الوسم: المجنونة

ازيكم يا احلي فتوكات في الدنيا يارب تكونوا كلكم بخير يارب

طبعا وحشتوني موووووووووووووووت ومعلش للغيبة الطويلة بس انا في امتحانات ( دعواتكم )

طبعا زي ما اتفقنا قبل كدا في الجزء الأول والجزء التاني والجزء التالت ياحبايبي
أن كل حاجه هستفاد منها وانا بجهز وباخد قرارتي لمستقبلي السعيد ان شاء الله

أكيد هفيدكم بيها معايا

وبسرعة دي لينكات الاجزاء السابقة للي تحب تاخد فكرة

قرارتي المجنونة هتخليني احلي وارق عروسة بالصور … الجزء الاول ( الطرحة )

قرارتي المجنونة هتخليني أحلي وأرق عروسة بالصور .. الجزء الثاني ( شكل وشي مع طرحتي )

قرارتي المجنونة هتخليني أحلي وأرق عروسة بالصور .. الجزء الثالث ( انا اميرة بفستاني)

قرارتي المجنونة هتخليني احلي وارق عروسة بالصور … الجزء الرابع ( تقفيل الفستان )

وهتلاقوهم بردو في توقيعي تحت

__________________________________________________ _______

النهارده باذن الله هقولكم علي قرارتي وهشركم معايا فيها بخصوص اكسسواراتي

وياله بسرعة نبدأ نتكلم عن الاكسسوارات

شوفوا يا حبايبي بعد الفستان بيتطلب نظبطله اكسسوارته عشان نقفله كله ويكون جاهز للفرح ويخليكي احلي واجمل عروسة

والاكسسوارات دي بتكون عبارة عن

1- اكسسوارت ( الحلي ) + اكسسوار الطرحة
2- الشوز بتاعك
3- الورد بتاعك يا وردة انتي وهي

نتكلم بقي عن كل واحدة

1– اكسسوارات ( الحلي )

هتلبسي ايه خاتمك .. انسيالك .. سلسلتك !!

بصوا يا حلوين اولا ممنوع مانعا باتا بتاتا وخلاص ونهائي

واحدة تلبس دهب علي فستان الفرح

هجيب الفتوكات كلهم وهاجي اضربها في فرحها

بصوا يا حبايب قلبي لا ينكن ابدا تلبسي دهب وفستانك ابيض في سيلفر ( ده شغل فلاحين متزعلوش مني في الكلمة )

وبعدين واحده هتقولي ما انا هيلبسني عريسي الشبكة في الفرح !!

طيب يا ستي علي راسنا من فوق

بس امانه عليكي اول ما تاخدوا بريك اقلعيها وربنا شكلها بيبقي مش حلو خالص في الصور وده يوم لايمكن يتعوض

خلاص الناس عرفت انك جالك شبكة والله خلاص بقي يا حبيبتي
عشان ذكرياتك تبقي فيها ملكة

طييب هنلبس ايه ؟؟

اولا تشوفي فستانك وبعدين تقرري

يعني لو فستانك مطرز من عند الصدر .. يبقي هتحطي فين السلسلة !!!
ملهاش اي لازمة ولا ايه ؟؟

طب لو شيفون وحاجه سمبل اوووي .. او الفرح منفصل ورقبتك هتكون باينه
وماله هاتي حاجه بس حاجات عروسة بقي مش ام اتنين ونص دي

زي كدا

ولا كدا

اه انا مش هقولك ان الحاجات دي هبتقي رخيصة بس لو سيلفر لامع هيكون في المعقول

مش قادرة تجبيها

بلاش خالص وبردو هيكون شكلك قمر والسمبل مفيش احلي منه والفستان 99 % مش بيكون محتاج سلسلة
لان فكرة الجبير من فوق دي معدومة تقريبا في الفساتين المصرية وهتلاقيهم مطرزين من فوق

وهتبقي كل اللي محتاجاه حلق هتاجريه من الكوافير

تمام طيب والانسيال .. ؟؟

شوفي يا حبيبتي لو البدي بتاعك مطرز .. يبقي لا والف لا
لو انتي كمك جبير او واسع زي ما شفنا في الاجزاء قبل كدا يبقي بردو لاء

طيب لو كملك ضيق ومش مطرز ( وده مستحيل عشان احنا بنموت في التطريز في مصر ) يبقي تلبسي حاجه سمبل قريبة من تطريز الفستان ولو جايبة سلسلة يبقي تجيبي طقمها اللي فيه الانسيال

طيب الخاتم

يفضل تلبسي خاتم عسول كدا في الايد اللي عكس الدبلة

وياريت يكون ناعم مفيهوش فصوص بارزة ولا كبيرة . لا دوران ناعم كدا حتي لو كبير وفصوصه غايرة عشان متشبكش في حاجه

و يكون ناااااااااااعم

زي كدا

ويكون طبعا ماشي مع الفستان او الطقم اللي انتي لابساه

كدا فلة ؟؟!!

