بسم الله الرحمن الرحيم
مزيل عرق طبيعى.. Roll-on deodorant " Natural"
مشكلة المشاكل وخصوصاً فى الصيف ( مشكلة العرق ) وعلى فكرة العرق مش بيكون ليه ريحة.. أومال الريحة الكريهة دى بتيجى من إيه..؟؟ العرق دة إفراز فيه بيكتيريا طبيعى من الجلد أما الريحة فبتتكون نتيجة إن البيكتيريا بتزيد زعشان كدة يا حلوين نعود نفسنا إن ناخد شاور دايما أول بأول ونركز على تنظيف منطقة تحت الابطين كويس علشان نقتل البيكتيريا ونسيب الصابون او الغاسول عليها لمدة مش أقل من 3 دقايق
أنا جيبالكوا وصفة سهلة جدااااا وحلوة جدااا جدااا أنا سمعتها فى برنامج (التفاح الأخضر) وقولت أنقلها لحبايبى الحلوين
المكونات
2 معلقة كبيرة شبة مطحونة ( هتلاقيها عند العطار )
ماء ورد
معلقة بودرة نشا ( النشا العادية اللى بنستعملها فى الحلويات )
أى نوك كريم بس بشرك يكون سوفت ( يعنى غير لامع أو دهنى ) زى مثلا جونسون أو نيفيا سوفت أو كريم ميلك & هانى من أوريفليم أو أى نوع كريم تانى زى ما تحبى بس بشرط يكون سوفت
1-2 معلقة زيت عطرى ( زى اللافندر أو النعاع ) وبلاش أى نوع تانى عشان فى أنواع بتزود العرق
1- نخلط الشبة + ماء الورد وبعدين نصفيهم بقطعة شاش وناخد السايل منه بس
2- نخلط السايل دة مع بودر النشا مع التقليب
3- نخلط الكريم مع الخليط السابق وبعدين نحط عليهم الزيت العطرى
ملحوظة…. ترك الخليط فى التلاجة يومين قبل الاستخدام… وبعدها هيكون صالح للإستعمال اليومى من غير أى أضرار… وبالتوفيق إن شاء الله ورمضان كريم كل سنة وإنتوا طيبين.. وما تنسوش تدعولى أختكم مشمشة بحبكم في الله مواضيع هذا القسم برعاية
مشمشة كوكو مشمشة كوكو 365962_1.gif فتكات رائعة Fatakat 365962 مركز بدر – مصر
