التصنيف: منوعات وترفيهات

الحمد لله كما ينبغى لجلال وجهه وعظيم سلطانه
ماشاء الله لاقوة الا بالله

ربنا يتمم خسسانى على خير
انا خسيت 45 كيلو لحد النهاردة

كنت 127 كيلو والحمد لله اصبحت 83 كيلو

بنات كتير بتبعتلى على الخاص او فى الموضوع هنا وتسألنى خسيتى 45 كيلو فى قد ايه؟؟

وحجاوب هنا
خسيت فى سنة
اتخضيتوا؟؟؟؟؟؟؟؟
حقول لكم
انا خسيت قبل كده 40 كيلو فى 6 شهور ونصف
بس كنت اعقل من كده كنت ماشية على رجيمات متوازنة
لكن المرة دى عملت كام مرة رجيمات كيميائية قللت الحرق عندى خالص وثبتت وزنى مرة شهرين.ومرة شهر ونص
وبعد ماكنت قبل الكيميائى وزنى بينزل 2 او 3 كيلو فى الاسبوع.بقيت بنزل نصف كيلو فى الاسبوع..او ما نزلش خالص
فاضل اخس 10 كيلو..ربنا يسهل بيهم
ما شاء الله فيه بنوته خست تقريبا 70 كيلو فى سنة
ربنا يمتعها بالصحة والرشاقة كمان وكمان
المهم الارادة
ومهما حسيتى انك بتضعفى وبتاكلى اكل غير اللى فى الرجيم..ارجعى علطول للرجيم وما تسوقيش فيها
واحرقى اللى عكيتيه بشويه رياضة
ولازم مش اقل من 3 اسابيع علشان تقدرى تلتزمى بالرجيم تمام من غير اى عك
اوعى تيأسى..كل يوم يعدى حتلاقى العك بيقل وحتتحمسى للرجيم اكتر واكتر

تعالوا نعمل ثورة على نفسنا وعلى طفاستنا وعلى كسلنا

نعمل ثورة علشان كل بنوته حلوة مننا تخرج من كورة الدهون اللى مخبية جمالها
ايه اللى يجبرك انك تكونى منكسرة..ومكسوفة من نفسك ومن جسمك
ان الله جميل يحب الجمال
فيه دكتور تجميل فرنسى بيقول
مافيش انثى مش جميلة..فيه انثى مش عارفة تظهر جمالها

الحمد لله ربنا يتم نعمته عليا ويبارك لى فى صحتى
كنت بصلى بصعوبة علشان ظهرى وركبى.وساعات كنت بصلى وانا قاعدة او واقفة..دلوقت بصلى عادى وبمنتهى السهولة
عندى نشاط اكبر من الاول
كنت بطلع السلم مش قادرة اخد نفسى ولازم ارتاح كل دور..دلوقت بطلع ونفسى منتظم وبطلع الدور الرابع مرة واحدة
كنت يا حاجة((حتى من ناس شعرهم كله ابيض)) دلوقت يا مدام..وواحد قال لابنى..شوفتك فى الشارع بس ما رضيتش اكلمك لان اختك كانت معاك
بلبس حاجات كتير كنت محرومة البسها..وبعد ما كنت زى شوال البطاطس ولا شوال القطن..بقى فيه تضاريس منسقة ..وشكلى بقى انثى بجد
احساسى ..انى كنت متكتفة فى بدلة محشية دهون..لاعارفة اتحرك ولا اعيش ولا اتنفس..ودابت البدلة دى وبقيت زى الفراشة ..ما فيش حاجة مكتفانى
بدل ما كنت بتكسف اكل قدام حد.((حتى الاكل القليل)).واستخبى واكمل اكلى بعيد عن العيون اللى بتراقبنى.وبتعد عليا اكلت ايه وتبالغ فى نظراتها حتى لو اكلت اقل من وجبة طفل صغير.دلوقتالكل بيقولى كفاية رجيم بقى وكلى

قولوا ما شاء الله.