ندخل بقي علي اكسسوارات الطرحة

أي ان كان شكل الطرحة اللي هتعمليها لوشك اكيد هتستخدمي فيها نوع طرح يا اما ساده يا اما مطرز

لو سادة اللي هو التل السادة ..
مفيش مشاكل لو تحطي اكسسوار فوق
بس يايت يا بنات يكون في المعقول
عشان مش يداري علي جمل وشك
ويبقي كل الناس بتبص عليه وسيبينك انتي بلاش افورة

وياريت كمان ( وده شئ اساسي ) يكون ماشي مع شكل وشك
مش تسيبي بتاعة الكوافيرة تلزق اي حاجه وخلاص

خليكي ناصحة وفاهمه جمالك هيكون فين

يعني لو كان وشك مطاويل

ياريت تبعدي عن الحركات اللي بطول الوش اكتر

زي كدا

او كدا

دي حركات بطول الوش وديي بيعملوها اللي وشهم مدور

اما بقي الوش المطويل

فالاكسسوار اللي بيكون داير ما يدور .. هو ده اللي بينفعهم

زي كدا

ده بيقلل طول الوش بس مش قوي الصراحة

بردو بيبقي باين الطول

وفي حركة رقيقة وحلوة اوووي وتنفع للوشين والاخص الوش المطاويل

وهي اني احط اكسسوار صغير علي الجمب

بتبقي حلوة مووووت ورقيقة جداااااااا .. ودي انا هعملها ان شاء الله

بصوا كدا

عسولة اوووووووووووي

طيب واللي هتستخدم طرحة منقوشة

اياك تفكري اصلا في حاجه تتحط

الطرحة جمالها فيها يبقي تسبيها زي ما هي

زي دول كدا

بذمتك هتحطي فين تاني .. بلاش تبوزيها بقي

هي كدا حلوة اووووي

وبكد ه احنا نكون خلصنا اكسسوارات الطرحة و الحلي وازاي نختارهم

ياله يا جميلة لو عجبك الموضوع قيمي ( التقييم تحت اهو )

واستني الباقي للشوز والورد في المشاركة 1 و 2

بحبكم في الله يا حبايبي

وبليز ساعدوا البنات التانية لاني بتسال كتير في الاسئلة دي
فقيموا عشان يشوفوا الموضوع

التقييم تحت اهو بلاش كسسسسل

د / شهد الحياة د / شهد الحياة 703527_2.gif فتكات متميزة Fatakat 703527 القاهرة – مصر

أزيكم يا فتوكات

احب أعرفكم بنفسي اولا علي السريع كدا

أنا أسمي شهد الحياة وان شاء الله فرحي هيكون في 23-8-2015

أدعولي كتير ربنا يتمللي بخير واني اخلص شقتي واخلص جهازي

انا قولت بقي كل حاجه هستفاد منها وانا بجهز وباخد قرارتي لمستقبلي السعيد ان شاء الله .. هفيدكم معايا

نيجي بقي بعد الرغي ده كله ونيجي لفكرة مجنونة انا قررتها وهي نادرة في عيلتنا وفي منطقتي تماما

وهي موضوعنا النهارده

انا قررت (( اني اكون محجبة شرعي في فرحي ان شاء الله ))

!!!!!!!!!!!!

