السلام عليكم ورحمه الله وبركاته
طبعا كلنا بنخاف من العزومات وانا اكتر واحده ومصدقت اتجوزت بره مصر واترحمت
وبردو جت العزومه لغايه عندى واحد قريبي جه عندى في شغل وطبعا جوزى عزمه
حطيت ايدي على قلبي وقلت ااااااااااه العزومه هتتنقل لمصر كلها من اصغرها لاكبرها ههههههه
وقلت ساعتها هعمل ايه
لكن ربنا سترها الحمد لله وجوزى مصدقش بصراحه الاكل وشياكته في التقديم وطعمه التحفه الحمد لله لدرجه انى بطنه وجعته من الاكل
وقالى متبقيش تعملى اكل حلو تانى هههههههههههه
هقولكو عملت ايه بقي "
من بالليل قطعت الخضار بتاع شربه الخضار وعصرت عليه نص ليمونه عشان يحفظ نفسه وفي التلاجه عدل وطبعا لو هتعملى الحلو من بالليل
والسبانخ عملتها كمان من بالليل وحطيتها في التلاجه بحلتها
والصبح بقي كملت وى العزومه اهه
الفراخ المشويه :
سلقت الفراخ عادى وبعد ما اتسلقت رحت واخداها ومقطعها وحطيتها في صينيه بس ليها غطى وتحت الشوايه عدل
وبعد ما خدت اللون الجميل رحت قفله الشوايه وحطيت حته فحم في النص وقفلت الغطى وسيبتها ماشى
وبالهنا والشفا
صينيه البطاطس:
عاديه جدا بس عشان تدى اللون الحلو ده حطيت معلقه كبيره ونص صلصه واستخدمت طماطمايه واحده في الخلاط
عشان التوفير
وكمان سر قالتهولى خالتى انى احط التوم في اى طبخه بعملها في الخلاط مع الطماطم وبيطلع هايل
يعنى مش هتحطيه في الصينيه صحيح
وبالهنا والشفا
الجلاش باللحمه المفرومه :
وده جااااااااااااااااامد اخر حاجه
قبل ما ارصه في الطبق لسه خارج طااااااازه بينادى للاكيله
ولما حطيته بشكل حلو في الطبق عشان اقدمه
شربه الخضار:
طبعا بشربه لحمه كانت عندى والخضار كان من انبارح وفر عليا وقت طبعا
ودى لما اتعملت
السبانخ:
وبرده كانت بطماطمايه واحدهومعلقتين صلصه كبار طبعا مخدتش وقت في التسبيك وكان لونها غامق وطعمها خرافه
وكانت الكميه نص كيس لانها كانت كياس ماشي
الارز الابيض:
والحلو كان فاكهه والعصير لانى ملحقتش اعمل حاجه
من بنتى بقي الله يخليهالى
ان عجبتكم متنسوش التقييييييييييييييييم
بحبكم يا فتوكات مواضيع هذا القسم برعاية
شاعره مصريه شاعره مصريه 331740_6.gif سوبر فتكات Fatakat 331740 الاسماعيليه – الرياض ومصر
