الوسم: الباسمشكات

طيبين ياقمرات اه اوعوا تنسوا التقييم وبعدين ازعل منكم ياحلوييين واحنا في دخلة عيد بقه ويارب ميجبش زعل

1ونصف كوب أرز قصير الحبة

1كيلو لحم باسمشكات استيك

2معلقه كبيره زيت ذرة

350جرام لحم قطع صغيرة

ملح

فلفل أسود

بهار لحم

هيل ناعم

عصفر

صنوبر مقلي

فستق حلبي مقلي

لوز مقلي

سمن

2حبه متوسطه بصل

قرفة

هيل صحيح

ورقغار

1. إغسلي الأرز عدة مرات بالماء ثم إنقعيه في ماء دافئ.

2. باستعمال الإبرة والخيط أقفلي شرائح اللحم بحيث تصبح مثل الجيب مع ترك جزء من أعلى الجيب بدون خياطة لوضع الحشو في الباسمشكات.

3. الحشو: في قدر سميك القاعدة ضعي زيت الذرة، ضعي القدر على نار متوسطة ليسخن الزيت ثم أضيفي اللحم المقطع وقلبي إلى أن تجف وتصبح بنية اللون. أضيفي الملح، الفلفل، بهار اللحم، الهيل والعصفر، قلبي اللحم مع البهارات إلى أن تتصاعد رائحة البهارات.

4. صفي الأرز من ماء النقع وأضيفيه على اللحم وقلبي لمدة دقيقة. أبعدي القدر عن النار ودعيه ليبرد. أضيفي الصنوبر، الفستق واللوز. قلبي لتختلط المواد.

5. باستعمال ملعقة صغيرة ضعي كمية من الحشو في داخل قطع الباسمشكات مع مراعاة عدم ملئ القطع كثيرا لأن اللحم سينكمش أثناء الطهي والأرز سيتضاعف حجمه وربما تمزقت الباسمشكات إذا كانت ممتلئة بالأرز أكثر من اللازم.

6. في مقلاة واسعة ضعي السمن وضعي المقلاة على نار قوية ليسخن. أضيفي قطع الباسمشكات المحشية وقلبيها إلى أن تصبح ذهبية اللون. اخرجي الباسمشكات من السمن. دعيها جانبا.

7. أضيفي البصل وقلبي إلى أن يلين ويتشرب بطعم الباسمشكات. أضيفي مقدار ٢ كوب من الماء، القرفة، الهيل وورق الغار، أضيفي الباسمشكات ودعيها تطهي على النار إلى أن تنضج تماما. قدميها ساخنة. مواضيع هذا القسم برعاية

القطه توته القطه توته 555709_1.gif فتكات رائعة Fatakat 555709 منتدي فتكات – السعوديه

عننننننننننننننننننننننننن[SIZE=6]( قنابل ) و موقوتة كمان[/size] ئي , قنابل , لا تستغربوا , و هي صورة

طبعآ هي الصورة للتشويق و الترغيب , مو للتخويف

و هلأ , يا نور عيوني راح نفوت بالتفاصيل

اسم الأكلة : الباسمشكات أو ( يقال لها الخواصر) , هلأ , راح نعرف سبب هالاسم ,

المهم : بنجيب من عند اللحام شقف لحمة مسطحة , موجودة بفخد الخاروف , هي الشقف , أكيد اللحام بيعرفها , و هيي شقف لحمة هبرة و مغطاة بشوية دهن و لكن متل ما قلنا مسطحة , و في منها كمان بخواصر الخروف , و لكن بتكون دهنتها أكتر

نحن , هون جايبينها من يلي موجودة بفخد الخروف , متل مو شايفين بالصورة

هلأ , لازم نفصَّل هالشقف , بحيث فينا نطبقها على بعضها و نخيطها بالخيط , و هون الموضوع بدو شوية مهارة من ست البيت بالصورة , في شقفة لحمة لحالا بالطرف ( يلي على شكل مثلث ) , راح نقطعها بالسكين و نرقع فيها شقفة تانية , و الشقفة يلي ضلت راح نحاول نطبقها على بعضها و نخيطها , و طبعآ الثقب يلي باين كمان راح نخيطو و نسدو , أو إذا بدك تخففي الدهنة , بتشيلي الدهنة يلي باينة بالسكين و و بتطبقي الشقف الباقية مع بعضها لتخيطيها , ( سامحوني كترت حكي )

