الوسم: التوفير

مشاركتي اللي فوزت فيها بالمركز التاني في مسابقة وجبة التوفير من فتكات : ) 2024.

السلام عليكم ورحمه الله وبركاته

ازيكم يا فتوكات يا قمرات

ان شاء الله دايما بخير ومبسوطات

هوريكو انهارده شوية حاجات

اولها القرنبيط بالجبنة

1. قطعي قرنبيطة زهرات واسلقيها مع كمون وملح وصفيها ورصيها في صينية فرن

2. اضربي في الخلاط كوباية جبنة مشكلة( انا حطيت مثلثات وبيضة ورومي) + علبة زبادي + نص كوباية لبن + معلقة زبدة كبيرة + بصلة خضراء + نص حزمة كسبرة (ودي اختياري ومن غيرها النتيجة بتبقى تحفة برده)

و ده شكلها بعد الضرب

3. حمري معلقتين دقيق كبار في الزيت ونزلي عليهم صوص الجبنة لحد ما توصلي للقوام اللي تحبيه وظبطي الملح والفلفل

4. صبي صوص الجبنة على القرنبيط ورشي عليه جبنة رومي ودخليه الفرن وتابعيه لانه ممكن يحتاج تحطيله شوية لبن

وده شكله لما طلع

5. قدميه مع رز اصفر ( ماء ومرقة و كركم حسب كمية الرز )، او مع عيش

صورة تانية

وطبعا يا بنات اللي تحب تضاعف كمية الصوص ممكن تضاعفه زي ماهي عايزة
وبالهنا والشفا

الطبق التاني يا قمرات هو البيضة في العشة : )

1. اسلقي 2 ك بطاطس وقشريهم واهرسيهم

2. اسلقي كمية البيض اللي تحبيها( مقدار البطاطس ده يكفي 7 اة 8 بيضات )

3. في حلة صغيرة دفي نص كوباية لبن مع مرقاية وفلفل اسود وحته زبده

4. قلبي اللبن ده مع البطاطس المهروسه بالتدريج وضيفي بيضة و قلبي كويس

5. غطي كل بيضة بالبطاطس كويس

بعدين بالدقيق

ثم البيض

و اخيرا البقسماط

6. حمري البيضة الضخمة في الزيت من كل الجوانب وطلعيها ووخليها تستني لحد ما نجهز لها العشة : )

مواضيع هذا القسم برعاية

basmalah_s basmalah_s فتكات رائعة Fatakat 550888 القاهرة – مصر

سبحان الله و بحمده

*كسلانه وبتحبى التوفير ؟؟؟؟ ليكى عندى اختراعين هاتبوسينى عليهم لاى دش بارتى 2024.

ازيكو يا فتوكاتى الاعزاء
انهارده جايبلكم طريقتين سهلين جدا وطعمهم روعة
واحدة حلوة والتانيه حادقه عملتهم لما كنت معزومة فى دش بارتى يوم رأس السنه

هاتقولوا لى طب وايه يعنى !!!!!!!!!!!! ما جبتيش الديب من ديله يا فالحه

هاضحك واقولكم نووووووووووووووووو الطرقتين سهلين ومش مكلفين ومش بياخدوا وقت عشان الناس الكسلانه زى حلاتى

خلاص خلاص ما تزوقيش منك ليها هاقول اهوه

الاختراع الاول (طبعا مش اختراعى ) سلاطة مكرونة بالتونه
عارفة انكم عارفينها بس هاكتبها عشان اللى مش عارفاها (رخامة بقى )

