غدانا النهاردة سهل وجميل ويفتح النفس
وبيفكرنى بمحلات الكشرى اللى فى اسكندرية
اللى بتبيع كبدة وكشرى ومصرى
والحلو عصير قصب
صورة للغدا
الكشرى المصرى انا عملته قبل كده وطريقته فى اللينك ده
الكشرى المصرى السهل من مطبخ فتاة المهمات الصعبة
وكمان مخلل اللفت كنت عملت عليه موضوع قبل كده
ولا اطعم من مخلل اللفت والليمون من مطبخ فتاة المهمات الصعبة
ندخل نعمل الكبدة الاسكندرانى سهلة جدا جدا
نغسل الكبدة كويس ونسيبها تصفى ميتها فى مصفاة
نحط شوية زيت فى مقلاية وننزل بالكبدة لما الزيت يسخن
نشوحها كويس لغاية ميكونش فيها دم خالص
نجهز 3 فصوص توم ندقها كويس مع 2 فلفل اخضر حامى وشطة وكمون وملح
والكبدة بتحب الفلفل يكون لازم تكون مشطشطة
وننزل بالتوم والفلفل والبهارات على الكبدة ونقلبها ونغطيها ونهدى النار شوية
هى 10 دقايق وبتكون استوت
ونقدمها وممكن تعصرى عليها ليمون وقت الاكل
بتبقى تحفة وريحتها جايبة اخر الشقة
وده الكشرى
ودى صورة للاطباق كلها
يارب يكون الغدا عجبكم
وافدتكم ولو بمعلومة بسيطة
مواضيع هذا القسم برعاية
فتاة المهمات الصعبة فتاة المهمات الصعبة 190913_15.gif Fatakat 190913 الرياض – السعودية
