السلام عليكم حبيباتى ف الله
اختكم ف الله جيبلكم عزومتها في شهر رمضان الماضى
واللى حازت ع اعجاب جميع الحاضرين والحمد لله العلى العظيم
انهم كانوا قرايبى ههههههههه عشان التلبك المعوى وكدة يعنى اليكم
اخواتى ف الله الصور مع الشرح لكل صنف باذن الله(معلش الوجبات اتحطت كدة من غير سرفسة وكمان فى الفرندة مش ف اوضة السفرة يلا خلى البساط احمدى )المرة الجاية هبقى اخد بالى وبعدين المعازيم مكنوش حد غريب ههههههه وادبسوا واتحسبت عليهم اكلة هههههههه وخلاص
ودى الصورة الثانية
1..بامية باللية مع لحم بلدى
2..مكرونة باشاميل 3..ارز بالكبد والقوانص 4..بطة محشية 5..كفتة عاملة نفسها مشوية
6..كوسة باشاميل 7..فراخ منقوعة ف الصوص من باليل 8..ممبار 9..بطاطس محشية لحمة مفرومة 10..ارز معمر بقطع من فيلية الدجاج
11فراخ بلدى محمرة 12..شوربة لساان عصفور
13..مسقعة باللحم المفروم 14..عيش خابزاة انا واختى (لومى حبى) وطبعا يا فتاتيك يا حلوين بالاضافة الى السلطات واللذى منة طبعا سلطة خضراء وسلطة طحين بالثوم و….. والله منا فاكرة المهم المعازيم هيقوموا منفوخين منفوخين هههههههههه
المهم اليكم الشرح يا اخواتى بالتفصيل الممل عشان اخواتى ف الله اللى بعتولى بيستفسروا ع طريقة عمل الممبار والمحشى و……. مش فاكرة والله المهم انا معاكم واحدة واحدة واللى عايزة اى اى استفسار تسال وانا تحت امرها والله العظيم
1.. البامية باللية واللحم البلدى
تشوحى البصل مع الزبدة الصفراء اكرر الصفراء مع قطع من اللية وان لم يوجد اللحم البلدى اللى عندك
وبعدين تحطى الصلصة وبعد التسبيك تحطى البامية وبعد متغلى بحبة حطى توابلك (الفلفل الاسود توابل اللحم الملح)
وبعد متغلى بحبة انقليها فى طاجن وع الفرن طواللى يا فتوكة (ممكن دى تكون طريقة الكل عارفها بس ف طرق للاصناف الجاية جديدة ومختلفة باذن الله)
2. .مكرونة باشاميل
انا اللى بيسعفنى فى رمضان انى بكون مجهزة اللحم المعصج وحملاة على هيئة دوائر قد الصنية بالظبط بطلعة من الفريزر وانزع الكيسة البلاستيكية من علية واحطة وهو قرص مجمد علطول (هتلاقوها فى تكاتى الجزء التانى تقريبا) كدة العصاج جاهز والمكرونة تكون جهزت واتسلقت نيجى بقة للباشاميل تسيحى زبدة مع سمنة بلدى مع زيت كريستال وتحطى الدقيق مع التقليب المستمر واوعى تنشفى الدقيق يعنى تخلية سايب وبعدين تحطى السائل ويكون نص السائل دة لبن ونصة التانى شوربة لحد ميتماسك الخليط ونطفى ويبتدى يبرد نحط 2 بيضة متبلة ع الخليط ويتم التقليب وبعدين تعملوها بقة بالطريقة اللى انتوا عارفينها تمام
3.. ارز معمر بالكبد والقوانص
نضع الزبدة الصفراء ف المقلاة الغويطة ونقلب ثم نضع قطع البصل الصغيرة (2 بصلة متوسطة) ونقلب حبة بسيطة يعنى متخليش البصلة تتحول للون الوردى تمام وتحطى الكبد والقوانص المقطعة (الغير مسلوقة ) ونقلب ايضا ونضع توابلنا ما عدا الملح حطية ف الاخر (فلفل اسود توابل للحم) ثم نكون محضرين ف الطاجن اللبن بتاعنا بعدد اكواب الارز وزايد نصف كوب عشان لما تتحط فى الفرن بتتبخر فاهمين يا فتاتيك وبعدين نحط قطع القوانص والبصل على اللبن ف الطاجن ونحط الملح وبعدين الارز المغسول وبعدين نحط زبدة قطعة صغيرة فوق الوش وبعدين ف الفرن ونسيبة جواة الى ان يتشرب نضع من فوقية القشطة
ي
ت
ب
ع مواضيع هذا القسم برعاية
الامورة جودى الامورة جودى 560620_6.gif فتكات ست الكل Fatakat 560620 الاسكندرية – مصر
