الوسم: الكيش
ازيكو يابنات عاملين بصراحة دي اول مرة اكتب موضوع بس انا حبيت افدكو ي انا ماستفد منكو كتير اوي مش هطول عليكو وهدخل في الموضوع علطول انا كان في دكتور شوفتة في برنامج كدة بس واللة مش فكرة اسمو اية المهم كان بيقول شرب اللبن بكمية كبيرة بشيد البطن وبيخفيها خالص بصراحة انا كبرت دماغي وبعدين قولت اجرب انا مش خسرانة حاجة دة حتي اللبن مفيدبس انا ماكنتش بحب اللبن المهم واقسم باللة يابنات انا كنت بشرب كيلو كل يوم وفي خلال ايام 3 ايام واللة بطني اتشدت ونحفت واللة يابنات جربوها ومش هتندمو انا بس عاوزاكو تدعولي ربنا يرزق خطيبي ويجمعنا م بعض ومستنيا ردودكو
طريقه عمل ((العجه)) ومالكيش ((حجه)) بالصووور 2024.
السلام عليكم ياقمرات
اليوم راحت عليا نومه هعمل ايه
شغل البيت
والواد مدوخني طول الليل والنهار
والبيه بيشرف الساعه 4
وطبعا لازم المم يكون جاهز والا
قعدت افكر افنكر افنكر وانا نادر اما بفكر ههه
قبل ماييجي جوزي ونمسك بخناق بعض
مسكتش جريت عالتليفون وكلمت ماما
قالتلي عندك بيض
اعملي( عجه ومالكيش حجه)المكونات
بيض اي عدد-ولكل بيضه معلقه دقيق-
معلقه بكنج بودر-بصله مبشور-ملح وفلفل اسمر
بقدونس مفري ناعم-قرن فلفل حامي( اختياري)هالطريقه
كل المكونات نحطها علبعض
وبمضرب سلك اضربيهم جامد
عشان مايعملوش كدا تاني هههههههههه
تابعوني مواضيع هذا القسم برعاية
دانتيلا3 دانتيلا3 194178_15.gif ممنوعة من المشاركة Fatakat 194178 هدوووووووء – هشششششششش لعمر يصحي ههههههه
سبحان الله و بحمده
مالكيش نفس تعملي عشاء ؟ تعالي شوفي احلى سناكس عندي 2024.
اول حاجه هانجيب عيش فينو او فرنساوي و نقطعه شرائح مدوره
ونشيل شويه منهم نحمصهم تحت الشوايه
هاقولكم ليه دلوقتي
نجهز بقه شوية خلطات كده
اول خلطه : مكدوس لبناني وده للي مايعرفش ( بتنجان محشي مكسرات نقطعه مع لبنه بينار )
وده شكلهم
الخلطه التانيه : مشروم – فلفل اخضر – بصل شرائح – سوسيس
كلهم على بعض على النار و لما يدبلو نحط ملح و بهارات مشكله وكاتشب
وده شكلهم
الخلطه التالته : نسيح زبده و نحط عليها توم بودر او توم مهروس جداااااااااااااااااااااااااااااا
نبدا ننهي الطبق بقه
نجيب اول خلطه … المكدوس باللبنه و نحطها على الخبز المحمص
تاني خلطه : نحطها على العيش العادي و نحط عليها جبنه موزاريللا
ثالث خلطه نحط الزبده السايحه على الخبز و عليها جبنه موزاريللا
وده الشكل النهائي بس مالحقتش اصور بعد ما دخلتهم المايكروويف
وبجد احلى من الساليزون و ينفع كمان في الحفلات و اعياد الميلاد
والتقيم يا بنات ماتنسووووووووووووووش
مواضيع هذا القسم برعاية
الزوجة الصالحه الزوجة الصالحه 12016_1.gif فتكات ست الكل Fatakat 12016 مدينة نصر – القاهره
سبحان الله و بحمده
لو بتصحي الصبح ومالكيش نفس تفطري 2024.
السلام عليكم يا احلي صحبه احنا كلنا عارفين اهميه وجبه الفطار بس احيانا تصحي الصبح تلاقي نفسك مالكيش نفس تاكلي حاجه انا كان بيحصلي كده علي طول لغايه ماواحده صاحبتي قالتلي علي حاجه اعملها للاولاد عشان يحبوا ياكلوا البيض وفعلا عملتها والاولاد حبوها وانا كمان حبيتها اوي اوي وبقيت كل ما اصحي ماليش نفس اعملها الاقي نفسي اتفتحت علي طول ومقادير بسيطه خالص عيش توست وبيض وزبده او سمنه وطاسه تيفال والطريقه فرغي قطعه التوست من النص وحطيها في الطاسه وحطي ملعقه صغيره زيده في الجزء اللي فرغتيه وتولعي النار وتكسري البيضه وتحطيها في النص دقيقتين وحتلاقي البيضه استوت والعيش اتحمر واقلبيها الناحيه التانيه وهدي النار عشان البيضه تستوي كويس وبعدين طلعيها في طبق ورشي عليها ملح وفلفل وبالهنا والشفا
مواضيع هذا القسم برعاية
نانوف نانوف فتكات متميزة Fatakat 80298 عالمي الخاص – مصر
سبحان الله و بحمده
عندك سمك بايت ومالكيش نفس ليه ؟؟؟؟؟؟؟؟بالصور 2024.
