ازيكم يا قمرات اخباركم ايه
بصوا انا مفروض قررت اني انظم اكلي شويه وطبعا كالعاده كلنا بنزهق من الاكل المتكرر طبعا كلها نعمه ربنا الحمد لله بس التجديد مطلوب
نبدأ بسم الله
المكونات :
كيلو سمك فليه متبل ( كمون وثووووووووم وملح وشطه حسب الرغبه طبعا و م ص كاتشب و معلقتين زبادي وم ص سكر وخل ولموون ) ويتركن سعتين
خضار بقي اللي تحبيه انا حطيت ( بطاطس وجزر ……………. دول سلقتهم نص سلقه وشوحتهم في ثوم بمعلقه زيت تحفه بجد ورشه ملح وكمون )
وطماطم و بصل وفلفل
وشيشتهم في الاستكس بتاعه الشيش طاووك
ورصتهم في صنيه تحتهم فويل وعلي نار عاليه ينزل ميته
وبعدين علي فرن حامي مش بياخد وقت
وبعد ما يستوي نشغل الشوايه لحد ما يحمر نقلبه يحمر علي الوش التاني وكده بالف هما
نجي بقي للارز البسمتي بالبصل والبسله
هنا جبت بصله مفرومه وشوحتها لحد ما دبلت وضفت البسله
وبعدين ضفت 2 كوب ارز بسمتييييي + 4 وشويه كوب ماء مغلي
ونكمل طريقه ارز عاديه
صوص الحريقه
عباره عن كيس كاتشب حار تحفه بجد
بس كده انا رغيت كتير الصور اهه
هنا وانا رصاهم في الصنيه
يارب بالف هنا ليكوا استنوني باذن الله بكره هنزل اكلتي للحبين يعملو دايت معايا
في امان الله لو حاسين الموضوع يستاهل التقييم قيموني
مواضيع هذا القسم برعاية
white rose white rose images/avatars/maple_leaf.gif سوبر فتكات Fatakat 46965 في بتنا – مصر
