طبق لذيذ وبسيط ومميز فى العزومات بقدمة مع سلطة الزبادى بالخيار
وياسلام لو معاة لحم مشوي
او كتف ضانى مشوى فى الفرن 
الاكلة دى اول مرة اكلتها كنا معزومين عند ناس فلسطنيين ..الله يباركلهم
________ _________ __________ _______
سلطة زبادى بالخيار
المقادير:
حسب الرغبة لحم مفروم
بصلة مكعبات صغيرةجدا
بسلة
بهارات مطحونة (فلفل اسود ,بهارات مشكلة لحم ,رشة قرفة)
رز بسمتى
بهارت الرز حب صحيح(حبهان,قرفة ,ورق لورا, قرنفل)
لوز مقشر
الطريقــــة:
الاول : نحمص اللوز المقشر ونتركة يبرد تماما
ونتركة يبرد فى مصفى ستالس
*انتبهى انك ترفى اللوز من على النار قبل الوصول للون المطلوب لان حرارتة بتكون عالية جدا وبيكمل تسوية بعد ما ترفعية من النار علشان اللون مش يغمق ويديكى لون وطعم غير محبب للوز*
سلطة الزبادى :
زبادى
توم
ملح
زيت زيتون
خيار مبشور
نعناع مجفف
تخلط جميع المقادير
ويقدم
خليط اللحم:
1.هتحطى 1 م سمن وننزل باللحم المفروم ونحرك و تقلب لحد تنشف ميتها تقريبا
((انا بفضل لاى حشوة لحم مفروم ابدا الاول باللحم المفروم قبل البصل او اى اضافات سواء خضروات اوبهارت بيدى طعم وريحة احلى وخصوصا البصل بيكون احلى لانى بيكون دبل فقط مش اتهرى وكمان تكون اللحم نزلت ميتها وشربتها واتشوحت مع البصل))
2.نضع بصلة مقطعة صغير اوى ونضيف الملح والبهارات
ونقلب كويس تقريبا اللحم استوت والبصل دبل فى الاخر ننزل بالبسلة
انا بستخدم المجمدة مش بتاخد وقت
لان مش عاوزةلونها يتغير تفضل خضرا
نقلب مرتين تلاتة ونطفى وهى هتكمل سوا ومش تغطيها دلوقتى علشان اللون يفضل اخضر 
ثانيا :الرز
الافضضضل يكون بسمتى
الاول ننقع الرز فى مية وملح ومهم الملح علشان الحبة تفضل متماسكة ومش تتكسر بعد الاستواء
هنحط سمن بلدى مع المرق الافضل يكون شوربة لحمة ونضيف البهارات الحب الصحيح ونظبت الملح المرقة تفور جاامد هنصفى الرز وهنحطة فية لحد مايغلى جاامد تانى
على عين تانية هنكون حطين الشياطة وموطين النار
هننقل الحلة على الشياطة وهنغطيها ومش هنقلب تانى نهائى لحد ما الرز يستوى لشان الحبة مش تتكسر لانة بسمتى ومحتاجين نحافظ على شكل الرزة
اول ما يستوى هننقلة من على البوتجاز وهنكشف الغطاء لحد ما يتبخر كل البخار تماما وممكن وقتها نغطية تانى وشوفى باءة شكل الرز عامل ازاى ان شاء الله …
تقديم الطبق:
فى طبق كبير
هنضع طبق من الرز الابيض
فوقة
طبقة من خليط اللحم مع البسلة
اخر طبقة
كمية وفيرة من اللوز المحمص
دعواتكم
ربنا يشفى امى ويفرج همها …
مواضيع هذا القسم برعاية
نور…الايمان نور…الايمان 580804_7.gif برنسيسة فتكات Fatakat 580804 ____ – ___
