الوسم: الجاهز

مواضيع هذا القسم برعاية

امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _

مستنياكم وجزاكم الله الف خير
مواضيع هذا القسم برعاية

.صفا القلب. .صفا القلب. فتكات نشيطة Fatakat 655348 جوه البيت – مصر

ازيكن يا احلى فتوكات بالدنيا

طبعا هتقولوا ايه الفزوره دى ازاى سريعه وطعمها احلى من الجاهز

وازاى مش مشويه وازاى مش متبله

السر بقى عندى

حكايتى بقى انى بموةت ف الفراخ المشويه وكنت باتجنن لما اعدى ف الشارع واشم ريحة افراخ المشويه طالعه من المحلات
لانى مكنتش توصلت للطريقه اللى تطلعها زى بتاعت المحلات بالرغم انى كنت جربت كل انواع التتبيلات وكنت باسيب الفراخ ف التتبيله وقت كبيرجدا وساعات كنت باسيب الفرخه تبات ف التتبيله وبرده مكانتش بتطلع طعم الجاهز المظبوط كنت باحس بطعم التتبيله اكتر من طعم الفراخ نفسها

وكنت كمان باشويها ع افحم

ايه الغلب ده كله

لغايت لما اكتشفت الموضوع بالصدفه البحته

كان عندى فرخه بلدى ف الفريزر طلعتها وسلقتها عادى جدا

وطلعتها من الشوربه وكنت هاقليها عادى برده ف الزيت وبعدين فكرت ان ادهنها عصير طماطم وزيت واحطها ف صينيه ع الرف الاوسط ف الفرن

وكله ده عشان كنت خايفه من طرطشة الزيت وانا باقليها

ولما اتحمرت ف الفرن طلعتها وحطتها ف حله كبيره ( غويطه) وحطيت جنب الفرخه ف الحله طبق صغنن فيه شوية زيت وكنت مجهزه فحمه كبيره مستويه ع النار حطيتها علطول ف الطبق الصغنن وبسرعه غطيت الحله وسبتها عشر دقايق

ولما فتحتها مكنتش مصدقه نفسي من الريحه اللى شمتها هى هى نفس الريحه اللى كنت باشمها قدام محلات الفراخ المشويه مع انى مش اول مره كنت باستخدم الفحم

سبحان الله

ومصدقتش نفسي اكتر لما ذوقت طعمها واكلتها ………ياااااااااه

دا احنا قضينا ع الفرخه كلها

وتانى يوم جبت واحده بلدى برده عملتها بنفس الطريقه

وطبعا مصمصنا العضم نفسه من حلاوة طعمها

من غير تتبيل ومن غير شويه وكمان بتستفادى من الشوربه

معلش مصورتش الخطوات

بس صورت الفرخه نفسها

نفسي بقى ف رودو حلوه وتقييمات لانى كتبت الموضوع 3 مرت وكل مره ع نهايته تيجى بنتى تمسحه بظغطة زر ع الكيبورد

سلام يا احلى فتوكات
مواضيع هذا القسم برعاية

د/كتافلاى د/كتافلاى 414375_2.gif فتكات ست الكل Fatakat 414375 القاهره – مصر

النهاردة كنت بطلب فول وكده فبقوله عندك ساندوتشات بطاطس فقالي فيه كذا وكذا وبطاطس مهروسة قلت له اللي هي بتبقى مسلوقة ومهروسة قالي لا دي دي البانيه حد يعرف ايه البطاطس المهروسة اللي بيبيعوها دي لني شفتها في منيو محل تاني دلوقتي برضو

والسؤال التاني في سمك اسمه سمك مكرونة أنا عمري ما جربته الراجل بتاع السمك قالي ما ينفعش إلا مقلي والكيلو بـ 35 وفيه 15 سمكة أصلي سمعت ان السمك ده بحري والبحري أحسن للصحة بس معظمها حاجات غالية فمش عارفة حد جرب السمك المكرونة المقلي ده؟

أصلي تعبانة شوية وهضطر أجيب أكل جاهز لأن الشغالة بصراحة أكلها مش بيعجبني وأهو أريح من المواعين والتسخين ومش عايزة أكلف جوزي برضو ربنا يكرمه

ويا ريت لو عندكم أفكار لأكل جاهز مش غالي وصحي برضو تقولو لي وربنا يكرمكم

وأنا عندي ميكرويف الحمد لله

فجبت 10 فول و10 بطاطس بس مش عارفة أسيب السندوتشات في التلاجة ولا في الفريزر لأني أنا اللي هاكلها غالبا لأن نفسي فيها بصراحة والراجل بياخد توصيل 3 جنيه فقلت أجيب كمية أحسن فطبعا مش هتخلص في يوم واحد ولا يومين مواضيع هذا القسم برعاية

معلمة الأجيال 1445هـ معلمة الأجيال 1445هـ فتكات هايلة Fatakat 964255 القاهرة -المعادي – مصر

اكيد كلكم عارفين ان اليومين الجايين دول هما موسم المشمش وبيبقي رخيص جدا ومتوفر في كل حته وبيعملوا منه المشمشية والقمر الدين بس طبعا الاسعار بتبقي غاليه جدا واكيد انتو عارفين

هاقولكم بقي علي سر من اسراري لطريقة عمل الحاجات دي في البيت وباقل من نص التمن

وممكن كمان تشتروا الفواكه دي من وكالة الجمله بالقفص وبكده توفري اكتر

ويلا علي الطريقه :

