتى هى سر جمالى
وهذا ما جعلنى ملكة جمال العالم الهندى

الممثلة كاترين تقول ان رشاقتى هو السر الذى جعلنى ممثله وملكة من ملكات بوليوود وايضا سر نضارة بشرتى

بنات لو عايزين تعرفوا السر
تابعوا معى
يــــــــــــتـــــــــــبــــــــــــــــــع

الورده الجميله الورده الجميله 43525_2.gif فتكات رائعة Fatakat 43525 طنطا – مصر

• 1/4 كيلو طماطم مقطعة قطعاً صغيرة
• 1 كوب ميه
• 1/2 كوب سكر
• مكعبات ثلج
الطريقة:-

اخلطي كل المكونات دي مع بعضها، واضربيها في الخلاط، وبعد كده صفيها بالمصفاة، وصبيها في كوبايات العصير.
طبق الشوربة
شوربة القرنبيط بالكريمة

المقادير:-

• قرنبيط مقطع إلى قطع صغيرة
• 2 بصل أخضر مقطع حلقات
• مكعب مرقة دجاج مذاب في كوب كبيرة مية أو 3 أكواب شوربة فراخ أو لحمة
• 1كوب زبادي
• 4 معالق كبيرة كريمة لباني
• معلقة كبيرة زيت ذرة
• ملح و فلفل وكمون
• بقدونس "للتزيين"
الطريقة:-

1. حمري البصل فى الزيت لغاية ما لونه يبقي ذهبي، وبعد كده ضيفي إليه القرنبيط وشوّحيه معاه على النار لمدة خمس دقائق.
2. بعد مرور الخمس دقائق ضيفي إليه الشوربة والملح والفلفل والكمون، وسيبه على نار هادية لمدة ربع ساعة لغاية ما القرنبيط يستوي بعد ما تلاقي إن القرنبيط استوى اطفي البوتجاز، وسيبه علشان يبرد.
3. بعد ما يبرد اضربيه في الخلاط لغاية ما ينعم، وبعد كده ضيفي إليه الكريمة والزبادي، واضربيهم مع بعض مرة كمان.
4. بعد ما ضربتيهم مع بعض حطي الشوربة في حلة وحطيها علي النار لغاية ما تغلي، وضيفي إليها الملح والفلفل وشويه ميه لو كانت الشوربة سميكة، وبعد كده حطيها في طبق الشوربة.

طبق السلطة
سلاطة التبولة
المقادير:-

• 3/4 كوب برغل ناعم
• حزمة بقدونس كبيرة
• أوراق نعناع أخضر أو نعناع مجفف
• 4 حبات طماطم
• 2 حبة بصلة
• أوراق خس
• 1/2 كوب زيت زيتون
• 1/2 كوب عصير ليمون
• ملح وفلفل

الطريقة:-
1. اغسلي البرغل كويس كذا مرة، وبعد كده انقعيه لمدة نص ساعة، وصفيه من المية اللي فيه، وضيفي إليه عصير نص ليمونة.
2. اغسلي النعناع والبقدونس وقطعيهم قطعاً صغيرة جداً.
3. اغسلي الطماطم وقطعيها قطعاً صغيرة.

4. هاتي البصل وقطعيه قطعاً صغيرة جداً، وبعد كده ضيفي إليه الملح والفلفل وقلبيهم بالبصل كويس.

5. خلطي البقدونس والنعناع والطماطم والبصل والبرغل. وضيفي إليهم عصير ليمونة وزيت الزيتون ولتجميل طبق السلطة ترصي على الأطراف أوراق الخس.

