أرشيف الكاس - مدونة فتكات

اكلتي اللي كسبت بيها الكاس البرونزي في مسابقه الزهرات 2024.

طبق اسباجتى الفريدو تشيكن بالمشروم

نروح للصور على طول

المكونات
نص كيلو مكرونه سباجتى

ربع كيلو صدرو فراخ مقطعه صغير

مشروم

بصله متوسطه مقطعه صغير

ملح وفلفل وبهارات دجاج ومكعب مرقه

2 ملاعق كبار جبنه كاسات برزيدون

علبه كريمه جهينه

2 ملاعق كبار جبنه رومي مبشورة

وللتزيين بقدونس

الطريقة

الاول هنجهز المكرونة المسلوقة

هنحط المية تغلى على النار مع نقطة زيت وشوية ملح

لما تغلى المية هنضيف المكرونة ونسيب الحلة مكشوفة عشان ماتعجنش

لما المكرونة تستوى هنغسلها ونصفيها من المية

ونبدأ بقي فى تجهيز الصوص اللذيذ بتاعنا

هنسيب الزيت على النار يسخن شوية

نضيف البصل ونقلب لحد ما يدبل

هنضيف قطع الفراخ ونقلب لغاية ما تبيض وتستوى

هنضيف المشروم دلوقتى والملح والتوابل والمرقة

وبعدين نضيف الكريمة

ونضيف الجبنة الكاسات و الرومى

ونستنى على الصوص شوية يتقل على النار

وبكدة الصوص يبقي جاهز

هنجيب طبق التقديم ونغرف المكرونة وننزل فوقها بالصوص

ونزين بالبقدونس ونرش شوية فلفل على الوش وكمان الجبنة المبشورة
بيخلوا الشكل تحفة
وده شكل للطبق النهائي

من زوايا تانية كمان

وبالتوفيق يا قمرات

مواضيع هذا القسم برعاية

sweetgir sweetgir 477709_12.gif فتكات هايلة Fatakat 477709 المنصورة – مصر

سبحان الله و بحمده

مشاركه الكاس البرونزى فى مسابقه التوفير 2024.

انا عارفه انى اتاخرت اووووى عليكم

بس النت كان فاصل عندى و اعزروووونى بقى

دى مشاركتى فى مسابقه التوفير يارب تعجبكم

اخدت بيها الكاس البرونزى

و ادعولى ربنا يحقق منايا

و اتمنى افيد بيها كل بيت فتوكه قمره

يلا نبدأ

ازيكو يا احلى فتوكات فى الدنيا

وحشتوووووونى مووووت

ندخل بقى فى المفيد

اول ما اشتركت فى المسابقه

قعدت افكر اعمل ازاى اكله موفره بشرط

تكون لذيذه و مفيده

لان الاعتقاد الخاطىء عندنا ان كتر اللحمه و الفراخ

هو اللى بيدى صحه و ده غلط

و الصح اننا المفروض مناكلش فراخ و لحمه الا مرتين فى الاسبوع بس

فقلت يا بت خلاص اعملى

الطبق الرئيسى : ارز بالبسله و الجزر

, بطاطس بانيه محشيه و بيض

السلطه : سلطه زبادى بالخيار

و العصير : موز باللبن

بصوا بقى يا قمرات

نبدأ بالاطباق الرئيسيه و نسمى

1- ارز بالبسله و الجزر

البسله و الجزر يا سلام فيتاميناااات

البسله :
– فيتامين ب و فيتامين ج

– غنية بالبروتينات

– غنية المعادن والسكريات والألياف القابلة

للذوبان

– غنية بمادة (اللوتين)

و الفايده الاكبر بقى للبسله انها بتشبع من اقل كميه
ههههههههههههههههههه

اه و الله حتى سيرشوا و انتوا تعرفوا يعنى توفير توفير

طيب و الجزر غنى طبعااا بفيتامين أ اللى هو بيتا كاروتين

غني بالمواد البروتينيه والأحماض الأمينيةويحتوي على فيتامينات كثيرة أهمها : أ- ب – ب2 – ب6 – ج – و – د