الاختراع التانى (اختراعى )
زبادى بالفواكه والشيكولاته

دى شكل العلب بعد ما عملتهم واخدتهم معايا
لو عاوزين اقول على الطريقه

حالا هاكتب المقادير اللى ما تعبتش فيها بشلن

معلش المقادير فى الصفحه الاول والتانيه غصب عنى والله
الواد ابنى القرد خلانى دوست على الزرار غلط ونزل الموضوع على تلات حتت
هاتتعبوا معايا حبة صغننه …. بس مش هاتتعبوا فى تحضير الطريقتين خالص
اوعدكوا
واللى تجرب تيجى تقولى تعبت ولا ما تعبتش
وتقولى ايه اخبار الطعم ؟؟؟؟؟
مواضيع هذا القسم برعاية

i can do it i can do it 237211_2.gif فتكات رائعة Fatakat 237211 القاهره – مصر

سبحان الله و بحمده

(لبن رايب …. و زبادى ….. و زبادو )ببساطة شديدة ومنتهى التوفير 2024.

السلام عليكم ورحمة الله وبركاتة

انا جيت النهاردة اقولكم على اسهل واوفر الطرق لتصنيع اللبن الرايب والزبادى وكمااااااااااان الزبادو
اولا / اللبن الرايب
هتحتاجى كيلو لبن + 1/4 م ملح +كوب زبادى

هتغلى اللبن وتسبية لحد م يدفى شوية وبعدين تضيفى علية الملح وكوب الزبادى وتقلبيهم كويس
تسبيهم ف مكان دافئ لمدة 6 ساعات متواصلة
تضربيهم ف الخلاط وتحفظية ف الثلاجة وكدة بقى عندك الذ لبن رايب

ثانيا /الزبادى
اول حاجة هتشغلى الفرن يسخن
لازم يكون اللبن سبق غلية هتدفية وتضربى كوباية زبادى كويس وتضفيها علية وتصبية ف الكوبايات وترصيها ف صينية الفرن
وتدخلى الصينية داخل الفرن وتطفى النار وتسبية لحد م يتخمر

ف طريقة تانية للاعداد
انك تصبى اللبن ف الكوبيات وبعدين تضربى الزبادى كويس وتضيفى معلقة لكل كوباية لبن ( لكن الطريقة الاولى اسرع كتير )

ثالثا / الزبادوووووووووو

4 كوبيات زبادى + 6 مكعبات ثلج +ك سكر + 1/2 كيلو فاكهة حسب الرغبة ( خوخ – مانجو – فراولة – جوافة )
هتخلطى المكونات كلها وتضربيهم ف الخلاط وهتلاقى عندك احلى زبادو انا جربت الفراولة والجوافة والاثنين تحفة

******** لما تعملى زبادى ابقى شيلى علبة كدة على جنب استخدميها خميرة للزبادى مرة تانية

ويارب اللى يعجبها الموضوع ومتسجليش حضورها بدعوة حلوة تفتح نفسى يروب منها اللبن
وتقول ذنب الغلبانة اللى معبرتهاش

ولا اقولكم …….. اللة يسامحها وخلاص الطيب احسن
ويارب تعملوا احلى واطعم حاجة دايما

مواضيع هذا القسم برعاية

فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt

سبحان الله و بحمده

مناقشة طريقة عمل وجبة التوفير (القرنبيط بالجبنة) 2024.

طريقة عمل وجبة التوفير (القرنبيط بالجبنة)
تمت اضافة وصفة طبخ جديدة في موقع مطبخ فتكات ، و يمكنك مشاهدتها من هنا:
وجبة التوفير (القرنبيط بالجبنة)
اذا كان لديك تعليق او استفسار او ملاحظات فيمكنك كتابتها هنا في هذا الموضوع .
الجميع في انتظار مشاركاتك! مواضيع هذا القسم برعاية

basmalah_s basmalah_s فتكات رائعة Fatakat 550888 القاهرة – مصر

سبحان الله و بحمده

كوردون بلو مع المكرونة بالالوان الطبيعية من التوفير بالصور 2024.