الطبق الرئيسي
كفتة داود باشا

المقادير:-

• 1/2 كيلو لحمة مفروم
• بصلة كبيرة مبشور
• 4-5 حبات طماطم
• 1 معلقة كبيرة معجون طماطم
• 1/2 كوب زيت عباد الشمس
• رشة بهارات
• معلقة صغيرة قرفة
• معلقة صغيرة ملح وفلفل
الطريقة:-
1. اخلطي البصل المبشور مع الملح والفلفل والبهارات والقرفة، وبعد كده ضيفي إليهم اللحمة المفرومة وقلبيهم مع بعض كويس، واعملي اللحمة دي على شكل كرات صغيرة في حجم كرة البنج بونج.
2. هاتي طاسة وحطي فيها شوية زيت وسخني الزيت كويس على النار، بعد كده حمري الكفتة في الزيت من جميع الجوانب لمدة 3-4 دقائق. أو ممكن إنك تحطيها في الفرن لغاية ما تستوي.
3. بعد ما تخلصي تحمير الكفتة هاتي الطماطم واضربيها في الخلاط.
4. بعد كده هاتي حلة وحطي فيها حوالي خمس معالق كبار زيت، بعد كده حطي البصلة المفرومة وقلبي كويس لغاية ما لون البصلة يبقى أصفر.
5. ضيفي عصير الطماطم اللي إنتِ عملتيه، وبعد كده ضيفي إليهم معجون الطماطم والملح والفلفل، وسيبيهم على النار لمدة ربع ساعة، وبعد كده ضيفي الكفتة، وسيبيها لمدة ربع ساعة، بعد كده حطيها في طبق التقديم، وممكن معاها تعملي طبق مكرونة بيضاء أو رز أبيض.

طبق الحلو
فطيرة بالمكسرات والفواكه المجففة

المقادير:-

• 2 كوب دقيق
• كوب كبير زبد مقطع
• 1/2 كوب سكر
• 1 معلقة كبيرة سكر بني
• 2 بيضة
• 2 صفار البيض
• 2 معلقة صغيرة عصير ليمون
• كوب تين مجفف أو قراصيا مقطعة
• 2معلقة كبيرة زبيب
• 2معلقة كبيرة عصير برتقال
• 1معلقة كبيرة قشر برتقال مبشور
• 1معلقة كبيرة مربى تين أو برتقال
• 2معلقة كبيرة عين جمل وجوز
• 1/2 كوب لوز
• 1معلقة صغيرة قرفة
الطريقة:-

1. حطي الدقيق في طبق كبير، وضيفي إليه قطع الزبد واخلطيهم ببعض بإيدك، وبعد كده ضيفي إليهم البيض، والسكر، وصفار بيضة. وقلبيهم مع بعض كويس، وبعد كده ضيفي إليهم عصير الليمون واعجنيهم بإيدك بعد ما تتأكدي إن الخليط ده بقى عجينة متجانسة غطيها بغطاء بلاستيك وحطيها في التلاجة لمدة نص ساعة.
2. حطي التين أو القراصيا في كوباية كبيرة فيها مية مغلية وغطيها لمدة 15 دقيقة، وبعد كده صفيها من المية وقطعيهم لقطع صغيرة. حمصي اللوز وعين الجمل وافرميهم.
3. اخلطي الزبيب، والتين، وعصير البرتقال، وقشر البرتقال، واللوز وعين الجمل، والقرفة والمربى مع بعض.

4. طلعي العجينة من التلاجة وافرديها على سطح مغطى بشوية دقيق؛ بحيث يكون سمكها 1/2 سم. وبعد كده قطعيها إلى دوائر باستخدام فتحة كوباية مستديرة.
5. حطي معلقة صغيرة من الحشو في منتصف كل دائرة. واضغطي على الحواف كويس بإيدك علشان تلزق وتقفل كويس.

6. سخني الفرن على درجة حرارة 180 درجة مئوية. وادهني صينية الفرن بالزبد، ورصي عليها الفطائر. ادهني سطح الفطائر بصفار البيض ورشي فوقها السكر البني، ورصيها في صينية ودخليها الفرن لمدة نص ساعة أو لغاية ما وشها يبقى أحمر وخرجيها مواضيع هذا القسم برعاية

بغير عليك بغير عليك 42670_6.gif فتكات هايلة Fatakat 42670 القاهرة – مصر