الوسم: المسقعه
اخواتى الفتوكات الحلوات
بتطبخى المسقعه كل فين وفين؟ طب جربى طريقتى وانتى هتعمليها كل يوم ويوم(سنوات الضياع 2) 2024.
بسم الله الرحمن الرحيم
ازيكو يا بنات
انا عملت صينيه مسقعه فى الفرن من غير لحمه مفرومه
ما هو مش معقول هناكل كل يوم لحمه وفراخ ولما نحب نغير نحط لحمه برضه
هى ودنك منين يا جحا ههههههه
بس صدقينى مش هتحسى بفرق خالص من طعامتها
وهتاكلى ضوافرك وراها مش بس صوابعك هههههههههههههههه
ودى صوره مبدئيه يا بنات
اتمنى انها تعجبكم
ادى المكونات اهه كلها
باذنجان
فلفل
بطاطس
طماطم وتوم وملح وفلفل
مكعبين مرقه دجاج
وكمون وكركم وكارى وورق لورا (ودى فعلا خلطه سحريه للمسقعه )
وبقوم محمراهم وركناهم يتصفوا شويه من الزيت
الطريقه بقى
انا بقى مبدئيا بعمل الطبق اللى جاى ده وبريح نفسى
بحط الطماطم على معلقتين صلصه على مكعبين مرقه الدجاج بعد ما ببشرهم واحط كمان الملح والفلفل وورق اللورا والكركم والكارى
وعايزه اقولك ان البهارات دى بتفرق جامد فى الطعم وخليتنا فى البيت نحبها ونعملها
انما فى الاول كانت المسقعه دى من الممنوعات والله هههههه
طب يلا نستعرض صور الموضوع
ادى مرقه الدجاج ودى بتدى نكهه تحفه للمسقعه بجد
وهنا بقى الطبق اللى جهزته واحط فيه كل المكونات مع بعض عشان منساش حاجه
المسحوق المبشور الاصفر الفاتح ده المرقه على فكره
والاصفر الغامق الكركم والكارى والكمون
(ملحوظه)
انا مسبكتش الطماطم اللى فى الطبق دى
اكيد انتوا واخدين بالكم صح ؟
لانى مش عايزه اضيف ميه خالص للمسقعه
يعنى المسقعه هتستوى ان شاء الله بالميه اللى نازله من الطماطم بس او عصير الطماطم بمعنى اصح من غير ما اضيف ولا نقطه ميه
لان اصلا هى كده كده مستويه وكل المكونات بتاعتها متحمره وواخده سوا كامل
فاهمنى ياقمراتى ؟
وبعدين بقلبهم كويس مع بعض عشان كل المكونات تتجانس مع بعضها كويس بالشكل ده
وبعدين بقى بجيب صينيه واحط فيها معلقه سمنه او زيت واقوم مصفره التوم بس
واول ما ريحته تظهر بقوم حطه شويه من الخلطه اللى فى الطبق فى الارضيه بتاعتها
عشان طبعا انا مش هقدر اقلب المسقعه
عشان البتنجان والبطاطس ميتكسروش
وبالتالى كل المكونات تشرب من الخلطه دى
وبعدين بقى ابتدى ارتب الصينيه بتاعتى
بحط اول طبقه
بطاطس لانها بتستحمل اعلى درجه حراره فعمرها ما هتتهرى ان شاء الله
وتانى طبقه باذنجان وفلفل مع بعض عادى
وبعدين بقوم حطه باقى الخلطه اللى كانت فى الطبق معايا من شويه اوعوا تكونوا نسيتوها هههههههههه
واسيبها على البوتاجاز تاخد غلوتين بس وبعدين ادخلها الفرن نص ساعه عشان الخلطه تتسبك والصينيه تاخد وش جراتان دهبى كده
وبعدين بطلعها بتبقى زى الفل ووشها احمر وجميييييييل
باذن الله
واكلت جنبها مخلل انا اللى عملاه برضه هههههههههه
ودى صورتها بعد ما حطيتها فى اطباق
ويارب تعجبكم يا بنات
انا عايزاكى بقى تاخدى حته بتنجان على حبه من الصلصه مع اللقمه كده وقولى حصلك ايه
صدقينى راسك هتضرب فى السقف
وهتقولى من طفا النور
من الجمال طبعا ههههههههههههه
اوعوا تفهمونى غلط ههههههههههههههه
يا عينى يا ليلى
وده المخلل اللى انا عملاه
وده اللينك بتاعه عشان انا عارفه انكوا هتسيبوا الاكله كلها وهتسالونى عن المخلل هههههههههههه
الخيار المخلل وقرمشته واسراره كلها سيبيها عليا انا (سنوات الضياع 2 )
لو الاكله عجبتكم قيمونى
بحبكم يا كتاكيتى
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر
