بسم الله الرحمن الرحيم
حبيباتي الحلويييين و الفتوكات المقلبظين ((مؤقتا يعني))
يارب تكونوا في احسن حال
مبدئيا ده مش اول جروب رجيم اعمله و ساعات مش بيكمل بسبب الكسل و عدم الالتزام
بس ان شاء الله المرة دي انا عندي اصرار اني اوصل و باذن الله هوصل
وزي ما العنوان مكتوب فية
((الاشتراك للجادات فقط ))
بمعني ان الي فعلا عاوزة تخس علشان نفسها و جوزها و حيتها تبقي افضل
اهلا و سهلا بيها و مرحبا
هتقول اسمها و وزنها و طولها و كمان هدفها
وتعقد النية بقلبها و تدعي ربنا يوصلها لهدفها
اولا انا مش بعترف بالرجيمات الكيميائية وده عن تجربة
الوزن الي بتخسريه فيها بترجعي تزيدي الضعف غير انها مضرة بالجسم
يبقي لازم الرجيم يبقي متوازن فية كل العناصر الغذائية
علشان الجسم يكون عضلات و في نفس الوقت يتخلص من الدهون
ثانيا ياريت كل وحده كده و بردوا انا حسبة و هسجلة عندي
تحسب كتلة جسمها
كتلة الجسم = الوزن (كجم) / مربع الطول(م)
النحيف < 18.5
طبيعي 18.5-25
زائد الوزن 25-30
سمنة درجة اولي 30-35
سمنة درجة تانية 35-40
سمنة مفرطة >40
و ياريت النتيجة تكون حافز لكي انك تخسر الوزن الزائد مش تزعلي و تقولي خلاص مفيش فايدة
ثالثا لازم نعرف ان فية ارتباط ما بين محيط الخصر و محتوي الدهون في البطن
و تعتبر قياسات محيط الخصر عالية اذا كانت مساوية او اكبر من 88 سم لسيدات
رابعا لازم نعرف ان:-
احتراق 1 جرام من الدهون يمد الجسم 9 سعرات حرارية
احتراق 1 جرام من البروتينات او النشويات يمد الجسم 4 سعرات حرارية
لذلك توصي منظمة الصحة العالمية علي التوازن الغذائي
بمعني ان الوجبة المتزنة يجب ان تحتوي علي 55- 60% من السعرات من النشويات (الحبوب الكاملة )
30- 35% من الدهون و 15% من البروتينات و يجب ان تبقي هذة النسبة ثابتة مهما انخفضت السعرات
((ملحووووووظة هامة))
البيانات الي انا كتبها منقولة من بحث خاص بالمعهد القومي لتغذية مش من دماغي
خامسا الرياضة ثم الرياضة ثم الرياضة من هنا لحد ما تقولي
رجيم صحي و سليم + ممارسة الرياضة = جسم جميل رشيق و مفيش ترهلات
و طبعا العكس صحيح
سادسا ياريت ناخد مقاسات الجسم بتعتنا و نخليها عندنا
وكل اسبوعين نقيس علشان نعرف الفرق لان حتي لو مش بتنزلي كتير علي الميزان بس هتلاقي فرق في المقاسات
محيط البطن العليا (الخصر)
محيط البطن السفلي
محيط الارداف
محيط الفخذ
محيط الذراعين
و بالتوفيق ليكم يا قمرات
يلا من الي عندها اصرار علشان توصل لهدفها
ومتنسوش التقيييييييييييييييييييييييييييييم احسن ازعل قوي
ام القمرين شوشو و بودي ام القمرين شوشو و بودي 144681_5.gif سوبر فتكات Fatakat 144681 القاهرة – مصر
سبحان الله و بحمده
