السلام عليكم ورحمة الله وبركاتة
عاملين اية يافتوكات
بتوحشوني جداااا
اولا مبدأيا كل فتوكة تدخل تطلع تقيم
وتدعيلي دعوة حلوة كدة ربنا يباركلي في اولادي ويوسع رزق زوجي
رغيت صح
نرجع للشيش طاووق
بجد وصفته سهلة وموفر وبيعجب الولاد اوووي
المقادير
نص كيلو صدور فراخ او بانية
بصلة
فصين ثوم
معلقة كاتشب
معلقة مسطردة
معلقة مايونيز
جزرة(اختياري)
معلقة خل
معلقة عصير ليمون
بشر ليمونة
نص كوب زبادي وتوابلك التحبيها بس مهم الزنجبيل معاهم
هتاخدي كل المكونات السابقة ماعدا الفراخ وعلي الخلاط واديدهم ضربتين وهي دي التتبيلة بتاعتك
ونتبل الفراخ بالتتبيلة بتاعتنا
ونسيبها من بالليل للصبح في التتبيلة في التلاجة
مهم اوووي نقع الفراخ في التتبيلة اطول وقت ممكن عشان الفراخ تشرب التتبيلة كويس وتاخد من طعمها
ادي الفراخ لما طلعتها من التلاجة بعد نقعها يوم كامل في التتبيلة
نقطع طماطتين مكعبات وفلفل وبصلة
ولو بتحبي البطاطس حطي
وفي الاسياخ الخشب بتتباع عند بتوع2.5
ونرص البصل والطماطم والفراخ والفلفل بالتبادل
ونرص في صينية
ده شكلهم بعد مخلصت الكمية
نصب عليهم باقي التتبيلة اوعي ترميها
ومعلقتين زيت واسيبها علي النار من فوق البوتجاز نار متوسطة تاخد صدمة بس عشان مش تنزل ميتها وتفضل جوسي من جوة
ده شكلها بعد ماخدت الصدمة ياحرام
نضيف ربع كوب ماء
ونغطيها وندخلها الفرن حوالي نص ساعة وشيلي الغطا
ولما المية تبدأ تنشف شغلت الشواية عليها دقيقتين
وده شكلها النهائي
غرفتها في السيرفيس وبرضو مننساش الصوص النزل منها بيقي طعمه خرافة
عملت جنبها مكرونة بالصلصة
وسلطة بابا غنوج
شويت البذنجان في الفرن
وضربت بصلة صغيرة وفصين ثوم وقرن فلفل احمر في الخلاط
وضيفتهم علي البذنجان بعد مشويته وقشرتة بس مش بشيل منه البذر زوجي بيحبه كدة
وضيفت معلقتين طحينة ومعلقة خل والملح وربع معلقة كمون
وده شكلة النهائي بشيلة دايما في علبة ثلاجة ويفضل محتفظ بطعمه اكتر من يوم
كدة خلاويص
يارب يكون الشيش طاووق عجبكم
بحبكم في الله
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _
