السلام عليكم ورحمة الله وبركاته.
ازيكم يا اجمل فتوكات حبيت اقولكم على وصفة جديدة للكفتة ويارب تعجبكم.
اسم الوصفة : قالب الكفتة بالبطاطس.
المقادير :
1/2 نص كيلو لحمة مفرومة.
ملعقة كبيرة نشا.
بيضة.
ملح وفلفل اسود وبهارات .
بطاطس متقطعة رقيق جدا زى الشيبسى بالظبط.
فلفل الوان متقطع شرايح بالطول.
كوب زبادى وبيضة.
الطريقة :
هنخلط كل المقادير مع بعض اللى هى المفروم والنشا والبيضة والملح والفلفل الاسود
والبهارات بس كويس جدا وبعدين هناخد الخليط دا ونفرده زى السويسرول ونحط فى
كل لفة فلفل اول مرة مثلا اخضر…
ونلف اول لفة وبعدين نحط فلفل تانى يكون مثلا لونه اصفر ونلف تانى لفة زى
السويسرول بس كل لفة بنحط حاجة وهكذا لغاية لما نلف المفروم كله ويبقى معانا شكل
الاسطوانة …
بعد كدة بقى هنجيب كوب الزبادى ونحط عليه بيضة ونضربهم كويس مع بعض بعد
كدة هنجيب قالب التوست ونحط فيه شوية مش كتير من الزبادى بالبيضة وبعدين
نجيب البطاطس ونغلف رول اللحمة المفرومة كله بالبطاطس ومن كل الجوانب وبعدين
نحط الرول فى القالب ونضيف على الوجه باقى خليط الزبادى والبيضة وندخلها الفرن
على درجة حرارة 180 لغاية ما تستوى وبألف هنا وشفا.
ويارب تعجبكم.
مواضيع هذا القسم برعاية
ام امين2 ام امين2 212363_2.gif فتكات هايلة Fatakat 212363 المنصورة – مصر