بسم الله الرحمن الرحيم
الكوردون بلو
فراخ فيليه
خل
ملح
فلفل اسود
بصل بودرة
توم بودرة
لانشون حلوانى
جبنة فلمنك كانت متبقية عندى وشيلاها فى الفريزر
جبنة موتزاريلا
بيض
بقسماطنغسل الفليه جيدا ثم نتبله بالخل والملح والفلفل والبصل البودره والتوم البودره من الناحيتين ثم نفرده ولو كان تخين نفتحه زى الساندوتش ونفرده ونضع عليه اللانشون المقطع قطع طويله وعليه الجبنه الفلمنك المقطعة نفس الحكاية وعليهم الجبنة الموتزاريلا ونلف الفليه او نقفله زى الساندوتش ونقفله بخلة ونضعه بالبيض ثم البقسماط ونضغط عليه شويه حتى يتماسك فى البقسماط ونحمره فى زيت الساخن ولما نضع الكوردن بلو نخلى النار على الدرجة المتوسطة حتى تحمر من الخارج وتستوى من الداخل .
اما المكرونة بقى كانت متبقية عندى من الكشرى وهى مسلوقة جاهزة وشيلاها فى الفريزر خرجتها وحطتها فى ميه مغليه على النار حتى تفك ونصفيها ونعمل صلصتها ونصبها عليها ونقطع فلفل اخضر رومى عليها ونبشر جبنة رومى اوفلمنك متبقيين عندك عليها ونضع زيتون اسود مخلى عليم وبقدونس مفروم وبالهنا والشفا ويارييييييييييييت التقييييييييم ياعسلات او دعوة حلوة زيكم ياسكرااات.
مواضيع هذا القسم برعاية

شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر

سبحان الله و بحمده

مشاركه الكاس البرونزى فى مسابقه التوفير 2024.

انا عارفه انى اتاخرت اووووى عليكم

بس النت كان فاصل عندى و اعزروووونى بقى

دى مشاركتى فى مسابقه التوفير يارب تعجبكم

اخدت بيها الكاس البرونزى

و ادعولى ربنا يحقق منايا

و اتمنى افيد بيها كل بيت فتوكه قمره

يلا نبدأ
مشاركه الكاس البرونزى فى مسابقه التوفير

ازيكو يا احلى فتوكات فى الدنيا

وحشتوووووونى مووووت

ندخل بقى فى المفيد

اول ما اشتركت فى المسابقه

قعدت افكر اعمل ازاى اكله موفره بشرط

تكون لذيذه و مفيده

لان الاعتقاد الخاطىء عندنا ان كتر اللحمه و الفراخ

هو اللى بيدى صحه و ده غلط

و الصح اننا المفروض مناكلش فراخ و لحمه الا مرتين فى الاسبوع بس

فقلت يا بت خلاص اعملى

الطبق الرئيسى : ارز بالبسله و الجزر

, بطاطس بانيه محشيه و بيض

السلطه : سلطه زبادى بالخيار

و العصير : موز باللبن

بصوا بقى يا قمرات

نبدأ بالاطباق الرئيسيه و نسمى

مشاركه الكاس البرونزى فى مسابقه التوفير
1- ارز بالبسله و الجزر

البسله و الجزر يا سلام فيتاميناااات

البسله :
– فيتامين ب و فيتامين ج

– غنية بالبروتينات

– غنية المعادن والسكريات والألياف القابلة

للذوبان

– غنية بمادة (اللوتين)

و الفايده الاكبر بقى للبسله انها بتشبع من اقل كميه
ههههههههههههههههههه

اه و الله حتى سيرشوا و انتوا تعرفوا يعنى توفير توفير

طيب و الجزر غنى طبعااا بفيتامين أ اللى هو بيتا كاروتين

غني بالمواد البروتينيه والأحماض الأمينيةويحتوي على فيتامينات كثيرة أهمها : أ- ب – ب2 – ب6 – ج – و – د