قمر الدين

شوفي يا ستي :
تجيبي المشمش وتراعي انه يكون سليم ومظهره كويس ومستوي (لامهري ولا اخضر )
اغسليه كويس اوي وبعدين ابدأي في شيل النواة

في حله صاج حطي طبقات مشمش وطبقات سكر لكل خمسة كيلو مشمش كيلو سكر
غطيه وسيبيه لتاني يوم او من الصبح لبليل هاتلاقيه نزل ميه كتير جدا
بعد كده ارفعيه علي النار في الاول عاليه لحد ما يغلي وبعدين خففي النار جدا وابداي تقلبه كل ربع ساعه لحد ماتلاقيه استوي وبدأ يتهري تقريبا

هنا بقي :

لو عاوزاه يبقي لفات زي الجاهز بتسبيه ينهري جدا وتديله ضربه في الخلاط وبعدين تجيبي ورق زبده تفرديه في صواني حافيتها مش عاليه( بتاع البيتزا ) وممكن صينية الفرن وتدهنيه زيت زيتون بكر وتفردي عليه الخليط بسمك نص سم ( الخليط بيبقي غليظ جدا ) وتسيبيه في مكان متجدد الهوا يوم او اتنين لحد ما يجف تماما وبعد كده تدهني الوش بزيت زيتون وتلفيه وتشليه

بس انا مش باعمل الخطوه دي انا باعمل الآتي :

بعد ما بيستوي علي النار باسيبه يبرد واعبيه في اكياس وعلي الديب فريزر علي طول بيبقي مش متجمد بيبقي عامل زي الجيلاتي كده عند الاستخدام باكسر منه حته علي اد ما انا عاوزه وازود ميه وسكر واضربهم في الخلاط واشربي احلي قمر الدين واعملي مهلبيه براحته ياستي

عمل المشمشية

تجيبي حبات المشمش المستويه السليمه اللي مافيهاش اي عيوب
تغسليها بمية جاريه كويس اوي

تغلي كميه من الميه علي النار وتحطي فيها بنزوات الصوديوم ودي بتيجي من عند العطار ( اجم بنزوات لكل كيلو من المشمش )

تحطي المشمش في الميه اللي بتغلي وتسبيه كده حوالي خمس دقايق
بعد الخمس دقايق تصفيه من الميه كويس اوي وتفرديه علي صينيه وتغطيه بشاشه نضيفه

تحطيه في حته فيها هواء متجدد وشمس ( مثلا البلكونه ) لمدة يوم واحد

تاني يوم تبدأي تشيلي النوايه بحرص من غير ماتبوظي شكل المشمشايه

وتحاولي انك تضغطي النصين كويس عشان يلزقوا ببعض
ترجعي تفرديهم تاني علي الصينيه وتغطيهم بالشاشه وتسبيهم في الشمس والهوا حوالي 4 ايام او لحد ما ينشفوا وطبعا ماتنسيش تقلبيهم كل يوم
بعد كده يتحفظوا في اكياس او برطمانات معقمه وعلي التلاجه

وبما انه اذا ذكرت المشمشية وقمر الدين لازم يذكر التين والزبيب فانقول طريقتهم بالمره ان شالله ماحد حوش هههههههههههههه

طريقة عمل التين المجفف

هي شبه المشمشية بالظبط

تختاري التين المستوي اللي مش طري اوي ولا اخضر اوي

تغلي الميه ومعاها البنزوات ( واحد جرام لكل كيلو تين )

تحطي التين في الميه لمدة خمس دقايق

بعد كده تصفيه وتفرديه علي صينيه وتغطيه بشاشه عشان الحشرات والتراب
تسيبيه في البلكونه عشان الهوا والشمس
يتقلب يوميا لحد ما ينشف ،تقريبا اسبوع
تحضري خلطه من نصف كوب من النشا ونصف كوب من الدقيق ونصف كوب من السكر البودرة
تنزلي التين فيهم لحد مايتغطي كويس اوي
وبعد كده يترص في طبقات بينهم رشه من الخليط السابق مع الضغط عليه باليد عشان يتلصق فبعضه

طريقة عمل الزبيب

تغسلي العنب كويس وتفرطيه حبايه حبايه وطبعا تستبعدي اي حبايه مش سليمه
تغلي مية وعليها بنزوات الصوديم جرام لكل كيلو عنب ومعاهم شوية زيت صغيرين عشان تدي لمعه للحبات
تنزلي العنب في الميه المغليه وتسبيه حوالي 3 دقايق وبعد كده تصفيه وتسيبيه لحد ما يبرد
يتفرد علي صينيه ويتغطي بشاشه عشان الحشرات والتراب
يتحط في الشمس والهوا اللي هي البلكونه يعني لحد ما ينشف بياخد حوالي 3 او 4 ايام
بس كده بعدها عبيه في برطمان او كيس وشيليه في التلاجه

اه خدوا بالكم العنب يكون البناتي الاخضر المصفر ده مش اللي ببذره هههههههههههههه

ماتنسوش في المشمشيه والتين والزبيب تبقوا تدخلوه بليل من البلكونه عشان الندي

مواضيع هذا القسم برعاية

فضفضة فضفضة images/avatars/peppers.jpg فتكات متميزة Fatakat 20992 محافظة الغربية – مصر