و الارز طبعا نشا عشان يمدنا بالطاقه

يلا نحضر الارز سوا

ا كوب ارز مصرى

ثلت كيلو بسله

2 جزره مقطعه

ملح و فلفل و زيت

معلقه صغيره كركم و كارى

احنا عايزين نحتفظ بفوايد البسله و الجزر

عشان كدا هنعمله مع الرز يعنى مش هنسلقهم

عشان متضعش الفايده فى المايه و تترمى فى الاخر

بصى يا ستى نحط زيت فى الحله و نسيبه يسخن

و نقوم مشوحين البسله و الجزر شويه مع الفلفل لحد

ما لونهم يتغير و بعدين نحط شويه ميه صغيرين

و نضيف الملح و نسيبهم شويه يستوا

خلوا بالكوا مش هياخدوا وقت يعنى ربع ساعه كدا

و بعدين ننزل بالرز و الكركم و الكارى

و نقلب و نضيف ميه مغليه و نسيبه يستوى زى اى رز

و مش هيعجن يا قمر متقلقيش خااالص

بس استعملى زيت مش سمنه عشان الزيت

بيبعد حبايات الرز عن بعض فميعجنش

لو لازم سمنه اخلطيها مع الزيت

البطاطس المحشيه بقى

خطيييييييييره بجد و طعمها فظيييييييع

طبعا البطاطس يعنى نشا

يعنى طاقه للجسم

و كمان بوتاسيوم

اربع بطاطسات حلوين كدا

زيتون اسود مخلى للحشو

جبنه رومى شرائح للحشو

فلفل رومى للحشو

بيض مخفوق للقلى

بقسماط مطحون للقلى

نسلق البطاطس شويه حلوين بس مش تتهرى

و بعدين نهرسها بالشوكه او الهراسه

و بعدين نجهز الحشوه

و بصى بقى تحطى شويه بطاطس فى ايدك

و تحطى زتونه و فلفه و حته جبنه رومى
و تحطى فوقيها حبه بطاطس تانيه

و تكورى بايدك بقى

زى فكره الكفته البرغل لما بنحشيها عصاج

و نغمسها فى البيض و البقسماط

على فكره انا عملت نص الكمبه بس

و الباقى حشيته و كورته

و حطيته فى البيض و البقسماط و على طبق فويل

و عالفريزر عدل عشان اكله تانيه

و نقلى

و كنت سلقت معاها بيضتين

طبعا البيض عشان البروتين بديل اللحمه يعنى و الفراخ برضو

و حطيت البيضتين مع البطاطس يتحمروا

و ادى شكلهم و هما بيتحمروا

السلطه :
الخيار طبعا ليه فوايد كتير بس اهمها

انه بيجمل البشره زى حماه روجينا فى على جمب يا اسطى

ما حطت على وش البت خيار يعينى عشان الراجل بيجى شقيان هههههههههههههههههههه

و تانى حاجه مهدىء للاعصاب و مزيل للاكتئاب

و ده مهم جدااااا عشان اعصابنا اللى باظت من الميزانيه

كل ما الميزانيه تخرم روحى عالتلاجه اشقطى خياره ههههههههههههههههه

و الزبادى يعنى الكالسيوم كله يعينى

2 زبادى

2 خياره

نعناع ناشف او طازه براحتك

زيت و ملح و فلفل

استنووووووونى
مواضيع هذا القسم برعاية

ساسو 1988 ساسو 1988 فتكات رائعة Fatakat 340544 القاهره – مصر

سبحان الله و بحمده

شايفين الكاس الدهبي الي جمب اسمي 2024.

بسم الله والصلاه والسلام علي رسول الله صل الله عليه وسلم .
ازيكو يافتكوته عاملين ايه يارب تكونو بخير انهارده موضوع عن الاكل الي بيزيد عندنا لو عملين عزومه مثلا وفي باقي اكل لو فضل اي اكل زياده في البيت معقول نرميه وفي ناس بتموت من قلت الاكل حتي ربنا يحسبنا عشان كدا قدامنا حل من اتنين نلف ط§ظ„ط§ظƒظ„ في علبه كويسه ونديها لاي حدي محتاج او نجدد فيه ونخليه اكله جديده خالص
كلنا بنعمل ظپط±ط§ط® او لحوم او سمك ويفضل منه لتاني يوم وفي كتير مش بيحبو الاكل البايت .
كان عندي باقي نص ورك فرخه قلت حرام نرميه عملت منه تلات اكلات ودا شكله قبل معمل اي حاجه.

اول خطوه هخليها من العضم واقطع عليها
طماطم زتون اسمر واخضر وفلفل اخضر ودا شكلهم

اجهز ط¹ط¬ظٹظ†ظ‡ العشر دقايق واعمل منها ط¨ظٹطھط²ط§

ودا شكلها بعد مخلصت وكدا اول حاجه جهزت

وعملت منها ظ…ظ†ظٹظٹ ط¨ظٹطھط²ا

وتاني حاجه هخد حتته عجينه وافردها علي سمنه سخنه

واحط جواها الحشوه واقفلها كويس وادهن الوش نصه حبه البركه والنص التاني زعتر وعلي الفرن وكدا خلصت تاني حاجه عملنا احلي حواوشي

ودي الفطيره نفس طريقه الفطير المشلتت بس بنحط الحشوه بين الطباقات وعلي الفرن رهيبه بجد ريحه وطعم ولا اجدع فطتطري وكدا خلصت وتلاقي نص الورك ندم انه بات وكل دا يابنات بيه

تاني وصفه وهي الحلو
كان عندي نص رغيف فينو بايت ارميه مكونش فتكوته لو معملتش منه اجدع طبق حلو.