و الارز طبعا نشا عشان يمدنا بالطاقه

يلا نحضر الارز سوا

مشاركه الكاس البرونزى فى مسابقه التوفير

ا كوب ارز مصرى

ثلت كيلو بسله مشاركه الكاس البرونزى فى مسابقه التوفير

2 جزره مقطعه

ملح و فلفل و زيت

معلقه صغيره كركم و كارى

مشاركه الكاس البرونزى فى مسابقه التوفير

احنا عايزين نحتفظ بفوايد البسله و الجزر

عشان كدا هنعمله مع الرز يعنى مش هنسلقهم

عشان متضعش الفايده فى المايه و تترمى فى الاخر

بصى يا ستى نحط زيت فى الحله و نسيبه يسخن

و نقوم مشوحين البسله و الجزر شويه مع الفلفل لحد

ما لونهم يتغير و بعدين نحط شويه ميه صغيرين

و نضيف الملح و نسيبهم شويه يستوا

خلوا بالكوا مش هياخدوا وقت يعنى ربع ساعه كدا

و بعدين ننزل بالرز و الكركم و الكارى

و نقلب و نضيف ميه مغليه و نسيبه يستوى زى اى رز

و مش هيعجن يا قمر متقلقيش خااالص

بس استعملى زيت مش سمنه عشان الزيت

بيبعد حبايات الرز عن بعض فميعجنش

لو لازم سمنه اخلطيها مع الزيت

البطاطس المحشيه بقى

خطيييييييييره بجد و طعمها فظيييييييع

طبعا البطاطس يعنى نشا

يعنى طاقه للجسم

و كمان بوتاسيوم
مشاركه الكاس البرونزى فى مسابقه التوفير

اربع بطاطسات حلوين كدا

زيتون اسود مخلى للحشو

جبنه رومى شرائح للحشو

فلفل رومى للحشو مشاركه الكاس البرونزى فى مسابقه التوفير

بيض مخفوق للقلى

بقسماط مطحون للقلى

مشاركه الكاس البرونزى فى مسابقه التوفير

نسلق البطاطس شويه حلوين بس مش تتهرى

و بعدين نهرسها بالشوكه او الهراسه

و بعدين نجهز الحشوه

و بصى بقى تحطى شويه بطاطس فى ايدك

و تحطى زتونه و فلفه و حته جبنه رومى
و تحطى فوقيها حبه بطاطس تانيه

و تكورى بايدك بقى

زى فكره الكفته البرغل لما بنحشيها عصاج

و نغمسها فى البيض و البقسماط

على فكره انا عملت نص الكمبه بس

و الباقى حشيته و كورته

و حطيته فى البيض و البقسماط و على طبق فويل

و عالفريزر عدل عشان اكله تانيه

و نقلى

و كنت سلقت معاها بيضتين

طبعا البيض عشان البروتين بديل اللحمه يعنى و الفراخ برضو

و حطيت البيضتين مع البطاطس يتحمروا

و ادى شكلهم و هما بيتحمروا

السلطه :
الخيار طبعا ليه فوايد كتير بس اهمها

انه بيجمل البشره زى حماه روجينا فى على جمب يا اسطى

ما حطت على وش البت خيار يعينى عشان الراجل بيجى شقيان هههههههههههههههههههه

و تانى حاجه مهدىء للاعصاب و مزيل للاكتئاب

و ده مهم جدااااا عشان اعصابنا اللى باظت من الميزانيه

كل ما الميزانيه تخرم روحى عالتلاجه اشقطى خياره ههههههههههههههههه

و الزبادى يعنى الكالسيوم كله يعينى

مشاركه الكاس البرونزى فى مسابقه التوفير

2 زبادى

2 خياره مشاركه الكاس البرونزى فى مسابقه التوفير

نعناع ناشف او طازه براحتك

زيت و ملح و فلفل

استنووووووونى
 مواضيع هذا القسم برعاية

ساسو 1988 ساسو 1988 فتكات رائعة Fatakat 340544 القاهره – مصر

سبحان الله و بحمده