الوسم: البحريات

زي ما وعدتكم اني لو كسبت في مسابقة الستات الشاطرات هقولكم طرق الاكلات الي عملتها

المقادير

بصلاية مفرومة
1عرق كرات مفروم وكرفس مفروم
(2كوب مرق سمك) انا بحط ميه عادية مش شوربة سمك ولحد ما يغطي المكونات مش لازم كوبيتين بالظبط
كابوريا (انا جايبة من السوبر ماركت كابوريا جاهزة قطعتها حلقات)
بكلويز (جندوفلي)
سمك فيلية مقطع مكعبات
كلماري (او سيبيا )مقطع مكعبات
جمبري
شرايح فلفل الوان
التوابل ملح -معلقة ك زيت زيتون- معلقة ص حبهان مطحون- كركم- 2م ك حليب بودرة

الطريقة بقى
نحمر البصله في شوية زيت
ونضيف الكرات والكرفس ونقلب كويس هنضيف البكلويز والكابوريا (لو هي صحيحة ) والاستاكوزا ونسيبهم شوية لما القواقع تتفتح
نضيف المية ونسيبها تغلي وبعدين نطفي عليها

هنجيب السمك والسيبيا والجمبري وانا حطيت معاهم الكابوريا المكعبات ونتبلهم بالملح والزيت الزيتون والكركم والملح والحبهان ونسيبهم 5 دقايق
هنقلي السمك والسيبيا في شوية زيت صغنين ونضيفهم على الشوربة

دا شكلهم بعد القلي
والجمبري والكابوريا وشرايح الفلفل في صنينة وعلى الشواية في الفرن ونضيفهم على الشوربة

دا شكلهم بعد الشوي
نظبط الملح بتاع الشوربة ونضيف حليب البودرة ونسيبها تغلي غلوتين ودوقي احلى طبق شوربة سي فوود

ودا الشكل النهائي مواضيع هذا القسم برعاية

ام لقمرين ام لقمرين 59509_3.gif فتكات ست الكل Fatakat 59509 على شاطئ البحر المتوسط – في الوطن العربي

بصوا انا عشمانه في ربنا ثم فيكم انكم تساعدوني
انا عايزه اسال سؤال

الراجل بتاع السمك لما قالنا اعملكم السمك مشوي ازاي
احنا استغربنا يعني ايه مشوي ازاي (اصل احنا نعرف الرده بس)

فقلناله عندك كذا طريقه؟؟
قالنا اه
فيه مشوي بالرده
ومشوي على الزيت او بالزيت
ومشوي (سنجاري او سجاده) انا سمعتها مشوي سجاده وبعد كده عرفت انها سنجاري

المهم يعني انا عايزه اعرف الطريقتين بتوع مشوي بالزيت او على الزيت دي وكمان مشوي سنجاري او سجاده

اعملهم ازاي يعني ووصفتهم ايه وكده

واسمها الصحيح ايه سنجاري ولا سجاده

وايه تانيييييييييي

ااااااه عايزه طريقة شوربة السي فود

وطريقة شوربه الجمبري

وياسلام بقى لو طريقة الانشوجه والتاني ده اسمه ايه الابيض ده
معلش اصل الزهايمر شغال

مستنياكم بقى متبخلوش عليه بالرد

مواضيع هذا القسم برعاية

بنت بنوت والعمر بيفوت بنت بنوت والعمر بيفوت 658463_1.gif سوبر فتكات Fatakat 658463 القاهره – مصر

فطيرة سمكة المرجان

فطيره سهله جدا ولذيذه

المقادير 400 جرام عجينة الميل فى ؛ سمكة مرجان كبيرة زنه ¼ 1 ك ؛ ¼ ك سمك فيلية مقطع مكعبات صغيره 4 شرحات توست ؛ بيضة

مخفوقه ؛ صفار بيضة ؛ 5 ملعقة حليب ( 1/3 كوب تقريباً ) بصلة مفرومه ؛ 3 فص ثوم مهروس ؛ 3 ملعقة أوراق بقدونس مفرومه ناعم ؛ ملح

وفلفل . الطريقة – ينظف السماك السمكة وينزع الراس والأحشاء والسلسلة أى تكون مخلية . إقسمى العجينة الى قسمين متساويين وافردى أحد

المستطيلين بحجم السمكة + 2 سم زيادة

والنصف الآخر زيادة عن حجم السمكة 5سم

1- تنقع شرحات التوست بالحليب حتى تتشرب جيدا فتعصر من الزياده وتخلط مع البصل والثوم ومكعبات الفيليه والبقدونس

واخلطى الجميع جيداً وتبلى بالملح والفلفل + البيضة المخفوقه وتقلب مع الخليط

2- تغسل السمكة المخلية وتحشى طولياً بالخليط السابق وتوضع

على المستطيل الصغير للعجين

ثم يوضع على وجهها المستطيل الاكبر ويدهن الوجه بصفار البيضة المضاف اليه قليل من الماء

ثم اضغطي بإصبعك على العجينه قرب السمكة المحشوة (على الحروف) بخفة

وبطرف سكين رفيعة حادة إقطعي الزوائد عن شكل السمكة

ثم ضعيها في الثلاجة حتى تتماسك 12 ساعه لتتماسك توضع فى صاج مدهون بالزبده وتخبز بالفرن بدرجه عاليه 5 دقائق

ثم 25 دقيقة بدرجه متوسطة حتى تنضج وتصبح ذهبيه

وتقدم ساخنه وتقدم بجانبها كريمة الزبده بالأعشاب وعصير الليمون

وشرحات توست محمصة بالثوم والزبده

وصحه وهنا على قلوبكم

مواضيع هذا القسم برعاية

ام سودق ام سودق 184527_15.gif مشرفة الموقع Fatakat 184527 القاهرة – مصر