الوسم: الاكبر

الفطور

• شريحة خبز نخالة
• 3 بيضات مسلوقات
• مقانق ديك رومي قليلة الدسمِ (2 أونس)
• كوب من التوت الأزرق
• 8 اونسات حليب خالي الدسم
• شاي أخضر أو قهوة

بين الفطار والغدا
الوجبة الخفيفة
تفاحة متوسّطة الحجم وملعقة زبدة الفستق
ماء بارد

الغداء
• بوريتو الفاصوليا السوداء
• 1 كوب خس روماني مقطع، و ½ كوب خيار مقطع، و1 ملعقة من التتبلية الخالية من الدسم.
• شاي مجمد

وجبة خفيفة
((بين الغدا والعشا))

¾ جبن ricotta خالي من الدسم ، مع ½ موزة متوسّطة الحجم وملعقة من الجوز.
العشاء
• حصة من المعكرونة السمراء مع الخضار المسلوقة وجبن البرميجان
• 4 أونسات من السمك المشوي أو المسلوق (سلمون وهالبوت فقط)
• ماء بارد
شاي أخضر وقهوة خالية من الكافيين

(((المجموع: 1,490 سعرة حرارية)))

بصوا بقا عارفة انة فية حاجات كتير ممكن متكنش متوفرة عندنا فممكن نستبدلها بالشبية ليها الى عندنا
مثلا الزبدة بالفستق
هما قالوا ملعقة بس عشان يدونا الدهون الى محتاجها الجسم
احنا بقا هناكل العلبة

توت ازرق ممكن ناخد بدالة اى ثمرة فاكهة واحدة بس

منقوووووووووووووووووول

fairy story fairy story فتكات رائعة Fatakat 631070 مصر – مصر

فتوكاتي لقيماتي حبيباتي في الله
اهلا بيكم جميعا في جزء (التحدي الاكبر)
و ان شاء الله نكون مع بعض دائما لتكملة المشوار الرائع
اللي بدأناه مع بعض و مستمرين ان شاء الله
مش للمثالي بس
لاء
الى الابد

و طبيعة الجزء ده هتختلف عن الاجزاء اللي فاتت
المره ديه الجروب بتاعنا اتقسم فريقين
الفريق الموف
يا رب سلم
عاشقة الزهراء
امة الله 123
امل روميه
عطر الاوركيد
زيجادو
omnia am
princess
الفريق الوردي
ديدا الاموره
زهرة الوادي
السمكه نيمو
مسلمه بتحب الخير
حبايبي لولو و زومه
الوسطيه
manal amel
tota
و ان شاء الله لو انضم لينا مجموعه جديده هعملهم فريق
و نظامنا هيكون كالتالي
هنوزن كل 15 يوم و هنحسب كل فريق
خسر قد ايه وزن
و الفريق اللي مجموع خسارته اكتر هو الكسبان
و الفريق الخسران
هيلتزم ان الاسبوع اللي بعده
هيمشي على اللقيمات بس
طول الاسبوع علشان يعوض خسارته
و بكده ان شاء الله كلنا نتحمس و نوصل لتحقيق حلمنا
احب ازكركم حبيباتي
نظام اللقيمات طاعه لله و رسوله
احياء لسنة الحبيب المصطفى
عليه الصلاة و السلام
و ان شاء الله نستمر على الطاعه حبا في الله
و رسوله
كلنا فهمنا النظام و كمان اتقناه
و بالنيابه عن الجروب كله
بدعو كل الفتوكات اللي تحب تنضم للجروب معانا
اهلا بيكي و كلنا هنا معاكي علشان تتقني حمية اللقيمات معانا
و دلوقتي هنزلكم الانظمه المختلفه للحميه
و اللي ممكن تختاري اي نظام منهم تمشي عليه
او تتبيعيهم كلهم حسب نظام يومك و احتياجاتك
و بداية
هنزل النظام الجديد و اللي مدته 15 يوم
و ده اسمه اللقيمات القاسي الجميل
و النظام ده خاص باللي وزنهم ثبت بقاله فتره
او الناس اللي نفسها تحس باختلاف في منطقة البطن و الارداف
اكيد كلنا