بتبصولي كدا لييييييييييييييييه ؟؟

ايوا انا الصراحة مش منتقبة بس بردوا افضل اني اكون محجبة شرعي في فرحي

من الأخر يا بنات انا كرهت شكل الاسبانش في الأفراح بجد بيبقي شكله وحش ورقبة الواحده بتكون باينه وسبحان الله بتبقي فيها البنوته مش حلوة زي الحجاب العادي

والله الحجاب العادي البنوتة فيه بتكون زي القمر

تعالوا افرجكم شوية من مقاسي الطرحة الاسبانش في الفرح

تلاقي فجأة زي كدا باقي الطرحة هتخبيه فين بتاعة الكوفيرة ؟؟
تقوم مكشكشهولك علي جمب (( الله الله ))
طب وايه ظروف الطرحة اللي ورا مع البقليلة اللي طالعة في الجمب دي ؟؟
وتأتي المأساة الكبري (( الاوصة … انا الصراحة هسيبلكم انتم التعليق فيها !! ))

خلاص الست صاحبة الكوفيرة رضيت عن العروسة ومش هتعملها بقليلة من الجمب
اذ فجأة تلاقي البقليلة بقت ورا

ليييييييييييييه يا ماما لييييييييييييييييه ؟؟؟

وتأتي المأساة الكبري (( الاوصة … سيبوني في حالي انا مش هعلق !! ))

نيجي بقي للطامة الكبري اه والله العظيم مصيبة بجد
انا محضرتش فرح الا لما شوفت فيه كدا

تلاقي العروسة طرحتها تمام ومظبوطة ولاول مرة مفيش قصة الحمد لله

وتيجي اول واحده تباركلها وتقوم واخداها بالحضن واموه اموه
وبس
وشكرا

الحلوة بحضنها ده شديتلها الطرحة وعشان الطرحة بتبقي متثبته في الطرح البيز
بتقوم مشدودة وراجعة ورا
ولا خمسميت واحده في الفرح هتعرف ترجعلها تاني
وبقت الطرحة طول الفرح زي الاخت اللي فوق دي كدا وشكرا

طب لييييييييه يا بنات ؟؟؟
انا والله شايفة ان العروسة في رقتها بتكون احلي عروسة

وانتي راضية ربك بتكوني احلي واحدة في الكون والله يا حبيبتي

انتي في عين زوجك احلي واحده في كل البنات دول وعشان كدا اختارك انتي
(( مش ده كفاية يا قلبي ؟؟ ))

تعالوا شوفوا احلي رقة للبنات المحجبات حجاب شرعي

وقولوا رأيكم بصراحة يا اغلي اخواتي

بسم الله ما شاء الله منتهي الرقة والجمال

وطبعا منستش احلي اخواتنا المنتقبات

كلكم عروسات قمراااااااات

__________________________________

قريت كتير في مجال التجميل

ولقيت كل الخبراء بيتكلموا في ان اجمل ما يميز العروس المحجبة هي شكلها الملائكي

فبساطة الطرحة مع المكياج هو فقط طريقها الا ان تكون اجمل عروس

فهل ترون في غير الحجاب الشرعي جمال ملائكي .. فيكفيكي رضا الله عنكي لتكوني أحلي واحدة

طب نيجي بقي للسؤال الأهم ؟؟؟

انا عروسة وعاوزة اعمل الحجاب الشرعي بس مش لاقية كوافيرة بتعمله ؟؟

هو انا اقول للكوافيرة ايه عشان تعملي كدا ؟؟

بصوا يا عروسات يا حلوين .. ربنا يتملك بخير يارب

انتي هتطبعي الصورة الحلوة اللي انتي عاوزاها و هتروحي للكوافيره بتاعتك
وهتطلبي منها انها تعملك اللفة دي وتطلبي منها انك تشوفيها مرة علي الاقل قبل الفرح علي وشك

صحيح هو مفيش وقت لكدا وممكن تطلب فلووووس

بس دي ليلة عمرك .. لو فكرتي ان اللحظة دي مش هتتكرر تاني هتخلقي ليها وقت

وبجد من سؤالي لكل الناس اللي عرفتهم عن طريق فتكات وعملوا اللفة دي

قالوا سمعنا احلي تعليقات في حياتنا عن جمالنا

ربنا يرزقكم يا فتوكات الرضا وراحة البــــال

اما بقي عن اهم سؤال وهو انا هعرف ازاي اللفة دي تناسب وشي ولا دي ؟؟

هقولكم عليها بالتفصيل والصور لو لقيت منكم احلي تشجيع واحلي تقييم

وانتظروني لسه اجزاء كتيييييييييير من فستانك والبدي وجزمتك ومكياجك ووردك وعربيتك

وروني الهمه ووروني التقييم يا احلي عروسات لو عاوزين الباقي

التقيييييييييييييييم تحت اهو متكسلوووووش

د / شهد الحياة د / شهد الحياة 703527_2.gif فتكات متميزة Fatakat 703527 القاهرة – مصر

السلام عليكم ورحمة الله وبركاته

أزيكم يا أحلي وأجمل فتوكات … يارب تكونوا كلكم بخير يارب

وشكرا لكل حد دعا ليا .. الحمد لله ربنا استجاب لدعائكم والعملية عدت بكل خير ( احمدك ربي حمدا يرضيك )

_____________________________________________

زي ما اتفقنا قبل كدا في الجزء الأول والجزء التاني ياحبايبي أن كل حاجه هستفاد منها وانا بجهز وباخد قرارتي لمستقبلي السعيد ان شاء الله

أكيد هفيدكم بيها معايا

وطبعا انتم فاكرين أول قرار أخدناه مع بعض صح ..

