ازيكوا الاول
عاملين ايه
يارب تكونوا بالف خير وهنا
ويارب يرزق كل مشتاقه بالذريه الصالحه ويتمم حمل كل واحده حامل على خير
بصوا بقى انا متغربه فى الرياض كتبت موضوع قبل كدا انى مش بحس باعراض
انا دلوقتى على حسابات البيريود المفروض لسه بادئه الاسبوع السادس لان اخر بيريود كانت يوم 3-7-2015
المهم اول ماعرفت انى حامل قبل معاد البيريود التانيه بيومين كشفت عند دكتوره سوريه هنا واداتنى فوليك اسيد ودوفاستون
امبارح بقى كانت اول مره اكشف سونار مالقيتش الدكتوره السوريه دى قلت اما اروح لواحده مصريه احسن
اسمها منى فى مستشفى الجزيره لو حد هنا معايا فى الرياض
كشفت سونار بتقوللى ياااااااااااه كيس البيبى صغير اوى قلتلها مش انا المفروض فى الاسبوع السادس قالتلى لو على حساباتك دى هنزللك الحمل حالا مادام فى الاسبوع السادس ومفيش نبض انا عملت كدا
قلتلها امال ايه قالتلى السونار مبين ان الكيس فى الاسبوع الرابع ولسه البيبى مابانش تعاليلى الاسبوع الجاى لو مابانش هنزلهولك
كنت عاوزه اقولها ايه يا ولييييييه انتى حد مسلطك عليه ولا ايييييييييييييه
المهم قلتلها ماشى بقولها طب والدوفاستون والفوليك اسيد اعمل فيهم ايه قالتلى انتى اصلا بتاخدى دوفاستون ليه مادخديهوش غير لما اتاكد الاول ان الحمل سليم وفيه بيبى ونبض
انا بقى مش عارفه الوليه دى شككتنى فيها انا ماطمنتتش حد فاهم حاجه يفهمنى اروح لدكتوره تانيه ولا امشى معاها انا حاسه انها اول ما تشوفنى المره الجايه هتقوللى يلا على العمليات ننزله انا مرعوبه اوى من ساعتها على العلم ان انا العرض الوحيد اللى حسيته من بداية حملى وجع صدرى وكبره ووجع ضهرى والاتنين لسه معايا
طمنونى بالله عليكوا
حبيب روحى محمد حبيب روحى محمد 623102_1.gif فتكات هايلة Fatakat 623102 طنطا – مصر
سبحان الله و بحمده