و النظام ببساطه و من غير تعقيد
لقيماتنا هتكون طول اليوم فاكهه
يفضل التفاح او البرتقال
بس ممكن اي نوع تاني
و كمان معاها 20 جرام شيكولاته
و بعدها 5 سوداني
طب ايه الكلام ده هقولكم اجمالي اللقيمه
2 كوب ماء + نص كوب مشروب
نص تفاحه او برتقاله او ما يعادل نفس المقدار من اي فاكهه
+
بعد 5 دقائق
قطعة شيكولاته =20 جرام
+
بعد 5 دقائق
5 سوداني
و بعد 3 ساعات
نكرر نفس اللقيمه تاني
و هكذا طول اليوم
حوالي 5 لقيمات
و الوجبه بقى
بالليل
مثلث بيتزا و مكعب جبنة جودة لايت + كوب و نص سلطه + نص كوب بيبسي او عصير لمون او مايه
و ممكن نشرب شاي او قهوه او نسكافيه على مدار اليوم
بس نخلي بالنا من السكر و الدكتور بيفضل السكر البني
او نقلل السكر العادي قوي
و لو هنستعمل اللبن في الفتره ديه يكون خالي الدسم
معلش انا عارفه انها هتكون فتره صعبه

بس انا شايفه انها احسن من الرجيم الكيميائي اللي كتير بيفكروا
يلجأولوا بعد ثبات الوزن
و اهو كلنا مع بعض نشجع بعض
و بعد ال15 يوم

و دلوقتي بقى هضيف باقي انظمة اللقيمات للي تحب تتبع اي نظام منها
نظام اللقيمات للصيام
بعد اذان المغرب بناخد قبل الصلاه
اول وجبة لا محاله و بتتكون كلها من مشروبات
3 اكواب (كوب ماء +كوب عصير +كوب لبن +3 تمرات )
و ممكن اسبدال كوب منهم او نص بشوربه
او 2 كوب ماء و نص عصير و نص لبن ب 3 تمرات
و بعدين نصلي و نزكر الله
ربع ساعه
و ارجو الالتزام بربع ساعه
لأننا اخدنا وجبة كامله
جمعنا بين مقدار الطعام و الشراب
ثم
هناخد الوجبة التانيه
(كوب نشويات + نص كوب بروتين +كوب و نص سلطه )
و لو في اصناف كتير نحاول ما نتعداش الكوب و نص طعام
و الحلو 2 قطايف او 5 زلابيه
او مقدار علبة الكبريت من اي صنف اخر
ثم لقيمه كل ساعتين
و تبتدي بعد الوجبه ب3 ساعات
و مع كل لقيمه نص كوب عصير
و السحور
عباره عن 2 لقيمه مع بعض
كوب و نص ماء
ربع رغيف او نص حسب القدره
و علبة زبادي
و 3 معالق فول او بيضه او جبنه
و نص كوب سلطه
وو تقبل الله صيامكم و صالح اعمالكم
و ديه بقى الانظمه العاديه لرجيم اللقيمات
اليوم الاول :
6 لقيمات +2 وجبة لا محاله (ده الاسم الجديد للوجبه المرحه )+8 اكواب ماء (من 1 الى 5 اكواب شاي او نسكافيه او اي مشروب اخر – بكل كوب معلقة سكر ) الافطار الجمع بين 2 لقيمه + كوب شاي باللبن -ربع لبن بس باقى اليوم 4 لقيمات +وجبة لامحاله و قبل النوم بساعه وجبة لا محاله ا نص وجبه
اليوم الثاني :
3 وجبات لا محاله و لا يوجد لقيماتكل وجبه (كوب و نص طعام +و كوب و نص سلطه او سلطه و شربه + 2 معلقه حلوى)و لا ننسى تدريبات الحركه 3 دقائق كل ساعه
اليوم الثالث:
6 لقيمات بدون وجبة لا محاله كل لقيمه:2 كوب ماء +نص كوب مشروب اخر بينهم 5 دقائق اللقيمه+ قطعة حلوى صغيره (حجم علبة الكبريت ) +5 حبات سوداني او 4 _2 لوز نترك 5 دقائق بين كل صنف ملحوظه :المكسرات تاخذ بعد الوجبه و ليس قبلها
اليوم الرابع :
6 لقيمات :4 لقيمات فاكهه و فى نهاية اليوم 2 وجبه لا محاله كل لقيمه تتكون من :1-2 كوب ماء+ نص كوب اى سائل (شاى ‘عصير ‘ قهوه )اي حاجه بس لو بيبسي مره واحده بس + ثمره فاكهه او خضار + ( قطعة حلوى حجم علبة الكبريت ) + 5 حبات سوداني و وجبتى اللامحاله تتكون من (مكرونه او بيتزا + بروتين + 1 و نص سلاطه )و بينهما 3 ساعات
اليوم الخامس:6
لقيمات فاكهه او خضار مع نفس الاضافات (الماء + السائل + قطعة الحلوى + السوداني )اخر اليوم وجبة لا محاله و بعدها ب3 ساعات نص وجبة لا محاله
اليوم السادس:
يشبه يوم الصائم فمن صام يبدأ النظام من بعد المغرب و من لم يكن صائم قبل المغرب 2 لقيمه فقط و بعد المغرب 3 اكواب سوائل (كوب ماء + كوب شربه + كوب عصير )ثم الصلاه ثم وجبة لا محاله + الحلوى 00000000000و بعد 4 ساعات وجبة لا محاله اخرى او نص وجبه من نفس الاصناف
اليوم السابع :
اليوم كامل من البنفسجيات( فراوله -باذنجان توت احمر عنب احمر كرز )و هيكون توزيع اللقيمات و الوجبات كالتالي6 لقيمات :مثال: كوب فراوله او توست مع معلقة كبيره مربى توت او فراوله او كرز 00000او اصبع باذنجان (مخلل او محشي او مشوي وجبة اللامحاله:باذنجان محشى ملىء كوب و نص + كوب و نص سلطه + 3 تمرات + مربع شيكولاته* تحريك الدمبلز الى خلف الظهر 10 مرات بعد كل صلاه يفضل الاستماع الى سورة الاحزاب مره صباحا و مره مساءا

