بسم الله والصلاه والسلام علي رسول الله
اللهم بلغنا رمضان وانت راض عنا يا رب االعالمين
بصو يا قمرات انا كان عندي عزومه صغيره مصورتش حتي الخطوات الشكل النهائي ل الاطباق لانها كانت بسرعه جدا وكل واحد له طلب
اللي طلب كوارع واللي طلب كبده واللي طلب فراخ مشويه و واحد فيهم مبيكلش كل ده فطلب بولونيز ومعاهم عملت لحمه بارده
الاول فته الكوارع
بجيب الكوارع اتضفها كويس واحطها في ميه مغليه تاخد غلوتين وارمي الميه
بشوح في حله الضغط بصل وحبهان ومستكه و ورق لورا وفلفل اسود حب وكرفس وكرات واسقط الكوارع وعليها ميه مغليه بتقعد في الحله نص ساعه تزقيها تقع لو معندكيش الحله خلاص اي حله تانيه بس دي بتسوي اوووي
بجيب العيش اقطعه بالمقص بالورب واحمره عاوزه تحطيه في الفرن اوك بس هايطري منك بسرعه
الدقه نجيب التوم نحمره في سمنه فارم او بلدي ونحط نص كوب خل ومكعب ماجي وشويه فلفل اسود
وقت التقديم نحط العيش وعليه شويه من الدقه وبلاش شوربه علشان العيش ميطراش واناي ورغبتك انا بخلي الشوربه بره
واحك الرز واحط فوقهم الكوارع وشويه برده من الدقه وفلف اسود طبعا انتو اساتذه
الكبده هما مش بيحبو الكبده البقري
عملت كبده وقلوب الدجاج
بنزلهم في ميه مغليه بليمون وارمي الميه
اشوح بصل وتوم وفلفل رومي وحامي وانزل بالكبده لفتين بس كده واطفي احط ملح وفلفل وليمون وصويا صوص
والف هتا بجد جربوها هاتعجبكم ونسيت اقولكم طبعا بنقطعها شرايح بس لما بتاخد غلوه الاول اسهل في التقطيع
اعذروني كل الصور دي واتا بطبخ لسه مكتتش ناويه اصور اصلا
بجيب الفراخ انضفها وانا بصراحه من كتر ما نضفتها قطعت الجلد علشان اشيل الزلال بس الافضل المحافظه علي الجلد
واجيب بصل وفلفل وطماطم وليمون وشويه هل وشويه بهارات وصلصه مدخنه لو مفيش خلاص بس بتدي نكهه ولون حلو
واضربهم في ااكبه وابيت فيهم الفرخه
اجيب اازازه اازاز واملها ميه واحط الفرخه والصنيه احطلها ميه واوقف الازازه واسيبها تاخد لون طبعا كلنا عارفينها
زي ما قلتلكم ااافضل بالجلد عموما انا قلبتها علي ضهرها وعليها بقدونس وراجعه عضم هههههههههههه
باجيب عرق لحمه حسب وزنه بغرزه بالتوم والفلفل الصحيح اشوحه لوحده الاول
وبعدين بجيب بصل وتوم وقرفه اعواد وفلفل حصا اشوحهم مكانه واحطله في الصنيه كوبايتين ميه مغليه وادخله الفرن بيقعد ساعتين واكون مغطياه
لما بيخرج اسيبه يبرد واقطعه
والصوص بضربه بالهاند بلندر وبخليه بره هما بيحبوها ناشفه كده
وممكن تسويه علي النار من فوق بس منحطش بقا ميه كتير
اخر حاجه بقااااا حبيبه قلب الملاييين
بولونيز بصوص الجبنه انا وعدتكم قبل كده هانزلها بس لاسف الصور اتمسحت لما الجهاز اتفرمط بس الحمد لله الخطوات سهله جداااا وودعي بيتزا هت
هاسلق المكرونه تكون شرايط او اسباجتي ولما تتصفي اشوحها في زبده وفص توم
عصجي لحمه عادي وضيفي عليها عصير طماطم وجوزه الطيب محدش يقولي حرام انا سالت وزي ما تحبي و زعتر وملح وفلفل
صوص الجبنه حصريا وبسسسس هنا علي فتكات
انا كنت بشتريه من لافاش كيري بس معدش بينزل والله لما عملته احلي منهم ملييون مره
هاجيب كريمه طبخ واجيب جبنه شيدر اورنج واسخن الكريمه بس تسخين وانزل بالجبنه وتكون مبشوره هيه ملحها معتدل حابه تزودي ملح براحتك
واضرب بالمضرب االسلك لغايه ما تسيح واطفي النار بس منغليش بس تبقا سخنه لو قعدت و ربطت فكيها في حمام ميه سخن او المايكروويف
لو مفيش كريمه يبقا لبن وقشطه ونفس النتيجه ان شاء الله
بلااااش تقهروني بقله الرودو ممكن يجرالي حاجه بسبب المكرونه ههههههههههههه
ودي كانت اسرع عزومه في حياتي وكنت عامله ملوخيه وسلطه وكده يعني
ومحدش يقولي الاصناف مالهاش دعوه ببعض شعبي علي كلاسيك علي ايطالي بس عملت كل واحد طلبه لان فيه ناس مبتحبش اصلا الكوارع ولا الكبده
واعذروني السيرفر وحش جدااا معايا لما بفتح مواضيعي الاقيه متوقف مؤقتا
والنت بقا حاجه جمييييله
يارب تكون الاطباق عجبتكم
في امان الله
ومتنسوووووووش التقييم
قيمي بصوباعك الصغنون واكتبي كومنت بنفس الاصبع هههههههههههه احفظو بقا
رب اني لما انزلت الي من خير فقير مواضيع هذا القسم برعاية
haneen_75 haneen_75 90893_1.gif فتكات ست الكل Fatakat 90893 جده – المملكه العربيه السعوديه