شوفو هالصورة هون , كيف حطينا شقفة تحت , و فوقها شقفة أصغر , و مشان هيك طوينا الشقفة يلي تحت لتكمل المساحة يلي فوق , يعني ممكن الشقفة نطبقها و نخيطها على بعضها متل ما هيي أو نقصها بالسكين , نطبقها على شقفة تانية ( حسب الشقف يلي عنا ) و هلأ راح نخيط الأطراف على بعضها بالإبرة و الخيط متل مو شايفين

, و راح نترك فراغ ضغير , لندخل الحشوة الحشوة ( متل حشوة المحاشي ) رز مصري منقوع و مغسول , و بنحط معه لحمة هبرة نية مفرومة , ما كترنا لحمة , لإنه بالأصل نحن عم نحشي لحمة , و عصفر و ملح و كمون , و بهار من يلي عندك للطبخ

هلأ , راح نحط حشوة , بس مارح نكتر , يعني قد نص الفراغ الموجود بقلب اللحمة المخيطة , ( لأن الرز راح يينفش عالطبخ , و اللحمة بتكش , يعني بتتقلص ) و بعدين راح نكمل خياطة لنسكر الخاصرة , و راح نغز راس السكين , شي تلت , أربع مرات على كلي الوجهين لنعمل تقوب ضغيرة جدآ , لدخول المرقة

و بنفس الطريقة , راح نكمل باقي الشقفو بعدين , بنجيب طنجرة , حجمها مناسب للكمية يلي عنا , و بنحط الخواصر أو البساسمشكات بقلبها , و بنغمرها بالمي و بنشعل الغاز , و أكيد بالأول راح تطلع رغوة أو زفرة على وجه المي , بنشيلها بالكفكير , و بعدين بنحط بصلة و ورق غار , و رشة بهار خفيفة , و ملحو بس تغلي الطنجرة , راح نوطي النار تحتها , و نستنى لتستوي ( ممكن تاخد وسطيآ ساعتين عالنار )

أول ما بتستوي بنطفي تحت الطنجرة و بنشيل الباسمشكات مباشرة يعني , لا تخليها بمرقتها بعد ما تطفي الغاز, مشان ما ينفش الرز أكتر

حطي القنبلة بالصحن , و امسكي الخيط من أوله و شديه على مهلك , راح يطلع بسهولة , و حاولي تحافظي على شكل الخاصرة متل ما هوي ( قولي بسم الله و اتوكلي على الله و دوووووووووقي )و بالنسبة للطعم , شو بدي إحكي ؟؟؟؟و الله طعمها خيااااااااااااال و بيجنن و كتييير طيب , و بدي إوصفه , و ما عم أعرف كيف , بصراحة , هالأكلة طيبة جدآ جدآ , و بدون مبالغة , من أطيب الأكلات الشامية , و الشوام بيعملوها برمضان , ممكن أول يوم , او لمن بدن ييعزموا العيلة و يعملوا لمة برمضان , فهالأكلة أكيد حاضرة على لمات العيلة .جربوها و أكيد راح تدعولي

ملاحظة : زاد عنا شوية حشوة , فماما , طلعت من الفريزر , ورق عنب , و حشتو يبرق بالحشوة الزايدة , و طبختهن تاني يوم بمرقة الباسمشكات , و طلع اليبرق ( ورق العنب المحشي ) طعمته كتييييييييير طيبة و بتجنن

( بتمنى إني ما كون طولت عليكن , و إلكن مني أحلى تحية , أزكى سلااااااااااااام ) مواضيع هذا القسم برعاية

إيثار الشام إيثار الشام 676238_3.gif فتكات متميزة Fatakat 676238 ريف دمشق – سورية