.ربنا يتمم على نعمة الخسسان والرشاقة يارب بصحة وعافية انا وانتم كلكم يابنات

هاه….؟؟؟؟؟؟؟؟؟؟؟؟؟؟؟
عايزين نخس بجد..مين عايزة تخس معاي
عايزين نعمل رجيم ورياضة ونهتم ببشرتنا
بس المهم الرجيم اللى يخسسنا واحنا محافظين على صحتنا
مش نصلح مشكلة ونقع فى مشاكل تانية

ماشاء الله ولاقوة الا بالله
ربنا يبارك فى صحبتنا وصداقتنا
ويقلل فى وزننا بصحة ورشاقة
احنا هنا مش جروب رجيم وبس
احنا اصدقاء واخوات
.
.

اهلا بيكم فى الجزء ال48.

عندنا مرجع للفريق فيه كل الرجيمات
والتمارين

والوصفات الخاصة بالترهلات وعلاج السمنه الموضعيه وعلاج مشاكل البشرة والشعر ووصفات لسد الشهيه
الروابط فى توقيعى تحت.
.

وكمان اهى
مش خسارة فيكم

مرجع الرياضة
https://fatakat.univanet.com/#1362665

مرجع الرجيمات
https://fatakat.univanet.com/#1365734
مرجع العبادات
https://fatakat.univanet.com/#1368204
مرجع وصفات الجمال
.https://fatakat.univanet.com/#1270725
تقرير الاستمارةl
https://fatakat.univanet.com/#1277060

.اضغطوا على اى عنوان منهم حتدخلوا المرجع طوالى

الاستمارة

تتملى يوميا..ولو حصلت ظروف ما قدرتيش تدخلى يوم املى بتاعة اليومين.او التلاتة اللى غيبتيهم…خلاص؟؟؟؟؟

للاشتراك

لازم الجدية..اللى حينضم جديد حيكون فى الفريق الجديد لمدة اسبوع..لو اثبت جديتها وملا الاستمارة يوميا
ينضم للفريق الاساسى

اللى متقسم لفرق حسب التقارب فى الوزن

بنملا الاستمارة يوميا
الحاجة اللى عملتيها تمام تاخدى عليها درجتين..عملتيها نص نص تاخدى درجة واحدة..غير كده يبقى صفر
وبتجمعى الدرجات
وكل كيلو تخسيه تاخدى عليه درجتين
حنجمع مجموع درجات الاسبوع+درجات نزول الوزن
ونعلن اكتر واحده فى المجموع واقل واحده فى المجموع من كل فريق.وفيه هديه وفيه عقاب

الاستمارة اهى
وليها موضوع لوحده الرابط بتاعه فى توقيعى تحت

تاريخ اليوم
نوع الرجيم
مدى الالتزام بالرجيم: =
الرياضة(نوعها والمدة: =
تناول فيتامين او اى مكمل غذائى: =
شرب الماء =
شرب اى وصفة عشبية: =
الدلع والاهتمام بالجسم =
اداء العبادات=

المجموع=

ازيكم يابنـــــــــات

هادخل فى الموضوع عالطول

انا مش عارفه العروسه ليه بتستنى قبل الفرح باسبوع علشان تهتم بنفسها طب ازاى ؟؟؟

ازاى ممكن توصلى للنتيجه اللى انتى عايزاها فى بشرتك وشعرك وجسمك وشكلك العام فى اسبوع

حقيقى مينفعش لازم تظبطى نفسك على الاقل بشهرين
علشان توصلى لبشره ناعمه وشعر صحى وجسم متظبط ولاتخنانه ولا كمان وزنك قليل
ده برنامج ان شاء الله يساعدك فى تجميع افكارك واعملى منه اللى تقدرى عليه اهم حاجه تبدأى بدرى زى ماقولتلك علشان اكيد هاتحسى بالفرق
طيب لو انتى عروسه ولسه على فرحك شهور يلا ابدأى فورا علشان يبان عليك الاشراقه اللى انتى هاتكونى نفسك فيها

نبدأ بالبرنامج
الاسبوع الثامن قبل الزفاف:
ابدأي بأداء تمرينات لجسمك ووجهك فهي تساعد على ليونة العضلات لتجعلك انشط واخف حركة واستمري بذلك حتى موعد الزفاف ويفضل الاستمرار مدى الحياة فانت لاتحتاجين اكثر من نصف ساعة في اليوم لاداء التمارين وابتعدي عن التمارين العنيفة ويعتبر المشى رياضة مفيدة.