دى امثلة مختلفة للقيمات

1. اى ثمرة فاكهة " اى نوع مفيش اى حاجة محظورة خالص"
2. ثمرة خضار " اى نوع مفيش اى حاجة محظورة "
3. نص كوب لب
4. نص كيس شيبسى
5. اى نوع عصير " هتاخدى لتر على خمس لقيمات بشرط لا يزيد معدل السكر في اليوم كله عن خمس معالق"
6. كبشة فشار
7. اى مشروب به لبن مثل نسكافيه او سحلب اى حاجة
8. تلت الكف بيتزا " يعنى نص مثلث "
9. قطعة بسبوسة حجهما اد علبة الكبريت
10. لو عايزة تاخدى شاى بلبن في اللقيمات يبقى كوب شاى بلبن ويكون ربع كوب لبن والباقى شاى ومعاه ممكن تاخدى نص الربع رغيف ومعاه طبعا اى غموس
11. ممكن كوب لبن مع بقسماط ودى ممكن لقيمة في الصباح ولو هتكرريها يبقى هتكون لقيمتين يعنى هتاخدى كل حاجة فيهم كلقيمة
12. نص كوب شوربة خضار او نص كوب شوربة لسان عصفور
13. 2 برقوق او 1 برقوق ومعاها 2 ملعقة شوربة
14. نص كوب سلطة
15. واحدة زبادى
16. عدد 2:3 بسكوت
17. ربع رغيف او واحدة توست او اقل ومعاها اى غموس
18. 3 بلحات
19. تلت كوب عنب
20. نص كوب بطيخ او كنتالوب
21. قطعة صفيرة من الشيكولاته اد تلت الكف
22. نص كوب صغير من الايس كريم
23. ربع ساندوتش من الفاست فودز
24. نص كوب لبن
25. نص كوب عصير
26. خوخة واحدة
27. كبشة فنكوش
28. علبة تونة بس هتتقسم على لقيمتين
29. لو عايزة تاكلى سمك في وسط اليوم " مفيش ادنى مشكلة كليها بس تكون اد تلت الكف"
30. واحدة كحكة
31. اتنين ارصيا
32. بالنسبة لعصير القصب " نفسى فيه اشربى يا حبيبتى ولا يهمك " بس يكون اد نص كوب من بتاع البيت ملعقة شاى بللبن بودرة اللى هو نيدو ومعاه شاى
33. ربع رغيف مع بطاطس مسلوقة
34. اتنين صوبع محشى كل ساعتين
35. نص كوب فول نابت
36. ممكن تكون طول اليوم حلويات بس تكون اد علبة الكبريت ولو كيكة تكون اد تلت الكف
37. نص علبة تونة ولو هتاخدى معها عيش يبقى 1:2 معلقة بالكتير
38. لو هتاكلى كورن فليكس مع اللبن هتاخدى نص كوب كلقيمة
39. او نسكويك باللبن هتاخدى برده نص كوب لقيمة
40. الارز باللبن " تاخدى منه نص كوب كلقيمة "
41. قطعة شيكولاته اد علبة الكبريت
42. واحدة خوخة
43. . قطعة خبز (1/4 رغيف بلدي أو أقل، أو قطعة توست أو جزء منها) بها أي غموس (ملعقة فول – بيضة أو نصفها – ملعقة جبنة من أي نوع – ملعقة مربى أو عسل – ملعقة حلاوة طحينية
44. بعض حبات المكسرات (3- 5 حبات بندق أو لوز أو 5- 10 حبات فول سوداني).
45. ثمرة فاكهة أو خضار أو نصف ثمرة، ولا يوجد ما نحرم الناس منه؛ فيمكن تناول نصف ثمرة من المانجو أو الموز – ثمرة تين – 3 بلحات – 1/3 كوب عنب. 4.1/2 كوب بطيخ أو كانتلوب
46. نصف كوب صغير من الآيس كريم أو من الزبادي
47. نصف مثلث بيتزا أو ربع ساندوتش من الفاست فودز
48.