( هكون محجبة شرعي ان شاء الله في فرحي )
وده لينكه للبنوتات اللي مشفهوش و لسه مأخدوش القرار معانا
https://fatakat.univanet.com/#4159111

وطبعا انتم فاكرين تاني قرار أخدناه مع بعض علي حسب وش كل قمراية منكم ..

قرارتي المجنونة هتخليني أحلي وأرق عروسة بالصور .. الجزء الثاني ( شكل وشي مع طرحتي )

وده لينكه للبنوتات اللي مشفتهوش ولسه ماخدوش القرار معانا

https://fatakat.univanet.com/#4167067
_________________________________________

كدا احنا بقي ناويين ننزل نشتري الفستان الحلو اللي هيمشي عليه طرحتنا الجميلة اللي اخترناها

وموضوعنا هينقسم لجزئين حلوين كدا لعيونكم

أولا : الفستان اللي يمشي معايا ايه ؟؟
ثانيا : قراري انا المجنون اللي ناوية اعمله مع تجرية حية من الواقع .

نقول بقي بسم الله الرحمن الرحيم

بصوا يا حبايب قلبي معظمنا طبعا من مصر والاغلبية العظمي في عرايس مصر الحلوين بيأجروا فستان الفرح يعني انتي بتكوني مجبرة تختاري من الموديلات الموجوده فلازم يا حبيبة قلبي تعرفي ازاي من وسط الفساتين الحلوة دي هتختاري فستان فرحك

شوفي يا حبيبة قلبي .. فستان فرحك ده لازم يكون في حاجتين مهمين
1- انه يكون مش مبين ديفوهات جسمك ومداريها ( عشان تبقي اميرة في فرحك )
2- انه يكون مريحك في المشي والقاعده و كمان تكوني مرتاحه ليه نفسي عشان يزيد ثقتك من نفسك ( ثقة العروسة من نفسها يوم فرحها بتكون سر جمالها )

طيب ازاي هحقق الاتنين دول في فستاني ؟؟؟

شوفوا يا بنوتات الأجسام انواع وكل نوع له ديفوهاته اللي لازم فستانك يغطيها .. ولازم تعرفي نوع جسمك وانتي بدوري عشان متجبيش اي حاجه تزغلل عينك وخلاص وفي الاخر تطلع فااااااااكس

شوفوا يا فتوكات يا جميلات
أجسمانا دي عبارة عن حاجتين
1- جسم ممتلئ
2- جسم رفيع

أولا : الجسم الممتلئ ( منورين يا بكبوزات وانا منكم هههههههههه )

شوفوا يا حلوين الجسم الممتلئ ده عبارة عن بعض الأشكال اللي الدهون بتكون مركزة في بعض الأماكن واكتر أشكال الجسم الممتلئ طبعا
هو الجسم التفاحي ( الدهون مركزة في الصدر )

الجسم الكمثري ( الدهون مركزة في الارداف )

الجسم علي شكل ساعة رملية ( الدهون مركزة في الصدر والارداف )

كدا أحنا فلة شمعة منورة … حددتي يا وزتي شكل جسمك

طيب ورايا عشان اقولك فستانك هيكون ازاي ؟؟

أولا الجسم التفاحي : ( صدرك ممتلئ وخصرك غير محدد ومن تحت أقل عرض من فوق )

فستانك لازم يكون خافي لامتلاء صدرك .. اولا متنسيش تظبطي البرا جدااا وانسب شي للصدر الممتلئ هو الفتحة حرف ال V من عند الصدر ويكون مش مطرز من فوق هي مش ناقصة ضخامة وياريت لو كان مخطط طولي يبقي انتي اخفيتي الصدر .. زي كدا