الاسبوع السابع قبل الزفاف:

اعملي تنظيف عميق لبشرتك واستخدمى مواد طبيعية لتخلص وجهك من الخلايا الميتة والرؤوس السوداء ولتنشيط الدورة الدموية بواسطة المساج واكساب البشرة ليونة واشراق..عليك عمل هذا التنظيف كل اسبوعين.

(نصيحتى زيت الخروع )لليونه والنعومه

الاسبوع السادس قبل الزفاف:
ان مستخلصات النباتات والاعشاب لها خواص عديدة فمنها مايساعد على الاسترخاء واخرى تساعد على زيادة النشاط ومنها مايساعد على تخليص الجسم من الفضلات, من الممكن استخدامها بعدة طرق اما بواسطة المساج او وضع بضع قطرات منها في ماء الاستحمام وبامكانك شرب بعض الاعشاب التي تساعد على الاسترخاء ايضا وتنظف الجسم.. و النوم في هذة المرحلة مهم جدا حيث يريح البشرة لذا ضعي بضع قطرات من زيت نبات اللافندر في حوض الاستحمام واسترخي لمدة 10-15 دقيقة في المساء لتنامي نوم هادىء عميق, ويمكن تكرار ذلك بعد يوم مرهق طويل. (مرتين في الاسبوع فقط).

الاسبوع الخامس قبل الزفاف:
في هذا الوقت يجب التوجة للكوافيرلاختيار التسريحة المناسبة لليوم الزفاف اولا, ثانيا:يجب العناية باليدين والقدمين واستعمال حمام من شمع البرافين(موجود عند العطار ) لتنشيط الدورة الدموية والتخلص من الخلايا الميتة والجلد الخشن وتكرار ذلك مرة في الاسبوع حتى موعد الزفاف مع تهذيب الاظافر لتظهر بشكل لائق. لاتنسي انه الموعد الثاني للتنظيف العميق للبشرة.

الاسبوع الرابع قبل الزفاف:
لاشك بانك اذا اتبعت الارشادات السابقة فستشعرين برضا نفسي نظرا للنتائج التي حققتيها لكن عليك المتابعة فالكثيرات يهملن انفسهن في هذة الفترة ظنا منهن ان العروس يجب ان تتالق يوم زفافها فقط. ففي هذا الاسبوع اهتمي بشعرك من خلال حمام زيت لاعطائه الحيوية والبريق.
نصيحتى لحمام الزيت (خروع/جرير/حبه البركه)
الاسبوع الثالث قبل الزفاف:
لقد حان الموعد الثالث لتنظيف البشرة ولكن ليس الاخير,ابتداء من الان عليك تحديد يوم في الاسبوع للقيام بالتالي:
1- عمل تنظيف للبشرة.
2- خلط ملعقة من زيت اللوز مع ثلاث نقاط من زيت اللافندر اذا كانت بشرتك دهنية اما اذا كانت جافة فاخلطي ملعقة زيت لوز مع ثلاث قطرات من زيت البابونج واستعملي الخليط لعمل مساج للوجه والرقبة لمدة10 دقائق. _استعمال قناع مناسب للبشره
الاسبوع الثاني قبل الزفاف:
بصراحه شايفه بنات هنا بتسأل على الكوافيرات ومحتاره وزهقانه وخايفه والحل ساهل اوى يااما تعمليه يا اما تسيبها بقى على ربنا وتروحى لكوافير معتدل فى اسعاره ولا انصحك ابدا بالكوافيرات الغاليه (حرااام الفلوس فيهم)
رووووحى للكوافير واعملى تجربه للميكب بتاعك اللى هاتعمليه فى نفس يوم الزفاف

عليك بتجربة المكياج المناسب ليوم الزفاف ويفضل ان يكون هادىء ويفضل ايضا الابتعاد عن احمر الشفاة الصارخ الذي لايتناسب مع لون فستان الزفاف الابيض (ولا تنسي اهمية تنظيف البشرة دائما من المكياج وخصوصا قبل النوم).

