بسم الله الرحمن الرحيم
وحشتووووووووووووووووووني كتيررررررررررررررررررررررررررر
موضوعي النهاردة ازاي تنقي الخضار بالطريقة الصح
انا هقدم لكم بعض الخضراوات مش كلها لكن باذن الله تفيدكو وبالذات للعرايس القمرات
وكمان للستات العسولات الحديثي الزواج
يارب الموضوع يفيدكو
هبدا بالكوسة
الكوسة لو هتجبيها للطبيخ هاتيها القصيرة والرفيعة ااااااااااااوي
علشان لما تطبخيها ما ترميش ميه ترمي لحم وتبقي ناشفة بالطبيخ
لكن لو للمحشي ما تجيبهاش رفيعة ولا كبيرة اوي وطويلة
لو رفيعة هتتكسر منك ومش هتشيل فيها رز ولا لحمة لو هتحشيها لحمة
ولو كبيرة هتبقي شكلها مش ظريف وممكن تقسميها نصين علشان المقوار ممكن ما يكملش هيها
تجبيها القصيرة المبرومة وتخينة شوية علشان تعرفي تقوريها ولا تتكسر منك وكمان في الحشو تبقي واخدة وضعها
زي الصورة كدة كلها حجم واحد
ورق العنب بقي ما تجبيش الورقة الصغيرة اوي ولا الكبيرة هتكون ناشفة في الاكل
هاتيها الوسط وتكون ناعمة وغامقة الوسط هتطلع الصباع معاكي شكله جميل
والورق يكون بالحجم دا
الفلفل كمان تجيبي الفلفل المنفوخ لا معوج ولا رفيع
المعوج في الحشو هيتكسر منك وكمان يكون بيلمع كدة وما فيش علامات سودة من برا الفلفلاية
لو فيها علامة سودة من برة اكيد بتكون فاسدة من جوا علي اد ما انتي شايفاها ما فيهاش حاجة من برا
لكن مع الفتح بتتفاجئ
شايفين حلو ازاي
الملوخية تجبيها القصيرة وورقتها غامقة وخشنة
الورقة الخشنة بتكون مسكرة بالاكل وبتلف الملوخية
لو ناعمة بتخلي الملوخية صايصة كدة بالشوربة
الخيار بقي تجيبي القصيرة الملفوفة
الرفيعة لو جبتيها مش هتعيش معاكي يوم وتلقيها لمت علي نفسها وفضيت
الكبير هيرمي ميه في الاكل او السلاطة وتلقيه ناشف
تجيبه الحجم اللي بالصورة
الباذنجان لو هتقليه وتحشيه بالتوم
هاتيه برده قصير وملفوف الرفيع بالقلي هينشف منك وهتلقيه جلد من غير لحم
وبلاش المليان هيرمي لحم زيه زي الباذنجان الرومي
خليكي زي اللي بالصورة
البصل بقي دي الاشكال اللي بتبقي بالسوق
اوعي تجيبي البصلة اللي تقلبيها تلقي زي ما تكون خشبة جواها
هتكون فاضية من جوا
والبصل دا هيدوخ في التخريط
تجيبي البصلة الدورة الحلوة دي
لفلفل الحامي تجبيه برده سرح وطويل لو حاباه مشطط وتكون الفلفلاية ناشفة لو طريه بيكون بارد
ويكون بيلمع اللي بيلمع طازة
البامية فيه ناس كتير تقولك الصغيرة اوي وبتبقي شيك في الاكل
ابداااااااااااااا اللي بتبقي شيك فعلا هي البامية الوسط والكبيرة للويكة
انا كدة خلصت موضوعي ويارب اكون افدتكم وانتظروني قريبا ان شاء الله بموضوع جديد ومفيد
اتمني منكو الدعوة الحلوة والتقييم لو عجبكو الموضوع
مواضيع هذا القسم برعاية
dody moon dody moon 30584_12.gif ملكة فتكات Fatakat 30584 حياتي انا – مصر
سبحان الله و بحمده
