التصنيف: الطبخ و الحلويات

السلام عليكم يا حبيباتي
وعدتكم بموضوع التشيكن رول
ودة كنت عملته مع المكرونة بالبشاميل وهتشوفوه بالصور
نبدأ بسم الله بالمقادير

نص كيلو بانيه تكون رفيعة مش تخينة
انا الراجل عملها تخينة ضربتها شوية بالنشابة (الشوبك)
عشان تبقى رقيقة وماتبقاش نية من جوة

دقيق بقسماط مطحون ومتتبل بملح وفلفل وكمون وشطة وتوابل
فلفل رومي مقطع زيتون شرايح
موزاريللا
بيضة
لانشون فراخ مدخن وممكن سوسيس متحمر
بصلة مبشورة ناعم
نيجي للطريقة

نتبل البصلة بالملح والفلفل والتوابل وكبابة صيني وليمون
ونضيف الفراخ ونتركها في التلاجة اقل حاجة ساعتين ممكن اكتر

نخرجها من التلاجة ونحط قطعة قطعة في الدقيق من الوجهين (اختاري القطع العريضة )

نضع فوق القطعة بطولها اللانشون والجبنة الموزاريللا والزيتون
ونبدأ نلفها رول مع محاولة قفلها

ونقفلها بخلة مؤقتا عشان لو ساحت الحبنة ماتخرجش برة

نحطها في البيض المخفوق مع ملح وفلفل
وبعدين في البقسماط

ودة شكلها بعد ما جهزناها للقلي وقفلناها

نقليها في زيت سخن وغزييير واهم حاجة لازم نوطي النار خااااالص عشان تستوي براحتها
يعني ممكن نسيبها كل جهة ربع ساعة او عشرين دقيقة
لغاية ما تستوي تماما وتحمر

ودة شكلها يا حلوين مع المكرونة

اول طبق لاحلى فتوكاااات في الدنيا
اسفة ماصورتوش من جوة اتاكل قبل ما يخرج من المطبخ
يا رب يكون طريقته عجبتكم
واستنوني مع التشييز كيييك
بحبكم

السلام عليكم ورحمة الله وبركاته

المقادير:

دقيق فاااااااااااااااخر (لااااااااااااااااازم فاااااااااااااااااخر)

الكيلو بيعمل 4 فطيرات

ماء

الكيلو بياخذ تقريبا 3 كوب ماء وممكن يحتاج كمان 0.25 كوب ماء اواكثر بقليل جدا حسب نوع الدقيق (المهم تحسى ان العجينه طرية)

0.5 ملعقة ملح

رشة سكر

الطريقة:

**نخلط الدقيق والملح والسكر والماء

**نعجن عشر دقايق على الاقل وكلما زادت فترة العجن كان افضل

**نتركها ترتاح قليلا

** نقطع العجين الى كور كل فطيرة 3 كورعلى الاقل وندهنهم كويس (احنا بنحبها راقات كتير وتخينة فباستخدم 5 كور)

**نغطيه ونتركه على الاقل 5 ساعات (ممكن تعجنيه بالليل وتغطيه وتحطيه فى الثلاجة للصبح وده افضل العجينة بترتاح خاااااااالص وبتريحك فى الشغل انا عملت كده)

**هنلاقى العجين ريح بالمنظر ده

**نحضر زبدة سايحة وزيت

والسر بتاعى

ان ان

تن تن

ترقب واثااااااااااارة وتشوييييييييييييق

باكو بيكنج بودر بيخلط مع الزبدة او السمن بيخلى العجين مورق وهش (جربوها على ضمانتى إن شاء الله تعالى)

**ممكن نفرد بايدينا بس النشابة (الشوبك) بتسهل اكتر

**بكل سهولة هنفردها من غير ما تتقطع إن شاء الله

**ندهن زيت على السطح اللى هنفرد عليه عشان متلزقش

**نفرد بالنشابة

**وبعدين نفرد اكتر لحد ما تبقى كلها دائرة رقيقة

**ندهنها بالزبدة

**نطبقها مربع

**نتركها على جنب

**ناخذ الكرة الثانية ونفردها مثل الاولى وندهنها بالزبدة

**ناخد المربع الاول ونضعه داخل الدائرة الثانية (حلو شغل الهندسة والدائرة والمربع والمثلث ده ههههه) ونطبقهم مع بعض

**هتصبح واحدة نضعها على جنب

**نفرد الثالثة

**ونضع المربع الثانى داخلها ونطبقها

**هتطبقيهم على بعض هتبقى بالمنظر ده

**نضعها فى صينية مدهونة بالزبدة

**نتركها تستريح ساعة ولو اكثر يبقى خير انا باتركها حوالى ساعه ونص (وفى اثناء ذلك اسخن الفرن جيييييييدا)

**نفردها بالمنظر ده هتتفرد معانا بسهوله ومش هتلم تانى ولو لمت يبقى عايزه تريح شوية (لسة تعبانة ياعيييييييييييييينى ههههههه)

**ندخلها فرن ساخن جدا نكون سخناه قبلها حتى تنضج وتحمر

علامة نجاحها ان بعد ماتحطيها فى الفرن بقليل تبدأ تنتفخ زى كده

**نرشها بقليل جدا من الماء وندهنها بقليل من القشطة او الزبدة
السايحة ونغطيها بالفويل ونتركها لتبرد قليلا لو بتحبيها دافية او لتبرد تماما لو بتحبيها باردة

جمال وطعم ولا الريحة امممممممممم

وطرى ملبن