واللقيمات دى يا جماعة تاخديها كل ساعتين لحد قبل ميعاد الوجبة المرحة بساعتين
الوجبه

وللوزن اللى تحت 90 كيلو هتاكل الاتى
( نص كوب نشويات ومعاه نص كوب خضار ومعاه قطعة بروتين اد الكف ومعاه قطعة حلوى اد علبه الكبريت )
بصوا بقى النشويات في النص كوب عبارة عن ايه
1. اربع الى خمس معالق رز او مكرونة
2. نص رغيف عيش بلدى
3. حجم الكف رقاق او بيتزا
باللنسبة للمحشى للى فوق ال 90 كيلو هتاكلى 15 قطعة
واللى تحت ال 90 كيلو هتاكلى 12 ورقة عنب
ولو مشكل هتاكلى خمس ورق عنب ومعاها 3 كرنب ومعاها 1 بذنجان وحتة لحمة و كوب ونص سلطة
لو هتاكلى جلاش باللحمة هيكون اد الكف ولو معاها لحمة يبقى هتشيلى من الجلاش يعنى هيكون نص الكف جلاش والنص التانى لحمة
والحلوى بقى عبارة عن ايه
1. ممكن تكون بسبوسة اد حجم علبة الكبريت
2. قطعة جاتوه " بنفس الحجم اد علبة الكبريت"
3. 2 معلقة ايس كريم
4. اى نوع من الحلويات انتى نفسك فيه بشرط اد علبة الكبريت
5. طب انتى مش عايزة تاكلى حاجة حلوة مفيش مشكلة عايزة تشربى مشروب اشربى ممكن تشربى اى مشروب عادى بحجم كوب او ممكن تاخدى اى نوع عصير هيكون نص كوب
6. مش عايزة ولا عصير ولا مشروب ولا حاجة حلوة مش مهم خدى اى قطعة فاكهة
ومع كل ده هتاخدى طبق يحتوى على سلطة خضراء ومعاه معلقة زيت زيتون لعلاج الامساك

يا رب يكون النظام واضح للجميع
و اللي لسه محتاجه اي استفساااااار كلنا عيونا ليكي
و ديه يا بنات لينكات الاجزاء السابقه
https://fatakat.univanet.com/#3006893
https://fatakat.univanet.com/#3096828
https://fatakat.univanet.com/#3210147
https://fatakat.univanet.com/#3673980
و طبعا احب اوجه تحيه لعضوات الجروب الصامداااااااات للابد ان شاء الله
و الرباط ده
فيه قصص كفاح ناس مع اوزانهم
و شوفوا قوه الاراده و العزيمه بتعمل ايه
https://fatakat.univanet.com/#2631286

