السلام عليكم ورحمة الله وبركاته
ازيكم جمعيا يا احلى فتوكات يارب تكونوا فى اسعد حال ..
العيد خلص وكل سنة وانتوا طيبين واكييييييييد كلنا زهقنا من
اللحمة عشان كدة قولت اغير شوية واعمل نوع سمك يكون خفيف
وطبعا مفيش اخف من سمك التونة وطعمه روووووعة
كفاية رغى وتعالوا شوفوا الطريقة ….
المقادير
سمك تونة
ننظف بطنه ونعسله كويس جدا ويكون كده
شبت- بقدونس- كرفس- فلفل اخضر- طماطم- ثوم- ليمون- بصل
زيت- فلفل اسمر- كمون- ملح- بطاطس
هنضرب كل الخضار ده ضربة واحدة فى الكبة او نقطعه صغير جدا
ماعدا البطاطس هنقطعها شرائح ونضيف التوابل والزيت وتكون كده
وبعدين نجيب التونة ونحشيها من جوا بالخلطة ..كده
هنعمل فرشة للسمك عشان متلزقش فى الصنية وهى عبارة عن
شرائح بطاطس وطماطم وبصل ليمون وباقى الخلطة اللى حشينا بيها السمكة
بشكل ده
نرص السمك فى الصنية مع شوية زيت
ودى اقرب
بعد كدة ندخلها الفرن لمدة نص ساعة وتكون كدة
وكمان صورة
عملت معاها رز بنى بالقرفة والبصل وسلطة خضرة
ملحوظة
عملت بالسكينة فتحات من بره السمك وحشيته ثوم بالكمون والليمون
يارب تكون عجبتكم
وفى انتظار دعوة حلوة
وبالهنا والشفا مواضيع هذا القسم برعاية
توتة 74 توتة 74 22074_7.gif فتكات هايلة Fatakat 22074 الاسكندرية – مصر