قطعته شرايح زي التوست بلشكل دا

احط في طبق حليب وعليه سكر ورشه سمسم او قرفه للي بيحبها

واغطس العيش في اللبن واقليه في زبده بلشكل دا.

اطلعه علي مناديل .

كدا قدمنا كذا طريقه للحلو
اول حاجه ممكن احطه زي مهو كدا وفي في النص موز وكيوي او اي فاكهه ونرسها فوق بعض بلشكل دا.

وممكن بنزودها الفاكهه وبنحطها علي الوش ومكسرات.

او احط طبقه عيش وطبقه شكولاته نوتيلاا وعلي الوش عسل ابيض ومكسرات.

ودي احلي طريقه انا بحب شكلها طبقه عيش وطبقه شكولاته بيضه وطبقه عيش وشكولاته نوتيلاا وعلي الوش شكولاته وجوز هند ولوز وعين جمل.

وهناااااااااااااا اقرب شايفين ولا هرم خوفووووو

وكدا خلصت والف مبرووووووووووووك مقدما للي هتفوز غيري ومني احلي زررررررررررغوته.

وخدت الكاس القمور استحقه ولا لاء

مواضيع هذا القسم برعاية

لولوه الشعنونه لولوه الشعنونه 658279_2.gif فتكات غالية قوي Fatakat 658279 ابوظبي – الامارات

سبحان الله و بحمده

مشاركتي الفائزه بالكاس الذهبي في مسابقه قصاقيص المطبخ كبه الارز ومكرونه عش البلبل 2024.

ازيكم يا قمرات دي مشاركتي اللي فازت بالمركز الاول والكاس الذهبي في مسابقه قصاقيص المطبخ
واحب اشكر كل اللي صوتوا لي في المسابقه
واشكر كمان جوليا وبس علي المسابقه الجميله

بما ان المسابقه من(بواقي الاكل) قصاقيص البيت
والمفروض نعمل من الفسيخ شربات ههههههههههه زي ما المسابقه بتقول
انا فكرت ان لازم نعمل حاجه تفتح النفس وتشجع علي الاكل
مش فكره نتخلص من البواقي علشان حرام وبس ويبقي الواحد بياكل وهو
اكتر حاجتين بيتبقوا وصعب انهم يتاكلوا بايتن همه الارز والمكرونه
ممكن نسخن الخضار الشوربه اللحوم ماشي هيفوتوها وياكلوا
الا الارز لازم يكون صابح والمكرونه كمان
ففكرت اعملهم بشكل جديد يخليهم همه اللي يطلبوه ويحبوه

نبدا بسم الله

كبيبه الارز

هي اكله معروفه بتتعمل بالارز المستوي
احنا بقي هنعملها بالبواقي
هنجمع بواقي الارز اللي عندك كلها كل ما يتبقي شويه حطيهم في الفريزر وجمعيهم كل فتره

هنا عندي
باقي رز بشعريه وباقي رز ابيض
وباقي لحمه مفرومه معصجه بالجزر والفلفل والبصل باقي من حشو سمبوسك كنت شيلاهم في الفريزر
هنضيف عليهم بطاطسايه واحده صغيره مسلوقه
وبصلايه صغننه خالص دي كمان بواقي بصلايه لانها راس بصل اخضر
بيضه
علي فكره البيضه والبطاطس المسلوقه والبصل (اختياري) ممكن نحطهم وممكن لا
انا عملت مره بيهم ومره من غيرهم وهتشوفوا الفرق

هنبشرالبصله ناعم ونهرس البطاطس ونحط كله يتفرم مع بعضه ومع الارز في الكبه او يتهرسوا بالهراسه اليدويه حسب رغبتك وطبعا ملح وفلفل وبهارات حسب الرغبه
كله هيبقي عجينه نخلط عليهم البيضه

ونلم العجينه بادينا هي بتلزق فلازم يكون جنبنا ميه ساقعه او زيت بلل فيه ايدينا واحنا بنشتغل
نعملها كور صغيره ونحشيها بالعصاج او اي حشوه عندك ( فراخ كبد وقوانص لانشون بسطرمه )اي حاجه تعجبك انت وبواقيك ههههههههههه بس تكون الحشوه مش فيها صوص ناشفه شويه علشان مش تطري الكبه

