رجيـــم الصــيام العكسي
من أجمل انواع الرجيم وعن تجربه
انا كنت 91 ودلوقتي والحمدلله 78
وصدقوني يا جماعه الرجيم ده نااجح 100%
فكرة رجيم الصيام العكسي
الامتناع عن الاكل نهائي من الساعه 5 واخرك 6
وبعد الساعـــــه 5 ممكن تشربي اي مشروب من غير سكر وطبعا الماء بمعني تاكلي كل حاجه وتوقفي عند 5 ولو عايزه نتائج رائعه خففي اكل وامنعي دهون وان شاء الرحمن هتخسي هتخسي لازم هتلاقي نفسك خاسه المفروض كيلوا وكل واحده علي حسب طبيعة جسمها
وبفضل الله الرجيم بيساعد علي تثبيت الوزن لفتره في حالة لخبطة الاكل اكتر من يوم
وعن تجربه والله يا جماعه لخبطت 10 ايام وكنت 79 وعند الميزان لقيت نفسي ثابته علي 79
صدقوني الرجيم ده هايل
احنا كنا جروووووووب حلوا قوي وكملنا وان شاء الله هنكمل لحد ما نوصل للمثالي
وكل واحده حابه تشترك معانا اهلا وسهلا بيها
لكن لو سمحتوا يا جماعه اللي عندها عزيمه وهتكمل مش يومين وخلاص
وانا كل يوم موجووووده معاكم وتحت امركم في كل حاجــــــه
فكرة الجـــــــــــروب
موجود معانا ثلاث أقسام
القسم الاول
فريق أم فارس
رجيم بالنهار وصيام بليل اللي عنده القدره يعمل كده
والكتابه باللون الاحمر الغامق
القسم الثاني
فريق مـامـــا نونو
((ربنا يشفيلها زوجها يارب))
وهو الصيام فقط
والكتابه باللون الازرق
القسم الثالث
الطـــــاعه
احنا اتعودنا نقول في تقاريرناقرآنا قرآن والاذكار والاستغفار وكل فروض الطاعه
والجزء ده ان شاء الله هنبدأ نحفظ مع بعض من اول سورة البقره واللي حافظ يراجع معانا
بنخس وبنذكر ربنا وبنسأل علي بعض وبندعي لبعض في ظهر الغيب
بجد يا جماعه ونعمه الصحبه
النظــــام الغذائي
انا من النوع مش بحب أتقيد بورقه واقعد استعد وكأني داخله حرب
انا النظام اللي عملته من أكل بيتك
الاول حابين الاسبوع ده كلنا نجرب الشوربه الحارقه تمام يا حلوين
يعني هتجيبي كرنبايــه كبيره وتعمليها وتحفظيها في الثلاجه وهتكون الوجبه الاساسيه
نبـــــدأ
هنتفق اتفاق الحاجات التاليه أساسيه
شرب 3 لتـــــر
الرياضه المشي في البيت ((2 ميــــل )) مفيش اسهل من كده رياضه
المشروبات
الخطه بتاعتنا(( المتبعين رجيم وصيام))
2 كوب ماء علي الريق يوميا
الافطار
طبق الشوربه + معلقتين جبنه أو فول أوبيضه مسلوقه +كوب شاي بلبن بسكر قليل +نصف رغيف
سناك
فاكهـه او خيار او جزر
الغداء
طبق الشوربه +قطعة الفراخ مشويه +طبق السلطه +طبق صغير من طبيخ البيت من غير دسم +نصف رغيف (او 4 ملاعق ارز او مكرونه)
سناك
فاكهــه أو خضار
العشاء
تقريبا بيكون نفس الافطار مع ربع رغيف
والاجمل علبة زبادي وتفاحه
وكده هنقفل يومنا علي الساعه 5 والحمد لله
طيب يا جماعه((( المتبعين الصيام فقط )))
2كوب ماء دافيء علي الريق
الاول هنخفف من السكريات والنشويات علي قد ما نقدر بالتدريج لحد ما نمنعهم خالص والاكل بتاعنا هيكون علي 5 وجبات في 2 سناك منهم فاكهه و3 زي ما قلنا تخفيف
وهنشرب ميه كتيـــــــره جدا
والرياضه طبعا
كده أكون وضحت كل حاجه خاصه بالجروب بتاعنا ياريت تشرفونا طبعا
اه نسيت اللي حابه تشترك تدخل علي طول تختار فريقها وتتبع التعليمات وتنزل تقريرها علشان الوقت
ورجـــاء خاص التزام بجد خدي قرارك ونورينــــــا
انا مستنيـــــاكم
om fares-saif om fares-saif 1073275_1.gif فتكات هايلة Fatakat 1073275 قنا – مصر