زيجادو زيجادو 508107_1.gif سوبر فتكات Fatakat 508107 مدينة نصر – مصر

بس رحت حجزت عند دكتور سامح زيتون عندنا في اسكندرية استاذ واستشاري التغذية بجامعه الاسكتدرية

وارتحت جدا لان اول مرة الاقي دكتور مش بيدي برشام مع النظام الغذائي
باذن الله هنزل معاه 16 كيلو يامسهل الحال يارب

اول يوم هيكون 15اكتوبر باذن الله

وده نظامة لو فيه بنات حابه تتابع معايا وهنزل كل اسبوع النظام الجديد باذن الله

الفطار
2 كوب ماء + نص لمونه+ ربع رغيق +فول وخيار وطماطم

بعد الفطار بساعتين
2 خيارة

الغذاء
2كوب ماء + ربع رغيف+ طبق سلطه + نص كيلو سمك مشوي او نص فرخه مشوية او مسلوقة

الساعه سته

2خيارة

العشاء
كوب زبادي منزوع الدسم+ تفاحه

طبعا الممنوعات معروفة للكل
والاسبوع ده مفيهوش لحمه ولا جبنة ولا لبن ولا نشويات غير العيش

يارب اكون افدتكم
واتمني تشاركوني حلمي

واسفه لو مفيش تنسيق عشان بكتب من الفون

القمر الاسكندراني القمر الاسكندراني 28224_6.gif فتكات ست الكل Fatakat 28224 الاسكندرية – مصر

فالاول احب اهنئ الفائزات معايا

روداين
:
أم آلاء
:
حفصة موسى

مش بس علشان خساره الوزن

لا كمان في الاهتمام والاستمرايه علي بقاءهم معانا

وكمان الالتزام بكل قوانين المسابقة

وطبعا دا الجزء الاخير في المسابقة

لمعرفة مين الفائزه بالكأس الذهبي

وهتحصل علي هديه فتكات لقسم الرشاقة

وان شاء الله دا النظام الاسبوعي

الفطار اليومي :

كوب لبن + 2 بيضة

او 2 كوب زبادي + ثمرة فاكهه

الغذاء اليومي

يوم و يوم

يوم :- طبق سلطة كبير + ربع كيلو جبن قريش

ويوم :- طبق سلطة + ربع فرخة من الصدر او 2 قطعه لحمة مشويه او 2 سمكة مشويه

العشاء اليومي

طبق خضار ني × ني من المسموح

او 3 ثمرات تفاح

التعليمات

الفطار من الساعه 9 : 11

شرب 2 لتر مايه يوميا

رياضة يوميه مش اقل من نص ساعه

لكي يوميا 2 ملعقة سكر

مسموح بتناول خيار او خس بين الوجبات

غاده الصايغ غاده الصايغ 14731_2.gif مديرة الموقع Fatakat 14731 القاهرة – مصر

ازيكم يا فتوكات يارب كلكم بخير وصحة عال العال
وكل سنة وانتم طيبين
رمضان فاضلوا شهرين يارب بلغنا رمضان واعنا على الصيام والقيام وختم القران

مين فينا مابيفكرش فى الجسم الرشيق

المرسوم مين فينا محلمش جسمه يبقى زى كده

مين فينا ماتعرضش لموقف حسسه انه محرج بسبب وزنه سواء حس دا بنفسه او حد سخيف استظرف وحسسه بيه حاسه انك تستاهلى تقدير من الناس حوليكى اكتر!

بتكسفى من نفسك

روحتى تعملى شوبينج مره ف محل شيك ولاقيتى حد بيبصلك بتهكم
وقالك لا يا فندم مافيش حاجه مقاسك او
بنت سخيفه عوجت شفايفها ايماءا انك اوفر اوى انك تفكرى تمسكى القطعه دى
ولا حدش قلك وانت بنت 20 سنه مثلا لا يا فندم دا بناتى امال انت ايه
رجعتى كام مره معيطه من مشوار زى دا
كام مره قررتى بكره هبتدى وبكره ده مابيجيش
تعبتى من الوقوف امام المرايا !!!
نفسك تبقى كده
تلبسى كده