ونحطها في الدقيق

وبعدين نقليها
هنتفش في الزيت وتبقي زي لقمه القاضي كده دهبي وجميله وهشه

وتصفي علي مناديل من الزيت

حاولي تعمليها رقيقه مش تخينه وصغيره بتكون اظرف واحلي
طعمها لذيذ جدا الولاد حبوها جدااااااااااا
وكل ما اقلي شويه يخطفوهم ههههههههه وطلبوها مني تاني هتعجبكم بجد

الفرق بينهم
اللي من غير بطاطس ولا بيض لونها افتح وكرسبي بتقرمش اكتر

هي دي اللي في الصور
ممكن تطلعيها افتح من كده كمان بيضا وكل ماتزودي القلي بتزيد القرمشه

اللي فيها بطاطس وبيض بتحمر اكتر واسرع طبعا علشان البيض وبيكون ليها طعم زي البانيهات (عجبتني اكتر)
انت جربي واختاري اللي تحبيه بس اكيد هتحبيها
هنشوفها في المشاركه الجايه مع المكرونه

مواضيع هذا القسم برعاية

sasamedo2017 sasamedo2017 129159_13.gif فتكات ست الكل Fatakat 129159 مشمش – مشمش

سبحان الله و بحمده

ضعي الكاس قليلا كاس ايه دا يا اخواتي 2024.

لاني امر بظروف صعبة ارتايت ان انقل هذه المقالة لمن يمرون بنفس الظروف

ضع الكأس … وارتح قليلاً

في يوم من الأيام كان محاضر يلقي محاضرة عن التحكم بضغوط وأعباء الحياة لطلابه.فرفع كأساً من الماء وسأل المستمعين:
ما هو باعتقادكم وزن هذه الكأس من الماء؟
وتراوحت الإجابات بين 50 جم إلى 500 جم

فأجاب المحاضر: لا يهم الوزن المطلق لهذا الكأس، فالــوزن هنا يعتمد على المدة التي أظل ممسكاً فيها هذا الكأس، فلو رفعته لمدة دقيقة لن يحدث شيء ولو حملته لمدة ساعة فسأشعر بألم في يدي، ولكن لو حملته لمدة يوم فستستدعون سيارة إسعاف.

الكأس له نفس الوزن تماماً، ولكن كلما طالت مدة حملي له زاد وزنه. فلو حملنا مشاكلنا وأعباء حياتنا في جميع الأوقات فسيأتي الوقت الذي لن نستطيع فيه المواصلة، فالأعباء سيتزايد ثقلها.

فما يجب علينا فعله هوأن نضع الكأس ونرتاح قليلاً قبل أن نرفعه مرة أخرى.
فيجب علينا أن نضع أعباءنا بين الحين والآخر لنتمكن من إعادة النشاط ومواصلة حملها مرة أخرى.
فعندما تعود من العمل يجب أن تضع أعباء ومشاكل العمل ولا تأخذها معك إلى البيت، لأنها ستكون بانتظارك غداً وتستطيع حملها بأذن اللــــــــه
__________________

دلل دلل 137982_19.gif فتكات رائعة Fatakat 137982 عنابة – الجزائر

سبحان الله و بحمده

ضع الكاس جانبا! 2024.

دخل الأخصائي النفسي يتمشى في دورة "إدارة الضغوط النفسية" حاملاً كأسا من العصير . 🍷

فتبادر لأذهان المتدربين أنه سيتكلم عن النصف الفارغ والممتلئ!!
لكنه سأل عن وزن الكأس!!
تفاوتت تقديراتهم من 100 إلى 200 جرام.

فأجابهم: الوزن لا يهم، الأهم الفترة التي ستقضيها حاملاً للكأس.

إن حملته لدقيقة فلن تكون هنالك مشكلة.

إن حملته لساعة ستؤلمني ذراعي.

إن حملته يوماً كاملاً سأشعر بخدر وشلل.

وفي كل الحالات لم يتغير وزن الكأس..

لكن

كلما أطلت حمل الكأس كلما زاد وزنه.

وأردف: "القلق والهموم في الحياة، هي تماماً مثل هذا الكأس…

فكر بهما قليلاً ولن يحصل شيء.

فكر بهما مطولاً وسيبدآن بإيذائك.

أما لو
فكرت بهما طوال اليوم فستشل حركتك بحيث لن تتمكن من عمل أي شيء".

تذكر دائماً بأن تضع الكأس جانباً.

Loriy Loriy 1143761_2.gif فتكات رائعة Fatakat 1143761 أتلنتا – أمريكا

سبحان الله و بحمده