السلام عليكم ورحمه الله وبركاته
انا عملت النهارده الفطير تاني من غير فرن وصورته عشان خاطر عيونكم
وباشكر تاني صاحبه الموضوع الاصلي علي فكرتها الحلوه دي وتعذرني اني مش فاكره اسمها
ندخل بقي علي الطريقه والمقادير
المقادير
ربع كيلو دقيق
ميه لحد ما الدقيق يبقي عجين يعني ايه
يعني هنضيف الميه شويه شويه لحد ما يتكون عندنا عجينه ما بتلزقش في الايد
معلقتين اكل سمنه مليانين ونص كوبايه زيت متسيحين ولو خلصو منك في النص زودي الفطير بيحب السمنه
وبعدين نعمل العجينه اربع كور ونغطيها ونسيبها ترتاح ربع ساعه
ودي صوره السمنه والزيت سيحتهم في نفس الصينيه اللي هعمل فيها الفطيره عشان اللي يتفضل من السمن افرد عليه الفطيره
وبعدين ناخد اول كوره نرش الرخامه دقيق كويس ونفرد الكوره اوي اوي لحد ماتبقي شفافه ولو اتقطعت مش مشكله كله بيطلع في الغسيل
وندهنا سمن حلو اوي
وبعدين نطبقها زي الظرف وبعد كل تطبقه نمسح الدقيق الزياده وندهن سمنه كويس
وبعدين نجيب الكوره التانيه وبرضه نفردها اوي وندهنها سمنه
وبعدين نحط الظرف الاولاني في نصها كده
وبعدين نطبقها عليه ظرف كده
وهكذا بقي في الكوره التالته والرابعه نفرد ندهن نحط الظرف في النص نطبق وندهن برضه
وبعدين حطيتها في الصينيه اللي سيحت فيها السمنه
وبعدين بططتها فيها كده
وبعدين علي نار متوسطه حطيتها وبنلف الصينيه عشان ماتتحرقش وهيا مش بتاخد وقت خالص وبعدين بنرفه بالسكينه طرفها نشوفها اذا كانت احمرت نقلبها لو لسه نصبر عليها
ودي لما طلعت
ودي الجبنه القديمه اللي بالطماطم والزيت الكتييييييييييييير
وبالهنا والشفا
ملاحظه بقي
اتوصي بالسمنه عشان ماتعجنش
افرديها اوي عشان ماتطلعش تخينه
وسمعوني احلي تشجيع مواضيع هذا القسم برعاية
veroo veroo 661540_2.gif فتكات هايلة Fatakat 661540 شكلها اقامه – انتي جايه ملفي اقامه ولا فيستور