تعبتى من الطلوع على الميزان كل 5 دقايق زى تمام

تعالى معانا هنا يمكن!!!نقدر نعمل شىء
فكرت فى الفكره دى من وحى البرنامج الشهير الرابح الاكبر اللى كلنا التفينا حواليه ومين معجبتهوش الفكره

فريقين

فريق احمر و فريق ازرق

مش مسموح بالدمار

وشعور الضياع والاحباط

اللى احنا بنحط نفسنا بايدنا فيه

المنافسه هتكون لذيذه طحن كفايه نكون مع بعض

المسابقه هيبقى دمها حامى و خفيف

وكل فريق هيحاول يرفع فريقه حتى لو غلس بلذاذه طبعا على الفريق التانى
المسابقة دي مدتها شهرين لحد رمضان عايزين نحقق شئ عايزين ندخل رمضان واحنا راضين عن نفسنا نوعا ما
كفاية اللي ضيعناه من عمرنا واحنا بنعاني من السمنة
كفاية ان احلى سنين عمري بتروح ورا الكم كيلو الزيادة اللي ماشيين بيهم
خليك قوية حليك شجاعة
كوني قد التحدي
وقولي للسمنة لاء
للتخن لاء
حخس باذن الله يعني ححخس
ومعانا ان شاء الله وبروح المحبة والاخوة حنقق حلمنا

اللي حابة تشارك اهلا وسهلا بيها معانا
تعرفنا عليها وتكتب طولها ووزنها ونفسها تخس كم كيلو قبل رمضان ان شاء الله
الوزن باذن الله يوم الخميس تبعتي في رسالة خاصة ليه انا رشروووش
ممنوع منعا باتا تقولي وزنك الجديد لان دي مسابقة
كل وحدة على اخر الاسبوع تبعت وزنها وانا اعملكم النتيجة ونحدد الفريق الفايز
اخر الموسم الفريق اللي خسر نسبة اعلى من وزنه حيكون مللك الموسم
واكتر وحدة تخس حتكون ملكة الموسم

مطلوب منك ايه ؟؟
الفريق الاحمر يكتب بالاحمر و دا اساسى

الفريق الازرق يكتب بالازرق ودا اساسى

كل واحد يتبع الدايت اللى حابه هو حر فى النظام بتاعه
مطلوب منك الحظور اليومي وكتابة اليوميات واتباع تعليمات القائدة
وزنك اوعي تاخريه يوم الخميس في رسالة خاصة ليه
الرياضة ضروووووري ضروووووري يوميا ولو صعب 5مرات في الاسبوع
مطلوب منك شريط وزن في توقيعك لو مش ممكن
اكتبه كتابة
مثلا
100…………………80
الرابح الاكبر الفريق كذا ؟؟؟
نتايج كل اسبوع حتبقى باذن الله يوم الجمعة واللي حتتاخر عن بعت وزنها حعتبرها ثابتة

كل اسبوع حتكون في رشيقة اللي خست اكبر نسبة من الوزن

كل اسبوع حيكون في تنافس ثنائي

في اطار المسابقة الكبيرة اسمه تنافس الفرس الرشيق
حيكون كل اسبوع بين وحدة من الاحمر ووحدة من الازرق
ومطلوب من كل وحدة تشجع بنت فريقها ههههه
اللي حتكسب حيكون من نصيبها لقب الفرس الرشيق
وحتكون رفعت راس فريقها

بنوجه تحية لصاحبة فكرة الموضوع دا هيلثي الغائبة حاليا لظرف طارئ وقريبا حترجع معانا وتنور الفريق ان شاء الله

يلا يا بنات مين معايااااااااااااااااااااااا كفاية اللي ضيعناه من وقتنا حنسيب التخن لحد متى ينهش في لحمنا لما بايدينا نحقق حلمنا

منتظراكم يافتكوتا يا عسلات يارشيقات باذن الله
اللهم لاسهل الاماجعلته سهلا وانت تجعل الحزن اذا شئت سهلا يامعيييييييييييين
هنا حنكمل المشوار يا ربحاويات ياجمال ربنا يقوينا حنزل تقسيمة البنات تاني

رشروووش رشروووش 295907_3.gif فتكات هايلة Fatakat 295907 بورسودان – السودان

glamoor glamoor 872822_2.gif ممنوعة من المشاركة Fatakat 872822 فى قلب الغالى – بيتى