انا عزمت اصحابي تاني يوم العيد
والمنيو عباره عن
رز بصدور الفراخ
جلاش باللحمه
شيش طاووق
لسان عصفور
بيتزا
سمبوسه بالجبنه
صورة السفره احنا كنا اربع افراد
نقول بقي طريقه حاجه حاجه
الرز بالصدور كنت شوفته من فتكوكه هنا جزاها الله كل خير وهيا كوين ام ام
وبجد طلع تححححفه
هتجيبوا ربع دورك خلاط طماطم وتجيبوا الحله تحطوا شويه زيت وبعدين ربع دورق الطماطم ونحط الصدور المتقطعه حتت صغيرة خااالص نحطها في الحله ونزودها مايه علشان نسلق فيها الرز
ونحط البهارات بتاعتنا كركم وبهارات الكبسه ورق الالاورا والحبهان والقرنفل
ونحط الرز بقي يغلي وبعدين نوطي خااالص عليه لحد مايستوي
وبس كده والي عنده اي اضافات يحطها عليه زي الزتون او فلفل اخضر اي حاجه تحبوها وبس كده
نيجي للصدور بالباشميل
هتجيبي شرايح البانيه عادي وتفرديها وتحشيها اي حاجه انتي عاوزاها انا بحب احشيها رز بالبهار بجيب شويت رز واشوحهم في زيت وعلشهم بصلايه وملح وفلفل اسود وكمون وازودهم شويه مايه وابعد احشي بقي والف البانيه واكون مجهزة باشميل ابيض شويه صغيرة خالص اروح جايبه القالب احط فيه طبقه باشميل ابيض وارص فيه الصدور المحشيه ولما اخلص رص احط فوقه طبقه باشميل واغلف القالب بالفويل وادخله الفرن ولما يستوي اديله لون بالشوايه طعمه خررررررافه وبس كده
الشيش طاووق
هتجيبي الصدور وتقطعيها مكعبات وتعملي خلطه ببصلايه وطماطميه وكل البهارات الي عندك وعلبه زبادي وتحطيهم ع الصدور تتبل وبعدين هتيجيبي الخله وتحطي قطعه من الصدور وراها طماطم وبصل وبعدين قطعه صدور وترصيهم في صنيه معاها نص كوبايه مايه وتدخليها الفرن تستوي وبالهنا والشفاء
وعملت البيتزا بالطريقه الي عارفنها كلنا
والسمبوسه جيبتها جاهزة وحشيتها جبنه بالزتون وعليها جبنه رومي مبشورة وحشيتها وقليتها
وعملت جلاش باللحمه هتجيبي اللفه وتقطعيها وانا لفيتها رووول وحطيت فيها اللحمه ولفتها ورصيتها دخلتها عشر دقائق واخرجها احطلها كوبايه لبن ع بيضايه وعليه ملح وفلفل اسود وادخلهم تاني 10 دقائق واديله لون وخلاص
ادعولي ربنا يجمعني بخطيبي علي خير
بحبكم في الله مواضيع هذا القسم برعاية
اسماء حبيبة مصطفي اسماء حبيبة مصطفي 470218_4.gif فتكات رائعة Fatakat 470218 مع حبيبي 🙂 – مالكوش دعوه 🙁