بقي اسبوع على الزفاف:
سيكون وقت محدودا في هذا الاسبوع لكثرة الضغوطات والتي ستخف بتنظيم الوقت من وقت مبكر ولكن عليك:
1-متابعة برنامجك لتنظيف البشرة الاسبوعي مع المساج والقناع..والجأي في هذا الاسبوع الى الراحة قدر المستطاع.
2-قبل الزفاف بيوم اجعليه خاص بك من دون أي التزمات (تذكري ان التظيم والتخطيط المبكر لكل شي سيساعدك كثيرا)..
اذهبي الى اخصائية الاظافر لتهذيبها واختيار اللون المناسب لطلائها مع مراعاة ان يتلائم مع لون احمر الشفاة الذي اخترتيه.
3-يفضل ان تقوم احدى المتخصصات في حمام العروسه (كالحمام المغربى والدلكه السودانيه )لازاله الخلايا الميته من البشره وجعلها تتنفس ومشرقه ولامعه
4-تخلصي من الشعر الزائد.
5-اعدي كل مايلزمك من مواد تنظيف وغيرة وضعيها في حقيبة صغيرة لتكون في متناول يدك عند الحاجة.
6-اعدي مايلزمك من ملابس.
7-اخلدي الى النوم باكرا بعد الاسترخاء في حوض الماءالدافىء مع اضافة زيت اللافندر وتناولي عشاء خفيف مكون من الفواكة والخضار.
يوم الزفـــــــــــــــاف:
حاولي اخذ اكبر قسط من الراحة قبل البدء في تصفيف الشعر ووضع المكياج..ولن يكون عليك سوى ارتداء فستان الزفاف والطرحة

باقه اخرى من النصائح
-اتبعي قبل موعد الزفاف بشهر كامل نظام غذائي يعتمد على الخضار والفواكه والاكثار من شرب الماء 00فذلك من شأنه المحافظه على رشاقتك00ويمنع جسمك من الانتفاخات00اضافه انه يترك بشرتك نقيه وصافيه00

-اعتني بشعرك بعمل حمامات زيت منتظمه ضعي بين ملابسك التي سترتدينها في الايام الاولى بعد ليله الزفاف صابون من نفس نوع العطر الذي ستستعملينه بعد ان تقسميها الى أجزاء صغيره 00فهذا يكسب الملابس رائحته ثابته00

-إذا كنت تعانين من أي مشاكل في البشره من حبوب وحساسية او عيوب00من المستحسن اللجوء لمختص قبل الزفاف بسته اشهر00

-الاهتمام والعناية بالبشرة لانها مرآة الصحة, فالارهاق وسوء التغذية لهما تاثير سلبي عليها حيث ستبدو باهتة وخالية من الحيوية بعكس الراحة والغذاء الجيد اللذين يقودان الى بشرة مشرقة ونضرة.

الغذاء الجيد هو الغذاء المتوازن الذي يحتوي على الحبوب والخضار والفاكهة والبقول,الابتعاد عن المعلبات والمصنعات والحلويات قدر الامكان ولاتنسي السوائل واهمها الماء الذي ينصح بشربة بكميات كافية يوميا (حوالي 6-8 اكواب) يوميا بين ماء وعصائر صحية طبيعية وليست مصنعة لتنشيط الدورة الدموية ومساعدة الجسم على اداء وظائفة على اكمل وجه والتخلص من الفضلات والحفاظ على ليونة البشرة.

التنظيف اليومي للبشرة واستخدام المواد الطبيعية في ذلك وذلك في كل صباح ومساء.
-عمل اقنعة مغذية ومرطبة للبشرة تكون من مواد طبيعية.
-تنظيف الجسم من السموم مرة في الاسبوع عن طريق احد الحميات المعتمدة مثل ان تخصصي يوم في الاسبوع تاخذين فيه سوائل فقط واقصد سوائل مفيدة وطبيعية مثل العصائر او يكون فواكة فقط

الموضوع منقول