طيب تعالى اقولك بقى …
فصصى السمك كويس وخلى بالك من الشوك وقطعيه حتت صغيرة جداااااااااااااااااااا
واسلقى بطاطساية كبيرة كويس جدا واهرسيها مع السمك وملح وكمون وضيفى بهاراتك ال بتحبيها
بعدين اعمليها صوابع وحطيها فى البيض ثم البقسماط
شيليها فى التلاجة شوية ممكن ربع ساعة مثلا عشان تمسك
بعدين طلعيها وفى زيت مقدوح وكميته متوسطة مش غزير ولا قليل
اقليه وقلبيه على كل الجوانب وبألف هنا اسيبكم مع الصور
التقييييييييييم —ودعواتكم لامى بالشفا– ولابى بالرحمة
كل سنة وانتو طيبين مواضيع هذا القسم برعاية
صوت المطر 11 صوت المطر 11 416516_12.gif فتكات رائعة Fatakat 416516 السويس – مصر
سبحان الله و بحمده
الكيش اللي اطعم من اي بيتزا وتحدي **من مطبخ بارادايس بالصور** 2024.
اخواتي الحبيبات جيبالكم النهارده اكله محببه لقلبي من يوم معملتها اثارت الاعجاب وانتقلت عندنا من اكله لذيذه في العشاء لطبقفاخر من اطباق العزومات
الكل بيسالني عنها وعن مقاديره ولان مقاديرها بسيطه جدا ومتوافره وقيمتها الغذائيه عاليه وشكلها مميز قلت لازم اقلهلكم
يلا بينا نعمل سوا الكييييييييييييش
الكيش بيتعمل علي 3 مراحل العجينه الحشوه الافاراي او الطبقه الاخيره
اولا العجينه
كوب دقيق
من 1 الي 2 بيضه
4 معالق زبده
ملح فلفل
لبن او ماء حسب الحاجه
تتميز عجينه التارت او الكيش ان مكوناتها لازم تكون بارده علشان تديكي نتيجه احسن
يعني الزبده والبيض الماء او اللبن بيكونوا باردين خارجين من التلاجه
اولا بنضع الدقيق في اناء العجن مع الزبده البارده بعد تقطيعها لقطع صغيره قوي
باطراف صوابعك تخلطي الدقيق مع الزبده لغايه متختفي الزبده جوه الدقيق
بعد كده بتضيفي البيضه وبتخلطي برفق وتشوفي ياتري العجينه هتحتاج البيضه التانيه ولا لاء ؟؟
وبتكملي الخلط بكميه لبن لا تتجاوز ال3 معالق لبن مخلوطه بذره ملح وذره فلفل
ملحوظه هامه عجينه التارت لا تحتاج عجن كتير يعني تخلطي المكونات سوا لغايه متلم معاكي وبس
رشي دقيق وافردي العجينه بالنشابه ارفعي العجينه برفق ازاي؟؟؟؟؟؟؟
تلفيها علي النشابه برفق تحطبها في صينيه وتسكني العجينه جوه الصنيه برفق
وعلشان متعلاش معاكي في الفرن بتخرمي العجينه بالشوكه كده
ثانيا الحشوه:
الحشوه دي متروكه لابداعك وذوقك
وادي بعض الاقتراحات اللي ممكن تساعدك
الحشوه الاولي : بصل ومشروم ولحم مفروم
الحشوه الثانيه:رومي مدخن وسجق او احدهم
الحشوه الثالثه بصل متشوح في الزيت حوالي 12 كوب بصل (وده بيسموه كيش لورين)
الحشوتين اللي عملتهم كالاتي
الاولي عباره عن
علبه تونه متصفيه من الزيت ومضاف لها خل وليمون شطه ناشفه وملح وفلفل
فوقها بعض مكعبات من الطماطم
وزيتون مخلل مفروم
بصل مفروم(طعم البصل مع التونه رائع)
وبتضيفي الحشوه فوق العجينه
الحشوه التانيه لحمه مفرومه متعصجه بدون طماطم+طماطم مكعبات+ وزيتون مخلل
ملحوظه ممكن تضيفي الفلفل الاخضر اذا حبيتي
الطبقه الاخيره ودي الي نتعمل تماسك وطعم مميز للكيش وهي عباره عن
بيض حسب الحاجه(من بيضين الي 3 بيضات) +جبنه جوده او شيدر او حتي قريش(12 واحده) + 12 كوب كريمه او قشطه +ملح وفلفل
محوظه ممكن تستبدلي الكريمه بوش اللبن اللي بتجمعيه مع 14 كوبايه لبن
تخلطيهم كلهم مع بعض بالمضرب وتصبيهم فوق الحشوه وممكن تزيني بشرائح الزيتون والجبنه الرومي المبشوره
تسخني الفرن 10 دقائق وبعدين تدخليها فيه لغايه متحمر اطرافها وبعدين تتحمر من فوق
وادي شكلها في طبق التقديم
ممكن تقدميها كعشاء لذيذ مع كوبايه عصير ومخللات وسلطات
زينيها بطريقتك وقدميها وادعيلي
بجد اكله شيك………..
لذيذ …………….وغنيه
سواء
في عشاء………….او في غدا …………..او حتي في عزومه
مستنيه اراؤكم وتجاربكم وردودكم واكييييييييييييييييييييييييييييييد تقييمكم
اختكم بحبكم في الله
والسلام عليكم ورحمه الله وبركاته مواضيع هذا القسم برعاية
nourhana nourhana 91707_3.gif سوبر فتكات Fatakat 91707 طنطا – مصر