تيجي بقي وانتي نازلة علي وسطك تحاولي تجيبي فستان يحدد اكتر حتة ضيقة في وسطك وبعد كدا يبدأ يوسع وانتي نازلة بوسع صدرك من فوق بحيث انه يكون مشغول شوية بسيطة من عند الوسط وياريت الوسط يكون ساقط نوعا ما عشان يدي طول تحت الصدر فميبنش تخنه

مثال بقي واضح علي الجسم ده

ده فستان لاحد الفنانات المشاهير وكان مصمم ليها الفستان أحد الخبراء العالميين .. زي ما احنا شايفين حرف V من عند الصدر ونازل الفستان محدد للخصر ومطولة شوية يعني الوسع مش نازل من عند الوسط لا نازل اكتر من تحت الوسط عشان يديها طول وبعد كدا منفوش النفشة علي قد عرض صدرها عشان التناسق وبعدين نازل علي اوسع عشان يديها شكل الاميرات

طيب أيه اللي مينفعش مع صاحبة الجسم التفاحي ؟؟

ممنوع منعا باتا الفستان المطرز من عند الصدر هي مش ناقصة

حاولي تبعدي عن الكاب اللي بالعرض عشان ميديكيش عرض زيادة

من الاخر تحاولي تلبسي حاجة خفيفة في الشغل من فوق لتبعدي الانظار عن امتلاء الصدر ويكون من تحت في شغل شوية عشان الانظار تكون تحت

ثـــانيا الجسم الكمثري: ( صدرك نحيف وممتلئة من الارداف )

فستانك لازم يا حبيبتي يكون خافي لامتلاء الخصر الممتلئ و ده بردو هيكون عن طريق انك تلبسي فستان انسيابي من عند الأرداف عشان ميزودش التخن من المنطقة دي .. وتلبسي حاجه مشغولة من عند الصدر عشان يوازن مع التخن اللي في الاسفل ويحاول لفت النظر لاعلي بعيد عن الجزء السفلي

زي كدا

شغل جامد يكبر الصدر ويكون نازل انسيابي ليخفي الزيادة في الوزن من اسفل

في بردو نوع من انواع الفساتين حلووو اوي ويليق مع الجسم ده وهو الفستان المحدد من اسفل الصدر ونحاول بردو يكون الفستان مطرز من اعلي عشان يدي صدر عريض ونازل واسع يخفي امتلاء الخصر

وفي بردو نوع تالت وهو الفستان ديل السمكة بس بردو لازم يكون مش مطرز من عند الوسط ويكون مطرز جدا من عند الصدر عشان يدي توازن بين فوق وتحت وتدي شكل الساعة الرملية الحلو
زي كدا

ايه الحاجات الممنوعة للفتوكة صاحبة الجسم الكمثري ؟؟

انها تعكس بمعني انها تلبس حاجه ستان مثلا من عند الصدر لانها هتبين صغر صديها جداا وتيجي عند الفستان من اسفل وتلاقيه مطرز ورد بقي ويكون جنينه هيديها زيادة رهييييييبة وهي مش ناقصة

ثالثا الجسم شكل الساعة الرملية الممتلئة : ( صدرك ممتلئ وخصرك ممتلئ وبينهم خصر محدد )

صاحبة هذا الجسم الممتلئ يليق لها أي قصة تكون سمب جداااااااا وغيرة مطرزة اطلاقااااااااااااا

مثل

احنا خلصنا الجسم الممتلئ وفاضل الجسم النحيف وباقي الموضوع

معلش يا بنات انا مش قادرة اكمل حاسة اني تعبت فجأة .. لاني لسه في فترة النقاهه

ان شاء الله هكمل التفاصيل بعدين .. واصلا لسه في شغل كتيييير اوووي في جزء الفستان هيعجبكم اوووي وهيجاوب علي كل استفساراتكم

انتظروني

د / شهد الحياة د / شهد الحياة 703527_2.gif فتكات متميزة Fatakat 703527 القاهرة – مصر

ازيكم يافتوكات ياحلوات

يارب تكونوا بخير

انا عايزة اعرف ازاي اخزن طماطم

لاني بخزنها وهيه طازة واجي اطلعها بلقيها ميه ومش بتبقا حلوة

وعايزة استغل انها رخيصة الايام دي

بالله عليكوا قولولي على طريقة كويسة

ولكم الاجر والثواب عند الله ههههههههههههه مواضيع هذا القسم برعاية

jeje we bs jeje we bs 768592_2.gif سوبر فتكات Fatakat 768592 ديرب نجم – مصر