فتوكاتى حبيباتى
اسعد الله مساؤكم بكل خير ويارب تكونوا جميعا فى احسن الاحوال
الوصفه النهارده سهله وبسيطه جدا وطعمها وهمى بجد لازو تجربوها بالطريقه دى وهتقولو ودااااااااعا للفطير اللى بنشتريه من بره وهنستغنى كمان عن البيتزا ونرتاح من العجن وخاصه انه فى مننا كتير مش بتنجح معاها المعجنات
ده الى جانب التوفير الجامد جدااااااااااا بس ساعتها مش تنسى تدعيلى
قبل ما ادخل فى الموضوع احب الف نظركم الى انه الاساس فى الفطير انه بيبقى مش تخين يعنى مش راقات كتير وهنا هتلاقو ان لقه الجلاش عملت معايا صاجين عشان مش تخافى يا فتوكه انه هيبقى رقيق اوى لالالالا خالص هيبقى زى بتاع بره لالا احلى منه 100 مره
انا عملت فطيره بالسجق
وفطيره بالخضار والمشروم
اتخنقتوا منى صح يلا بسم الله ندخل على المفيد
المقاااااااااادير
لفه جلاش
طماطم مقطعه مكعبات صغيره
فلفل اخضر مقطع صغير
زيتون
جبنه رومى مبشوره
جبنه موتزريلا
انا استخدمت سجق لحشو الفطيره انتى ممكن تعملى لحمه مفرومه او الحشو اللى تحبيه
مشروم
كوبايه لبن
بيضه
سمنه سايحه
الطريقه
اول حاجه جهزت حشوه السجق قطعته صغير شوحته مع بصل وطماطم على النار لغايه لما شرب ميته ونشف واللى حابه تشوف الطريقه بالصور هتلاقيها فى الرابط ده
السجق الاسكندرانى من مطبخى طعم تانى واكيد بالصوور
https://fatakat.univanet.com/#2769271
بعد كده بطنت الصاج بتاعى بورق فويل ودهنتها سمنه
خدى بالك من اللى جاى وعدى معايا هههههههه
فردت ورقتين جلاش وما بينهم طبعا سمنه
فردت ورقه تالته ودهنتها معجون طماطم مع السمنه
فردت ورقه رابعه ووزعت عليها حشوه السجق
بعد كده فردت ورقه خامسه فوق حشوه السجق ووزعت عليها طماطم وفلفل اخضر وزيتون ورشه جبنه خفيفه مش كتير
بعد كده اخر ورقه وكبست كويس ودهنتها سمنه
قطعت الجلاش
دخلته الفرن اللى كان متسخن كويس اوى على حراره 180 عشر دقايق بس
ضربت البيضه مع كوبايه اللبن
طلعت الفطير من الفرن سقيته بنص كوبايه اللبن مع البيضه ووزعت على الوش طماطم وفلفل وزيتون ورشيت الجبنه
دخلته الفرن تانى لغايه اما الجبنه ساحت وطلعته
بنفس الطريقه والترتيب عملت اللى بالخضار والمشروم
ندخل بقى على الصوووووووووووووووور
ودى الخضار والمشروم
ودى الصور النهائيه قبل ما تدخل الفرن
بعد الفرررررررررررررررررررن فطيره السجق
زوووووووووووووووووووووووووووووم
ودى اللى بالخضااااااااااااار
بجد ريحتها تجننننننننن وطعمها تحفه بجد جربوها على ضمانتى وهتعجبكم جدا ان شاء الله
مستنيه تعليقاتكم اللى هتسعدنى والتقييم لو استاهل ودعوه فى سرك بكشف الكرب
والى وصفه اخرى دمتم فى حفظ الله ورعايته مواضيع هذا القسم برعاية
ام لؤلؤ وميوره ام لؤلؤ وميوره 215892_3.gif فتكات ست الكل Fatakat 215892 مملكتى الخاصه – الدنيا الواسعه
